APOCALIPSIS 17:3 - New Testament in Mixe Tlahuitoltepec

³ Nayɨ kuma̱a̱ꞌyjøtpy ja Espíritu Santo xukꞌijxy ku øts ja a̱nkɨlɨs xyiknijkxy jam møj aba̱k etjotp, jamts ø nꞌijxy tuꞌuk ja tøꞌøxyøjk ttatsøønɨ tuꞌuk ja møj kaꞌøy jɨyujk, tsa̱jpts jaꞌ jøts wɨxujk ja kyuba̱jk, ma̱jk ja wya̱j tmøøtꞌaty, amuum nɨja̱ꞌa̱y ja yꞌa̱k midi kyaꞌødyamɨgajpxy ja Dios.

APOCALIPSIS 17:3 ပူးပေါင်းရင်းမြစ်များ

MATEO 27:28

Jøts ja wyet ja ojts tjajnɨdɨ, jøts ja tsa̱jpts wet ja ttanɨjandøø,

HECHOS 8:39

Kuts jam pyɨdsømdøø møj nøøjotp, jøts ja Espíritu Santo yiknøjkxøø abiky et ja Felipe, jøts ja Etiopiɨt ja̱a̱ꞌy nɨkaꞌap ja tꞌukꞌejxna̱a̱; jøts ja tyuuꞌ tnøjkxna̱a̱ jotkujk.

2 TESALONICENSES 2:4

Jaꞌ ɨdøꞌøn ja Dios tmɨdsepꞌa̱jtp, jaꞌ ja tkaꞌøyja̱ꞌwɨp tukɨꞌɨyɨ midi jaty ja Dios yjaꞌajtpy, uk midi jaty pa̱a̱tꞌa̱jtɨp jøts ja yikwɨndsøꞌøgɨt. Ja̱ꞌa̱tp pa̱a̱t ja jap tsa̱ptøjkjøtpy midi ja Dios yjaꞌajɨp jøts ja jap yꞌɨxa̱ꞌa̱kt sa̱mɨ Diosɨn. Jaꞌ køꞌøm nadyejɨp jøts ku ja Diosɨ.

APOCALIPSIS 1:10

Domingɨ xøøw wyɨnaty ku øts ja Espíritu Santo adsuꞌjky xatøkɨ, jøts kuma̱a̱ꞌyjøtpy møk øts xjɨguya̱a̱xɨ ejxɨm tuꞌuk ja puxujx,

APOCALIPSIS 12:14

Wɨnets ja tøꞌøxyøjk yikmøøy majtsk ja weejts myøjkajnk, jøts ja kyajknijkxy ma̱ ja yꞌet ja jam aba̱k etjotp. Jadeꞌen ja tnɨkejky ja awa̱ꞌa̱ndsa̱a̱ꞌñ. Jamts ja kyaꞌaty yjøøꞌkxt a̱mgujk jotkujk tɨgøøk jumøjt jagujkp.

APOCALIPSIS 12:3

Wɨnets jam tsa̱jpwemp nꞌijxy jaduꞌuk ja ejxpajt: jamts tuꞌuk ja awa̱ꞌa̱ndsa̱a̱ꞌñ, amuum tsa̱jpts ja ñɨneꞌkx jøts wɨxujk ja kyuba̱jk, ma̱jk jaty ja wya̱j nɨduꞌuk nɨduꞌuk ja kyuba̱jk tmøøtꞌaty, jøts ja koronɨ nayɨdeꞌen tuꞌuk jaty tkujupꞌaty.

APOCALIPSIS 12:6

jøts ja tøꞌøxyøjk kyeejky, jøts jam ja ñøjkxnɨ ma̱ aba̱k et, ma̱ ja Dios jam wyɨnaty ja yꞌet tø tꞌaꞌejxɨ, jamts ja kyaꞌaty agujk jotkujk, jadeꞌents jam chøønɨt tɨgøøk jumøjt jagujkp.

APOCALIPSIS 17:18

Yø kaꞌødyøꞌøxy pøn tø xꞌixy, jadeꞌen yøꞌ sa̱m yø møj ka̱jp Babilonia midi nɨdukɨꞌɨyɨ ja na̱xwiiꞌñɨt ja wɨndsøndøjk yꞌaneꞌempy.

APOCALIPSIS 17:4

Jøts ja tøꞌøxyøjk ja wyet twetꞌaty tsuuꞌnk jøts tsa̱jpts, amuum oorɨ xyoxꞌajtpy, jam nꞌijxyɨmbɨ ngaꞌijxyɨmbɨ. Jamts ja kopɨ tuꞌuk tmachꞌity midi amuum oorɨ, ujts ja kopɨ nayɨdeꞌen tmøøtꞌaty midi kyadaꞌøyja̱a̱ꞌyꞌajtpy;

APOCALIPSIS 18:12

jap oorɨ, jap pla̱tɨ, jap nꞌijxyɨm ngaꞌijxyɨm, jap ja øybɨ wet, tsuuꞌnk jøts tsa̱jpts; jap nayɨdeꞌen mayjøøjp ja kipy midi pa̱ꞌa̱kxukp, jap tsa̱a̱dsech tsa̱a̱gueegɨdɨ, jap bronce jøts ja nugo pujx,

APOCALIPSIS 18:16

jøts wya̱ꞌa̱ndɨt: ―¡Mjanch ayøøy meets Babilonia ka̱jp! Janch tsuj meets mga̱jp yꞌijty sa̱m tuꞌuk ja tøꞌøxyøjk tsuj ñaxyøxyɨn, ku øybɨ wet tpɨkta̱ꞌa̱ky wan tsuuꞌngɨ wan tsa̱jptsɨ, kuts o midiꞌibɨ xox tpɨkta̱ꞌa̱ky wan ja oorɨ jøts ja tsa̱a̱døꞌkxpɨ.

APOCALIPSIS 21:10

Nayɨ kuma̱a̱ꞌyjøtpy ja Espíritu Santo xukꞌijxy, ku øts ja a̱nkɨlɨs jam møj kojpkøjxp xyiknijkxy, jøts ø xukꞌijxy ja kunuuꞌkxy jemgya̱jp, ja Jerusalén midi kɨda̱kp tsa̱jpjøtpy jam Dios wyɨngujkp.

APOCALIPSIS 4:2

Tø øts wyɨnaty ja Espíritu Santo xatøkɨ, kuma̱a̱ꞌyjøtpy nꞌixy jadeꞌen tuꞌuk ja tsɨnaabyajt jap tsa̱jpjøtpy ejxɨm ja møj wɨndsøn yjaꞌajɨn, jamts chøønɨ tuꞌuk ja ja̱a̱ꞌy