APOCALIPSIS 18:10 - New Testament in Mixe Tlahuitoltepec

¹⁰ Jagam ja tsøꞌøgɨ yꞌaꞌejxuktɨt, ja ku ja nayɨdeꞌen yja̱ttɨt, jøts yɨdeꞌen wya̱ꞌa̱ndɨt: ―¡Mjanchꞌayøøy meets Babilonia! Janch møk ja møkꞌa̱jtɨn yꞌity xmøøtꞌa̱ttɨ. Pø tøxɨ tuktøñɨ mwɨndɨgøy.

APOCALIPSIS 18:10 ပူးပေါင်းရင်းမြစ်များ

APOCALIPSIS 11:8

Jamts ja ooꞌkpɨ jadiꞌiñɨ tya̱ꞌa̱nt, jam ja wyɨbejpnɨt jam tuuꞌ kujkꞌa̱m, nay ja ka̱jp ma̱ ja nwɨndsønꞌa̱jtɨm Jesucristo kyɨruspejty. Nugo døꞌøn jadeꞌen yø ka̱jp yiktijy Sodoma jøts Egipto.

APOCALIPSIS 14:8

Xjats jaduꞌuk ja a̱nkɨlɨs pyamiñɨ midi wa̱a̱n: ―Tø ja møj ka̱jp Babilonia wyɨndɨgøy, jaꞌagøjxp ku tukɨꞌɨyɨ ja na̱xwiiꞌñɨt twɨnꞌɨɨñ jøts ttuktuñ sa̱m ja kyaꞌøyja̱a̱ꞌyꞌa̱ttɨ.

APOCALIPSIS 16:19

Xjats ja møj ka̱jp Babilonia yꞌaja̱a̱bajky tɨgøøk ween. Jadeꞌenꞌampy jadeꞌen ja Dios tyuñɨdɨ ku ja kyaꞌøyja̱a̱ꞌyꞌa̱ttɨ jøts jadeꞌen a̱mbøjkɨnꞌampy tyukjɨɨꞌkxyɨdɨ ja ayoꞌon. Tukɨꞌɨyɨ ja ka̱jp wyɨndɨgøøgyɨjxy jøts yja̱a̱jøꞌkɨjxy ya̱ na̱xwiiñ.

APOCALIPSIS 17:12

’Ja ma̱jkpɨ wa̱j midi tø xꞌixy, jaꞌ wyandijpy nɨma̱jk ja wɨndsøndɨ, kaꞌanɨm ɨxya̱m ja kutujk yiktanɨpøktɨ; pyøktɨpts ja kyutujk jøts tuꞌuk horɨ jaꞌayɨ møøt wyɨndsønꞌa̱ttɨt ja kaꞌøy jɨyujk.

APOCALIPSIS 18:18

Jøts tꞌejxpa̱a̱ttøø ja jok ku tø tyøøbyøjknɨ ja ka̱jp, jøts møk wya̱ndøø: ―¡Nɨma̱ jadeꞌen ja ka̱jp ejxɨm ya̱ꞌa̱t tø yꞌityɨn!

APOCALIPSIS 18:19

O sa̱ yjaꞌadøꞌtsnɨdɨ o sa̱ ñadyuꞌunɨyɨdɨ, jaꞌ møk yja̱ꞌwɨdɨp ku ja ka̱jp jadeꞌen yjaty, cha̱pꞌa̱a̱wdɨ, jøts wya̱ꞌa̱ndɨ: ―¡Mjanchꞌayøøy mee Babilonia ka̱jp! ¡Ja mgumeeñꞌa̱jtɨn ja mjujkyꞌa̱jtɨn øø tø ndamajada̱ꞌa̱ky pøn jaty ja ba̱rkɨ tmøøtꞌa̱jttɨp ya̱m mejyjøøjty, jøts jotmøñ tø mdyimgyudɨgøødyɨ!

APOCALIPSIS 18:21

Xjats tuꞌuk ja møj a̱nkɨlɨs tkɨyjɨꞌɨky tuꞌuk ja amuum møj pa̱a̱ndsa̱a̱ jøts ja mejyjotp tkuwɨbejpɨyɨɨꞌñ, jøts ja wya̱ꞌa̱ñ: ―Jadeꞌen yø Babilonia ka̱jp wyɨndɨgøy ejxɨm yø tsa̱a̱ yikuwɨbejpɨ mejyjotp, jøts nɨjuunɨ xøøw kyaꞌukyikꞌejxnɨt.

APOCALIPSIS 18:8

Jaꞌagøjxp tuktøñɨ nøjkx ña̱xkɨda̱ꞌa̱ky mayjøøjp ja ayoꞌon: ja oꞌjkɨn, ja yuu, ja pa̱ꞌa̱m, jøts nayɨdeꞌen nøjkx tukɨꞌɨyɨ tyøøyjøꞌkøxtɨ; ja Dios janch møj ku ja ayoꞌon jadeꞌen myoꞌojɨdɨt.