APOCALIPSIS 12:2 - New Testament in Mixe Tlahuitoltepec

² Jøtpyts ja tøꞌøxyøjk wyɨnaty, kaꞌaxwa̱mpts jøts møk ja yꞌuꞌnk ja yikꞌayøyɨ jøts kyaxøꞌøkt.

APOCALIPSIS 12:2 ပူးပေါင်းရင်းမြစ်များ

MATEO 24:8

Tsoꞌonda̱kpnɨm ja ayoꞌon wyɨnaty jadeꞌen midi yikxon yikꞌejxpnɨm.

JUAN 16:21

Jadeꞌen ɨdøꞌøn ñamyayɨ yjaty sa̱m ja tøꞌøxyøjk ku ja kyaꞌaxwa̱ꞌa̱ñ, janch wɨnmay jotmay yjaty ku tø tpa̱a̱ty ja tiempɨ ku ja yꞌuꞌnk pyøjkjøꞌøknɨ; ku tø tmɨnawya̱ꞌkxnɨyɨ ja maxuꞌnk nɨkaꞌap ja tꞌukja̱ꞌmyajtsnɨ jøts ku yꞌuꞌnk ja tø pyiky, jaꞌagøjxp ku ja xyonda̱ꞌa̱ky ku ja tø tyikaxɨꞌɨky tuꞌuk maxuꞌnk ya̱ na̱xwiiñ.

GÁLATAS 4:19

Meets uꞌnk meets una̱ꞌjk, møk meets jadɨgojk xjanchyikmay xjanchyikta̱jy. Jaayɨm øts yø jadeꞌen nja̱wɨt kunɨm kaꞌpxy ja Cristo xpadungøxtɨt sa̱mdam ja ttsøkyꞌaty.

GÁLATAS 4:27

Jabɨ jaꞌaxɨ døꞌøn ja Dios kyajpxy tyijpy ku yɨdeꞌen jap nøkyɨjxpy wya̱ꞌa̱ñ: Mets tøꞌøxyøjk nøy, mba̱a̱tꞌa̱jtɨyɨp mxonda̱ꞌa̱kt jaꞌagøjxp ku xpa̱a̱twa̱ꞌa̱ñ ja mꞌuꞌnk. Jotkujk mnayja̱wɨyɨt o mets nɨjuunɨ xjagapa̱a̱ty xjagaꞌijxñɨm mꞌuꞌnk. Øy ja mnɨya̱a̱ꞌy tø waanɨ mjaꞌatsmajtstuꞌudyɨ, wɨmbetp ja jadɨgojk jøts ja mꞌuꞌnk may xpa̱a̱tt, ya̱m ja jaduꞌukpɨ tøꞌøxyøjk nɨkaꞌap jadeꞌendɨ.

APOCALIPSIS 12:4

Jøts ja tyuꞌtst ttabaja̱a̱ꞌxkɨjxy may ja ma̱a̱dsa̱ꞌ jam tsa̱jpwemp, jøts na̱xkɨjxy ja tnajtswøjɨyɨɨꞌñ. Jam tyanaayꞌøyɨyɨɨꞌñ ma̱ ja tøꞌøxyøjk jam kyaꞌaxwa̱ꞌa̱ñ jøts ja yꞌuꞌnk jatyɨ tsuꞌjtsɨt ku ja kyaꞌaxt.