APOCALIPSIS 22:6 - New Testament in Mixe Tlahuitoltepec

⁶ Wɨnets ja a̱nkɨlɨs xnɨma̱a̱y yɨdeꞌen: ―Tɨy janch ya̱ꞌa̱t ayuujk midi ɨxya̱m tø xjaadyañ, kaꞌ nugo xkudsøꞌøgɨt. Nay ja Dios Teety pøn yꞌijty tyuka̱jpxwaꞌkxpy ja kyugajpxy, tøts ja nayɨdeꞌen tkejxy ja yꞌa̱nkɨlɨs jøts ttukmadoꞌot ja pyadumbɨ pyabøjkpɨ sa̱ tsojk yja̱twa̱ꞌa̱ñ kyubatwa̱ꞌa̱ñ.

APOCALIPSIS 22:6 ပူးပေါင်းရင်းမြစ်များ

MATEO 13:41

Ngaxp øts ja nꞌa̱nkɨlɨs jøts ja twa̱a̱mujkøxtɨt pøn jaty ja myɨguꞌuk tyikpøktyundɨp, jøts pøn nayɨdeꞌen ttunkꞌa̱jttɨp ja pøktyunk, jøts ja ttukmajtstuꞌuttɨt øts ja ngutujk jøts kidi mɨba̱a̱t ttatøkɨdɨ.

LUCAS 1:70

Jadeꞌen sa̱ ja Dios Teety jawyeenɨp ojts ttuknɨgajpxy ja kyugajpxy,

LUCAS 16:16

’Ku ja Juan Bautista ya̱ myiiñ, jaayɨp ja kugajpxtyøjk ja yꞌa̱a̱w yꞌayuujk yꞌadujktøø. Nay jaaba̱a̱t ja Moisés kyutujk kyaꞌpxy sa̱ Dios ja wyɨnaty tø myøꞌøyɨ. Jøts nay jatyɨ choꞌonda̱ꞌa̱ky ja Dios yꞌøgyajpxy yꞌøyꞌayuujk, yiknɨgajpxy yiknɨmadya̱ꞌa̱ky ja kyutujk midi ja tyanɨtanaapy yja̱a̱ꞌy, xjats jadeꞌen kuwa̱nɨ o pøn tjanchjadatøkɨwya̱ꞌa̱ñ jaꞌabɨ kutujk.

HECHOS 12:11

Xjats ja tjanchja̱ꞌwøø ku yꞌawa̱ꞌa̱tspɨdsɨɨmy, jøts yɨdeꞌen wya̱a̱ñ: ―Pø janch jadeꞌendamxɨ døꞌøn ku ja nwɨndsønꞌa̱jtɨm tø tjanchkexy ja yꞌa̱nkɨlɨs jøts øts ja xyikꞌawa̱ꞌa̱tspɨdsøꞌømt jap puxøjkjøtpy, jøts ja israelɨt ja̱a̱ꞌy møøt ja wyɨndsøn Herodes jadeꞌen tø xkamɨmajada̱ꞌa̱ktɨ pønɨ sa̱ øts jaꞌ xtyimyjaꞌuktunwa̱ꞌa̱ndɨ.

HECHOS 3:18

Xjats ja Dios tø tjanchyikꞌaduky ja wya̱nda̱ꞌa̱ky ku myagya̱jpxna̱xpɨ ja tyikwa̱a̱ñ: jøts ku ja yiknɨtsokpɨ wyɨnaty jadeꞌen yꞌayoꞌomba̱a̱twa̱ꞌa̱ñ.

ROMANOS 1:2

Pø ma̱ wɨndiꞌixyɨp Dios Teety yø tnɨga̱jpxnɨ, jøts ja kyugajpxy ttukyiknaxy yøꞌøbɨ wɨnma̱a̱ꞌñ yøꞌøbɨ ɨxpøjkɨn jap ma̱ yꞌity ja kyajpxy ja yꞌayuujk,

1 CORINTIOS 14:32

Tuda̱ꞌa̱ky ɨdøꞌøn, tsuj ɨdøꞌøn ja kya̱jpxtɨt pøn ja Dios kyajpxy yꞌayuujk tnɨga̱jpxɨdɨp,

1 CORINTIOS 7:29

Meets mɨguꞌuktøjktɨ, jaꞌagøjxp øts ɨdøꞌøn jadeꞌen nwa̱ꞌa̱ñ ku ja nwɨndsønꞌa̱jtɨm wyɨngonɨ. Paty ɨxya̱m mdsɨnaañɨdɨt yɨdeꞌen: Pøn jaty ja ñɨdøꞌøxy jam, ja Dios ɨdøꞌøn ja yjaꞌ ja neꞌegɨ tyajotmayꞌoꞌjkɨp jøts ja yjujkyꞌa̱jtɨn tyikna̱xt ejxɨmdam ja jeexyɨp nadyuꞌukꞌaty.

2 TESALONICENSES 1:7

jøts ja myikpooꞌkxɨdɨt tukna̱x møøt øøts, jaꞌabɨ xøøw ku ja nwɨndsønꞌa̱jtɨm Jesús wyɨnaty myiñ, ku tsa̱jpjøtpy tmɨgɨda̱ꞌa̱kt ja myøkꞌa̱jtɨn møøt yꞌa̱nkɨlɨstøjk.

HEBREOS 12:9

Nayɨdeꞌenxɨ mutskyɨ ja ndeety nda̱a̱k tø xka̱jpxwijyɨndɨ, jøts adøm ja yꞌijty øy tsuj nmɨgajpxyɨndɨ, ya̱yɨts ja yꞌanaꞌamɨn ja yjatundɨ na̱xwiiñ. ¿Sudsots adøm ɨdøꞌøn ja Dios Teety midi jam tsa̱jpjotp ngagupøjkɨnt ja kya̱jpxwejɨn? Pø ja jujkyꞌa̱jtɨnxɨ adøm ja xukpa̱a̱twa̱ꞌa̱nɨmp.

2 PEDRO 1:21

jabɨ kaꞌaxɨ ja Dios kyugajpxy kyøꞌøm wɨnma̱a̱ꞌñ ttaka̱jpxtøø. Dios Teety mɨyøxy jaꞌadɨ, jøts tnɨga̱jpxɨdɨ ja yjaꞌ sa̱ jaty ja Espíritu Santo wyɨnma̱a̱ꞌnmyøøjyɨdøø.

2 PEDRO 3:2

Jadeꞌen ø nwa̱ꞌa̱ñ ku meets xja̱ꞌmyatst ja Dios kyugajpxy sa̱ ja yꞌayuujk tyikwa̱a̱ñ pøn ja Dios tø ñadyamɨyøxyɨdɨ, jøts nayɨdeꞌen xja̱ꞌmyajtsmɨdɨt ja nwɨndsønꞌa̱jtɨm kyutujk pøn yiknɨtsoojkp, sa̱m øøts tø nnɨgajpxy pøn ja kyudanaabyɨꞌa̱jttɨp.

APOCALIPSIS 1:1

Ya̱ꞌa̱t ɨdøꞌøn tɨyꞌa̱jtɨn midi ja Dios Teety tyukmadoow ja Jesucristo, jøts ja pyadumbɨ pyabøjkpɨ ttukꞌext ttuknɨja̱wɨt sa̱ nøjkx yja̱tt kyubatt tsojk ya̱ na̱xwiiñ. Nay øts ja tɨyꞌa̱jtɨn tukɨꞌɨyɨ tø xukꞌixy tø xuknɨja̱wɨ sa̱ tuꞌuk yꞌa̱nkɨlɨs tø xukmɨgajpxy.

APOCALIPSIS 18:20

Taxonda̱ꞌa̱ktɨ meets pøn jap tsa̱jpjøtpy, meets kugajpxtyøjk, meets janchja̱ꞌwɨbɨtøjk, pø tøxɨ ja wyɨndɨgøy ja kaꞌøgya̱jp jøts jadeꞌen ja Dios tø tpayøꞌøy ku tø myikaꞌødyundɨ.

APOCALIPSIS 19:9

Xjats ja a̱nkɨlɨs xnɨma̱a̱y: ―Ja̱ꞌ jadeꞌen: “Tyaꞌøyꞌa̱jttɨp pøn tø yikway ma̱ ja Borreek Uꞌnk xyøduñ.” Jøts ja yja̱a̱kwa̱ꞌa̱ñ: ―Yøꞌ ayuujk midi tø xjaadyañ, tɨy janch yøꞌ, Dios tyɨyꞌa̱jtɨn yøꞌ.

APOCALIPSIS 21:5

Xjats ja wya̱a̱ñ pøn jam tsɨnaapy møj tsɨnaabyajtkøjxp: ―Ukꞌejxɨm sa̱ øts tukɨꞌɨyɨ jemy nyikꞌøyɨgyøxt. Xjats jadeꞌen wya̱ngojmɨ: ―Jaabyat ya̱ꞌa̱t ayuujk jaꞌagøjxp ku tyɨyɨ yjanchɨ, kaꞌ ma̱ ndagudsøꞌjkaꞌant.

APOCALIPSIS 21:9

Wɨnets tuꞌuk myiiñ ja ñɨwɨxujkpɨ a̱nkɨlɨs midi ojts tyikmiñ ja wɨxujkpɨ ayoꞌon ya̱ na̱xwiiñ, jøts ø xnɨma̱a̱y: ―Men, jøts ø ndukꞌext ja janchja̱ꞌwɨbɨtøjk pøn møøt yꞌettɨt ja Borreek Uꞌnk.

APOCALIPSIS 22:1

Xjats ø xukꞌijxy ja a̱nkɨlɨs tuꞌuk ja møj nøø. Midi yikꞌukp janch wa̱ꞌa̱ts jaꞌ, jaꞌats xyikjujkyꞌa̱jtɨm xemɨkøjxp. Janch tɨꞌkxy jaꞌ, jøts ja jam pyɨdsimy ma̱ ja Dios Teety chøønɨ møøt ja Borreek Uꞌnk.

APOCALIPSIS 22:16

―Tø øts ja nꞌa̱nkɨlɨs nguexy jøts tukɨꞌɨyɨ yiknɨga̱jpxkøxt ya̱ꞌa̱t Dios kyajpxy, jøts jadeꞌen yiknɨja̱wɨt pøn jaty ja Dios jaꞌa̱jtɨdɨp jam nɨwɨxujkpɨ ka̱jp. Øts ndeetyꞌa̱pꞌajtpy ja møj wɨndsøn David. Jadeꞌen øts ja na̱xwiiꞌñɨt ja̱a̱ꞌy nyikuja̱jta̱a̱gɨ sa̱m ja møj jaxyøøw midi jøpyɨdsømp.

APOCALIPSIS 22:7

Nøøm ja nwɨndsønꞌa̱jtɨm: ―¡Meꞌemp øts tsojk! ¡Tyaꞌøyꞌa̱jttɨp tyajotkujkꞌa̱jttɨp pøn ja Dios kyajpxy tmøjpɨkta̱a̱jkɨp sa̱ ya̱p nøkyjøtpy yjaabyetyɨ!

APOCALIPSIS 4:1

Ku tø jadeꞌen yꞌukjaty jøts nꞌejxpa̱a̱ty ja tsa̱jp yꞌawa̱ꞌa̱dsɨ ejxɨm ja tøjkꞌa̱a̱wɨn; jøts ja ayuujk nmadøøy møk sa̱m ja trompetaꞌan midi øts jawyeen xmɨga̱jpx, jøts øts xnɨma̱a̱y: ―Pat ya̱m, jøts nna̱nkyꞌejxɨt tukɨꞌɨyɨ sa̱ yja̱twa̱ꞌa̱ñ kyubatwa̱ꞌa̱ñ.