APOCALIPSIS 21:3 - New Testament in Mixe Tlahuitoltepec

³ Wɨnets nmadøøy møk kyajpxy jap tsa̱jpjøtpy, xjats wya̱ꞌa̱ñ: ―Ejx sa̱ ja Dios tmøøtsɨnaawya̱ꞌa̱ñ ja na̱xwiiꞌñɨt ja̱a̱ꞌy. Jaꞌ amuum jaꞌa̱jtɨdɨp jøts ja jaꞌ xemɨkøjxp tmøøtꞌett.

APOCALIPSIS 21:3 ပူးပေါင်းရင်းမြစ်များ

JUAN 1:14

Jøts jaꞌ pøn xuknɨja̱ꞌwaꞌam ja Dios, ojts ja ja̱a̱ꞌyɨn yꞌatsøønɨ yꞌatstanɨ, jøts ja ojts ñɨyjeky xmøøtꞌijtyɨndɨ xmøøtsɨna̱a̱ꞌyɨndɨ. Tø adøm myøkꞌa̱jtɨn ja njaꞌijxyɨndɨ midi ja kyøꞌømøkꞌa̱jtɨnꞌajtpy ja Dios Uꞌnk. Tuꞌugyɨ Dios Teety ja yjanchja̱a̱kjagyepyɨ, janch paꞌayoop, jøts tum ja tɨyꞌa̱jtɨn janchꞌa̱jtɨn yajkpy.

JUAN 14:23

Jøts nwɨndsønꞌa̱jtɨm Jesús yꞌadsøøy: ―Pøn ø xtsojkp, pyadumpy jaꞌ sa̱ ø nwa̱ꞌa̱ñ, jøts jaꞌats ɨdøꞌøn tsokɨp ja Dios Teety; jøts jaꞌats ø nnɨmeꞌemp møøt ja Dios Teety, jøts øøts ja xemɨkøjxp nmøøtꞌett.

2 CORINTIOS 6:16

Kaꞌap ja yjujkyꞌa̱jtɨn tyikna̱xtɨ tuꞌugyɨ ja Dios Teety møøt ja dios midi køꞌøm yiktsajtstɨp. Kaꞌap adøm njadeꞌenɨndɨ jabɨ køꞌømxɨ Dios wyɨna̱a̱ñ yɨdeꞌen: Pønɨ ma̱ ja chøønɨdɨ jam øts ja nmøøtjujkyꞌa̱ttɨt, jøts pønɨ midi ja ñøjkxtɨp ejtp øts ja njamyøøtꞌa̱ttɨt; øts ja xdiosꞌa̱ttɨp, jøts øts nja̱a̱ꞌy jaꞌadɨ.

2 CORINTIOS 6:18

øts meets xteetyꞌa̱tp, jøts øts meets nꞌuꞌnkꞌa̱tp, jadeꞌen ɨdøꞌøn wya̱ꞌa̱ñ ja Dios Teety.

1 TESALONICENSES 3:11

Jaꞌ øø ndsøjkpy jøts øøts ja Dios Teety, jøts øøts ja nwɨndsønꞌa̱jtɨm Jesucristo xpudøkɨt jøts øøts jam nnøjkxt jøts jam mꞌatsyikꞌejxtɨt.

HEBREOS 11:16

Kumɨ øgya̱jpts ja jawaanɨ ja chojktɨp midi døꞌøn jam tsa̱jpjotp, paty ja Dios jam aꞌejxɨ aba̱a̱dɨ tyikꞌity tuꞌuk ja ka̱jp jøts kaꞌap ja tyatsøꞌødyuñɨdɨ, ka̱jpja̱ꞌwɨyɨdɨp jaꞌ.

HEBREOS 8:10

Yɨdeꞌen yja̱a̱kwa̱ꞌa̱ñ ja Dios Teety, yɨdeꞌents ɨdøꞌøn ja yꞌett, midi øts ɨdøꞌøn ndunwa̱jnɨp ja Israelɨt ka̱jp: Ndukja̱ꞌgyukɨp øts ja øgyutujk jaꞌadɨ, jøts øts ja yꞌanmɨja̱ꞌwɨngøjxp nbɨkta̱a̱jkɨdɨt. Jaꞌats øts ɨdøꞌøn nɨDiosꞌa̱ttɨp, jøts øts ja nga̱jpꞌa̱ttɨt.

HEBREOS 8:2

jøts ja jam tyeetyꞌaty tsa̱ptøjkjotp midi ja Dios Teety køꞌøm tø tkøjy, kaꞌap ja ja̱a̱ꞌy ja tø ttukyikøjy.

APOCALIPSIS 10:4

Ɨxya̱m øts wyɨnaty njaadya̱nwa̱ꞌa̱ñ sa̱ ja anaaw wya̱ꞌa̱ñ jøts ø nmadøøy ja ayuujk midi kɨda̱kp tsa̱jpwemp jøts ø xnɨma̱a̱y: ―Amaaꞌtskꞌa̱t yøꞌ sa̱m tø wya̱ꞌa̱ñ yø anaaw, kidi xjaadyañ.

APOCALIPSIS 10:8

Xjats ja ayuujk nayɨdeꞌen nmadoogojmɨ midi tsa̱jpjøtpy tsooꞌmp, jøts ja jadɨgojk xmɨga̱jpxkojmɨ jøts wya̱ꞌa̱ñ: ―Nøjkx atspøjkɨt ja librɨꞌuꞌnk midi jam agɨɨbyaky kyɨɨyꞌijtpy ja a̱nkɨlɨs, jaꞌ midi tanaapy mejkyøjxp jøts na̱xkɨjxy.

APOCALIPSIS 12:10

Wɨnets nmadøøy møk ja kajpxy jap tsa̱jpjøtpy midi yɨdeꞌen wa̱mp: ―Tø ja Dios ja na̱xwiiꞌñɨt ja̱a̱ꞌy tyiknɨtsoꞌokꞌaty. Tøts ja myøkꞌa̱jtɨn tna̱nkyꞌijxyɨyɨ jøts ja kutujk tmøꞌøy ja Cristo sa̱ ttanɨtanɨt ja yja̱a̱ꞌy; tøts ja nayɨdeꞌen tpawøpy jaꞌ midi xɨnaxy tsunaxy tnɨꞌøøꞌnɨp jam Dios wyɨndump jaꞌ midi tø yꞌooktɨ Dios køjxp.

APOCALIPSIS 21:7

Pønɨ pøn tmɨmajada̱a̱jkɨp ja mɨkuꞌ yjaꞌ, jaꞌats nmoꞌop ja øyꞌa̱jtɨn; jadeꞌents øts ja nꞌuꞌnkꞌa̱tt jøts nmøøtꞌett xemɨkøjxp.

APOCALIPSIS 22:3

Pøn jap tsɨnaadyɨp kaꞌ pøn yꞌukjemñɨma̱a̱ꞌynɨyɨ yꞌuktenɨma̱a̱ꞌynɨyɨ. Ja Dios Teety jam tuꞌugyɨ ejtp møøt ja Borreek Uꞌnk, jaꞌats wɨndsøꞌjkɨyɨdɨp ja yjanchja̱ꞌwɨbɨtøjk.

APOCALIPSIS 7:15

Paty ɨdøꞌøn jam yꞌettɨ møj tsɨnaabyajt wyɨngujkp ma̱ ja Dios chøønɨ, jamts ja tpaduujnɨdɨ ja Dios yjaꞌ xɨnaxy tsunaxy; jøts ja pyøkjøꞌøgɨdɨt xemɨkøjxp jaꞌ wyɨngujkp.