APOCALIPSIS 14:5 - New Testament in Mixe Tlahuitoltepec

⁵ Kaꞌap ja wɨnꞌøøꞌnɨn, kaꞌap ja ta̱a̱yꞌa̱jtɨn tjagya̱ptɨ, øy tsuj wa̱ꞌa̱ts yja̱a̱ꞌyꞌa̱ttɨ Dios wyɨngujkp.

APOCALIPSIS 14:5 ပူးပေါင်းရင်းမြစ်များ

MATEO 12:34

¡Meets wɨnꞌøøꞌmbɨdɨ! ¿Sudso mee mꞌøgya̱jpxt jøts kaꞌats mꞌøyja̱a̱ꞌyɨdɨ? Jøts pønɨ sa̱ yꞌa̱waꞌkxy yø a̱a̱w, tum jamts yø chøøñ midi jam ujts abøkɨ yikmøøtꞌa̱jtp jam a̱mjotp.

LUCAS 23:4

Jøts ja Pilato tnɨma̱a̱y ja teetywɨndsøndøjktɨ møøt ja mayja̱a̱ꞌy: ―Nɨti pøky yø ja̱a̱ꞌy, nɨti tundɨgøꞌøyɨn yø tkatuñ.

JUAN 1:47

Kuts ja nwɨndsønꞌa̱jtɨm Jesús ojts tꞌixy jøts ku ja Natanael jam ñɨmiñɨyɨ, wɨnets ja wya̱a̱ñ: ―Ɨxya̱ net myiñ tuꞌuk nmɨguꞌuk israelɨt ja̱a̱ꞌy midi øyja̱a̱ꞌyꞌa̱jtp, midi kaꞌ tya̱a̱yɨ.

EFESIOS 5:27

jøts jadeꞌen møøt yꞌett jøts jadeꞌen tna̱nkyꞌejxɨt tsuj wa̱ꞌa̱ts, nɨ tuꞌuk kyaꞌøybɨ tyikwɨngaxøꞌøkt.

COLOSENSES 1:22

jaꞌagøjxp ku ja nwɨndsønꞌa̱jtɨm yꞌøꞌjky jøts ja wemp ijxy tyimyꞌatsꞌayoꞌomba̱a̱jty ñɨkøjxp kyuba̱jkp. Jadeꞌenꞌampyts ja jadeꞌen ttuuñ jøts meets ja Dios Teety xwɨngunøjkxɨt ku tø mbøkwya̱tsnɨdɨ, nɨwɨneꞌen mgaꞌukyikpøkyꞌejxnɨdɨt.

HEBREOS 9:14

Pønɨ jadeꞌents jaꞌ, jawaanɨ kajaats ɨdøꞌøn ja nwɨndsønꞌa̱jtɨm Jesucristo ja ñɨꞌjpy yikpøkwya̱ꞌa̱ch jøts kyunuuꞌkxy, pø patyxɨ ja Dios Espíritu Santo køjxp ñagyøya̱jkɨyɨ pa̱kwya̱ꞌa̱ch, midi ja Dios Teety kyupijkpy, jøts ɨdøꞌøn ja ñɨꞌjpy ja tyikwa̱ꞌa̱tst ja kaꞌøchɨna̱a̱ꞌyɨn midi ja kudɨgøꞌøyɨn xukpa̱a̱jtɨmp, jøts ja Dios jøts ja yikjujkyꞌa̱jtpɨ jadeꞌen nmɨmadoꞌowɨn.

1 PEDRO 1:19

Jaꞌ ja yiktaguya̱kɨyɨɨꞌñ ku ja nwɨndsønꞌa̱jtɨm jadeꞌen wyɨdsuuñ wyɨda̱jxy, øy ja nɨti pøky tjagamøødɨ sa̱m ja borreegꞌuꞌnk yꞌijty yiktamɨyøxy ja Dios Teety.

1 PEDRO 2:22

Nɨti pøky ja tkatuñ, nɨwɨndem xøøw ja ja̱a̱ꞌy ja tkawɨnda̱a̱yꞌa̱jty;

1 PEDRO 3:10

Jabɨ yɨdeꞌenxɨ døꞌøn ja Salmos wya̱ꞌa̱ñ: Pønɨ pøn ɨdøꞌøn øy tsuj ja xøøw ja tsɨna̱a̱ꞌyɨn yikna̱xwampy, yꞌejxꞌetp ɨdøꞌøn ja tyoojts jaꞌ, jøts ja yigaappɨ yꞌaxøøkpɨ ja tkaka̱jpxt jøts ja yꞌa̱a̱w tkadata̱a̱yꞌa̱tt.

JUDAS 1:24

Tuꞌuk ja Dios møj, pøn tnɨja̱ꞌwɨp, pøn xyiknɨtsoꞌokꞌa̱jtɨmp, jaꞌats ja myøkꞌa̱jtɨn xaꞌejxꞌejtɨmp jøts kaꞌ ndundɨgøꞌøyɨnt, jadeꞌenꞌampyts agujk jotkujk xukwɨnguwa̱ꞌjkaꞌant jaꞌ wyɨndump, ku nɨti pøky ngamøøtꞌa̱jtɨnt. Jaꞌats tmøøtꞌa̱jtp ja øyꞌa̱jtɨn ja møkꞌa̱jtɨn nwɨndønꞌa̱jtɨm Jesucristo køjxp, jaayɨp ku ja tyiktsoꞌonda̱kɨjxy tukɨꞌɨyɨ, jøts kunɨm ja nayɨdeꞌen tyikjøpkøxt. Jadeꞌen ɨdøꞌøn ja yꞌejxɨ tyɨyɨ.