APOCALIPSIS 18:17 - New Testament in Mixe Tlahuitoltepec

¹⁷ ¡Pø tøxɨ tuktøñɨ kyugøxɨ ja mgumeeñꞌa̱jtɨn ja mjujkyꞌa̱jtɨn! Jøts nayɨdeꞌen pøn jaty jam tundɨp ba̱rkɨ jotp, jagamyɨ ja tya̱ndøø.

APOCALIPSIS 18:17 ပူးပေါင်းရင်းမြစ်များ

HECHOS 27:11

Kaꞌats ja solda̱dɨ ja Pablo yꞌayuujk tmɨbøjkøø, jaꞌ neꞌegɨ pyabøjk ja ba̱rkɨ wyɨndsøn jøts ja yikyøꞌøbyɨ.

APOCALIPSIS 17:12

’Ja ma̱jkpɨ wa̱j midi tø xꞌixy, jaꞌ wyandijpy nɨma̱jk ja wɨndsøndɨ, kaꞌanɨm ɨxya̱m ja kutujk yiktanɨpøktɨ; pyøktɨpts ja kyutujk jøts tuꞌuk horɨ jaꞌayɨ møøt wyɨndsønꞌa̱ttɨt ja kaꞌøy jɨyujk.

APOCALIPSIS 17:16

Jøts ja nɨma̱jkpɨ wɨndsøndøjktɨ midi wyandijpy ja kaꞌøy jɨyujk wya̱j, jaꞌats kyadamɨꞌejxɨwyampy ja kaꞌødyøꞌøxy jøts tyiktuuꞌduktɨt; jøts jadeꞌeñɨ tyikwɨndɨgøꞌødyɨt jønjøtpy.

APOCALIPSIS 18:19

O sa̱ yjaꞌadøꞌtsnɨdɨ o sa̱ ñadyuꞌunɨyɨdɨ, jaꞌ møk yja̱ꞌwɨdɨp ku ja ka̱jp jadeꞌen yjaty, cha̱pꞌa̱a̱wdɨ, jøts wya̱ꞌa̱ndɨ: ―¡Mjanchꞌayøøy mee Babilonia ka̱jp! ¡Ja mgumeeñꞌa̱jtɨn ja mjujkyꞌa̱jtɨn øø tø ndamajada̱ꞌa̱ky pøn jaty ja ba̱rkɨ tmøøtꞌa̱jttɨp ya̱m mejyjøøjty, jøts jotmøñ tø mdyimgyudɨgøødyɨ!