APOCALIPSIS 17:5 - New Testament in Mixe Tlahuitoltepec

⁵ jøts wyɨmbojkwemp ja letrɨ tmøøtꞌaty midi kaꞌ nugo aja̱wɨ yiknɨja̱wɨ. Yɨdeꞌen ja tijy: “Ja møj Babilonia midi tnɨguba̱jkꞌa̱jtp ja kaꞌødyøꞌøxyøjktɨ, ja kaꞌødyunk jøts ja kaꞌøwyɨnma̱a̱ꞌñ.”

APOCALIPSIS 17:5 ပူးပေါင်းရင်းမြစ်များ

FILIPENSES 3:19

Kaꞌap ja wyɨndøꞌødɨt, wɨndɨgøy ja nøjkx yja̱ttɨ. Ja kyøꞌømwɨnma̱a̱ꞌñ sa̱ køꞌøm ttsoktɨ, jaꞌ yikmøjtøjkɨdɨp, jaꞌ ñamyayɨ diosꞌa̱jttɨp. Neꞌegɨ jɨnaxy ja ñadyamɨkexyɨdɨ midiꞌibɨk ɨdøꞌøn ja yja̱wɨ tyatsøꞌødyuꞌundɨp, jaꞌ nugo yjotmayꞌa̱jttɨp sa̱ jaty ti jaty ya̱ na̱xwiiñ.

2 TESALONICENSES 2:7

Jaanɨts jaꞌ midi ja kaꞌødyumbɨ yjaꞌajtpy kuuyɨ ja jaꞌayɨ yjɨwa̱ꞌa̱kt midi ja tyikꞌamøjkɨp.

APOCALIPSIS 1:20

Jadeꞌen ɨdøꞌøn ja twandijy midi tø xꞌixy, ja wɨxujkpɨ ma̱a̱dsa̱ꞌ nꞌaga̱ꞌngyøjøꞌøm jøts ja wɨxujkpɨ kandeleerɨ nayɨdeꞌen: ja wɨxujkpɨ ma̱a̱dsa̱ꞌ, yøꞌ twandejp pøn ø ngugajpxyꞌajtpy ma̱ øts ja njanchja̱ꞌwɨbɨtøjk jamdɨ ma̱ wɨxujkpɨ ka̱jp jam, jøts ja kandeleerɨ ja janchja̱ꞌwɨbɨtøjk jaꞌadɨ, pøn jamꞌa̱jttɨp.

APOCALIPSIS 11:8

Jamts ja ooꞌkpɨ jadiꞌiñɨ tya̱ꞌa̱nt, jam ja wyɨbejpnɨt jam tuuꞌ kujkꞌa̱m, nay ja ka̱jp ma̱ ja nwɨndsønꞌa̱jtɨm Jesucristo kyɨruspejty. Nugo døꞌøn jadeꞌen yø ka̱jp yiktijy Sodoma jøts Egipto.

APOCALIPSIS 14:8

Xjats jaduꞌuk ja a̱nkɨlɨs pyamiñɨ midi wa̱a̱n: ―Tø ja møj ka̱jp Babilonia wyɨndɨgøy, jaꞌagøjxp ku tukɨꞌɨyɨ ja na̱xwiiꞌñɨt twɨnꞌɨɨñ jøts ttuktuñ sa̱m ja kyaꞌøyja̱a̱ꞌyꞌa̱ttɨ.

APOCALIPSIS 16:19

Xjats ja møj ka̱jp Babilonia yꞌaja̱a̱bajky tɨgøøk ween. Jadeꞌenꞌampy jadeꞌen ja Dios tyuñɨdɨ ku ja kyaꞌøyja̱a̱ꞌyꞌa̱ttɨ jøts jadeꞌen a̱mbøjkɨnꞌampy tyukjɨɨꞌkxyɨdɨ ja ayoꞌon. Tukɨꞌɨyɨ ja ka̱jp wyɨndɨgøøgyɨjxy jøts yja̱a̱jøꞌkɨjxy ya̱ na̱xwiiñ.

APOCALIPSIS 17:1

Kuts jadeꞌen yja̱jty, jøts myiiñ nɨduꞌuk ja ñɨwɨxujkpɨ a̱nkɨlɨs midi tmøøtꞌa̱jttɨp ja wɨxujkpɨ kopɨ, jøts ø xnɨma̱a̱y: ―Men, jøts ø nꞌuktukꞌext sa̱ yꞌayoꞌomba̱a̱tt ja kaꞌødyøꞌøxy pøn jam tsɨnaapy mejwyɨngøjxp.

APOCALIPSIS 17:2

Yø møj wɨndsøndøjktɨ pøn ya̱ na̱xwiiñ, tø yø tmøøtpøktyundɨ yø kaꞌødyøꞌøxy. Jadeꞌents ja na̱xwiiꞌñɨt ja̱a̱ꞌdyɨ tø ttuktuñ ttuknɨja̱wɨ ja kyaꞌøyja̱a̱ꞌyꞌa̱jtɨn, jøts jadeꞌen tuꞌugyɨ tø yikwɨnꞌøøꞌnɨdɨ.

APOCALIPSIS 17:7

Xjats ja a̱nkɨlɨs xnɨma̱a̱y: ―¿Tiku nɨgyuma̱a̱p xja̱wɨ? Ɨxya̱m nꞌuktuknɨja̱wɨt sudsoꞌampy ɨdøꞌøn yø jadeꞌen tijy yø tøꞌøxyøjk jøts yø kaꞌøy jɨyujk midi ja tøꞌøxyøjk tyatsɨnaapy, midi wɨxujk ja kyuba̱jk jøts ma̱jk ja wya̱j.

APOCALIPSIS 18:2

Xjats ja a̱nkɨlɨs møk kyajpxy jøts wya̱ꞌa̱ñ: ―Tø ja møj ka̱jp Babilonia wyɨndɨgøy. Mɨkuꞌ tsɨnaadya̱a̱jk tø wyɨmbejtnɨ jøts tum ja kaꞌøy jɨyujk jam tsɨnaadyɨp.

APOCALIPSIS 18:21

Xjats tuꞌuk ja møj a̱nkɨlɨs tkɨyjɨꞌɨky tuꞌuk ja amuum møj pa̱a̱ndsa̱a̱ jøts ja mejyjotp tkuwɨbejpɨyɨɨꞌñ, jøts ja wya̱ꞌa̱ñ: ―Jadeꞌen yø Babilonia ka̱jp wyɨndɨgøy ejxɨm yø tsa̱a̱ yikuwɨbejpɨ mejyjotp, jøts nɨjuunɨ xøøw kyaꞌukyikꞌejxnɨt.

APOCALIPSIS 19:2

Tɨyꞌa̱jtɨngøjxp ja Dios ttɨɨdyuñ; tꞌayoꞌonmøꞌøy ja kaꞌødyøꞌøxy, jaꞌagøjxp ku ja na̱xwiiꞌñɨt ja̱a̱ꞌy tø tyikma̱ꞌa̱ty jaꞌ kyaꞌøyꞌa̱jtɨngøjxp; paty ja Dios ja tpayøꞌøy ku jadeꞌen tø tyikꞌooktɨ ja yjanchja̱ꞌwɨbɨtøjk.

APOCALIPSIS 7:3

―Ukꞌawejxtɨ. Kidi xkaxtɨ ja ayoꞌon kunɨm øøts ja ejxa̱ꞌa̱n nbɨkta̱ꞌa̱kt ja̱a̱ꞌy wyɨmbojkøjxp nɨduꞌuk nɨduꞌuk, pøn jaty ja Dios yjaꞌ tpaduujnɨdɨp. Jaanɨmts xyikwɨndɨgøꞌøty ja na̱a̱jx, ja mejy jøts ja a̱a̱y ja kipy.