APOCALIPSIS 15:4 - New Testament in Mixe Tlahuitoltepec

⁴ ¿Pøn Dios Teety mgaꞌuktsøꞌøgɨyɨp, jøts pønts mgaꞌukwɨndsøꞌøgɨyɨp? Pø tuꞌugyɨxɨ mets mwa̱ꞌa̱dsɨ. Mwɨnja̱wɨyɨp mjanchja̱wɨyɨpts nɨdukɨꞌɨyɨ ja na̱xwiiꞌñɨt ja̱a̱ꞌy, jaꞌagøjxp ku mdɨyꞌa̱jtɨn xna̱nkyꞌijxyɨ sa̱ mduñ sa̱ mbiky.

APOCALIPSIS 15:4 ပူးပေါင်းရင်းမြစ်များ

ROMANOS 15:9

Jøts nayɨ ñɨmeen jaꞌ pøn kaꞌisraelɨt ja̱a̱ꞌdyɨ, jøts ja tja̱ꞌbya̱a̱ttɨt tka̱jpxpa̱a̱ttɨt ja Dios ku ja pyaꞌayøyɨdɨ jadɨneꞌen, pø yɨdeꞌenxɨ jap Salmos nøkyjøtpy wya̱ꞌa̱ñ: Nja̱ꞌbya̱a̱tp mets nga̱jpxpa̱a̱tp mets øy ma̱ na̱a̱jx øy ma̱ga̱jp, ma̱ jaty ja ja̱a̱ꞌy chøønɨ pøn kaꞌisraelɨt ja̱a̱ꞌdyɨ, jøts nꞌøøꞌt jøts nxuꞌuxt mets wɨndsøꞌjkɨngøjxp.

1 PEDRO 1:16

pø yɨdeꞌenxɨ jap nøkyijxpy wya̱ꞌa̱ñ: “Øy tsuj mja̱a̱ꞌyꞌa̱ttɨt sa̱m øtsɨn, kumɨ kaꞌ ø nbøkmyøødɨ.”

APOCALIPSIS 11:15

Xjats ku ja myɨwɨxujkpɨ a̱nkɨlɨs ttaxuujxy ja pyuxujx, jøts møk yikmadøy may ja ayuujk jap tsa̱jpjøtpy jøts wya̱ꞌa̱ñ: Ɨxya̱m ja kutujk ña̱xkɨda̱ꞌa̱ky midi ja Dios Teety jøts nwɨndsønꞌa̱jtɨm Jesucristo yjaꞌa̱jttɨp; jøts xemɨkøjxp ja tyiktuꞌundɨt ma̱ yꞌijty ja na̱xwiiꞌñɨt ja̱a̱ꞌy yjaꞌ tyiktundɨ.

APOCALIPSIS 14:7

Jøts møk kyajpxy yɨdeꞌen: ―Wɨndsøꞌøgɨdɨ wɨnja̱wɨdɨ ja Dios, tø kya̱ꞌpxnɨ jøts ja tɨɨdyuꞌunɨn ña̱xkɨda̱knɨt. Jadeꞌents xwɨndsøꞌøgɨdɨt ja Dios pøn ja tsa̱jp ja na̱a̱jx tyikꞌøyɨyɨɨꞌñ tukɨꞌɨyɨ.

APOCALIPSIS 16:5

Wɨnets nmadøøy ja a̱nkɨlɨs midi tnɨwɨndsønꞌa̱jtp ja nøø ku wya̱ꞌa̱ñ: ―Me Dios Teety, tɨyꞌa̱jtɨn ku jadeꞌen xuñ. Janch øy janch wa̱ꞌa̱ts mets, jøts xemɨkøjxp me mꞌity,

APOCALIPSIS 16:7

Nmadøøy nayɨdeꞌen ku jap alta̱jrwimpy kyajpxy yɨdeꞌen: ―Mets Dios Teety, tuꞌugyɨ mets ja møkꞌa̱jtɨn xjagyepy, ku na̱xwiiꞌñɨt ja̱a̱ꞌy jadeꞌen tø xpayøꞌøy, tɨyꞌa̱jtɨngøjxp ɨdøꞌøn ja tø xuñ.

APOCALIPSIS 19:2

Tɨyꞌa̱jtɨngøjxp ja Dios ttɨɨdyuñ; tꞌayoꞌonmøꞌøy ja kaꞌødyøꞌøxy, jaꞌagøjxp ku ja na̱xwiiꞌñɨt ja̱a̱ꞌy tø tyikma̱ꞌa̱ty jaꞌ kyaꞌøyꞌa̱jtɨngøjxp; paty ja Dios ja tpayøꞌøy ku jadeꞌen tø tyikꞌooktɨ ja yjanchja̱ꞌwɨbɨtøjk.

APOCALIPSIS 3:7

’Nɨjayɨ nayɨdeꞌen øts ngugajpxy pøn ejtp jam ma̱ øts njanchja̱ꞌwɨbɨtøjk jam Filadelfia ka̱jpjotp: “Yɨdeꞌen ja wya̱ꞌa̱ñ jaꞌ pøn øyꞌa̱jtp wa̱ꞌa̱tsꞌa̱jtp, ja janchpɨ ja tɨɨbyɨ, nayɨdeꞌen ja møkꞌa̱jtɨn tjagyepy jadeꞌen ejxɨm ja rey David yꞌijty yikutuky: Ku ja tuuꞌ nyikꞌawa̱ꞌa̱ch kaꞌ pøn mɨba̱a̱t tyikꞌawa̱ꞌa̱tst.

APOCALIPSIS 4:8

Tuꞌuk jaty ja jɨyujk tudujk ja kya̱nk tmøøtꞌaty, may ja wyeen nayɨdeꞌen kyaxɨꞌɨky yjøxkiꞌpy jøts wyɨndujy; xɨnaxy tsunaxy ja Dios tja̱ꞌmyatstɨ jøts ñømꞌettɨ: Janch øy janch wa̱ꞌa̱ts me Dios Teety, Mets tuꞌugyɨ ja møkꞌa̱jtɨn mjagyejpy, jøts xemɨkøjxp mjujkyꞌaty.

APOCALIPSIS 6:10

Jaꞌats ka̱jpxtɨp møk, jøts ja Dios yiknɨma̱a̱y: ―Janch øy janch wa̱ꞌa̱ts me Dios Teety, jøts xuñ ja tɨyꞌa̱jtɨn. Juunɨnɨm xpayøꞌøty xɨɨdyuꞌunt ja ja̱a̱ꞌy pøn øøts tø xyikꞌøøky ya̱ na̱xwiiñ.