APOCALIPSIS 12:12 - New Testament in Mixe Tlahuitoltepec

¹² Ejtnɨ xonɨ meets pøn jap tsa̱jpjøtpy, jøts janch yikꞌayow meets pøn ya̱ na̱xwiiñ tyikna̱jxtɨp. Tø meets ja mɨkuꞌ mnɨmeeꞌnɨyɨdɨ jøts awa̱ꞌa̱nꞌampy mgaꞌødyunɨdɨt, ñɨja̱ꞌwɨpxɨ jaꞌ ku tsojk kya̱ꞌpxt.

APOCALIPSIS 12:12 ပူးပေါင်းရင်းမြစ်များ

LUCAS 15:10

Janch øts ɨdøꞌøn nwa̱ꞌa̱ñ jøts ku Dios møøt yꞌa̱nkɨlɨs ttaxonda̱ꞌa̱ktɨt ja pojkpɨtumbɨ ja̱a̱ꞌy pøn tyiktɨga̱jtsp ja chɨna̱a̱ꞌyɨn.

LUCAS 2:14

¡Kunuuꞌkxy mets Dios Teety tsa̱jpjotpɨt ku øyꞌa̱jtɨn tsujꞌa̱jtɨn tyaky ya̱ na̱xwiiñ na̱xkɨjxy, jøts ja ja̱a̱ꞌy yikmoꞌodɨ pøn tmɨjotkujkꞌa̱twa̱ndɨp ja Dios!

HEBREOS 10:37

Pø yɨdeꞌenxɨ ja nøky wya̱ꞌa̱ñ: Jawaanɨ ja̱a̱kꞌawejxꞌettɨ, tsojk ja myeꞌent ja nwɨndsønꞌa̱jtɨm pøn ja øyꞌa̱jtɨn xmøꞌøyɨmp.

2 PEDRO 3:8

Mnɨja̱ꞌwɨp meets nayɨdeꞌen ku kaꞌap ja nwɨndsønꞌa̱jtɨm ja xøøw ja jumøjt tmøjpɨkta̱ꞌa̱ky, jadeꞌen ja tꞌixy ja tuꞌukpɨ xøøw sa̱m ja tukmilbɨ jumøjt.

APOCALIPSIS 10:6

jøts ja tka̱jpxwaꞌkxy ja Dios tyɨyꞌa̱jtɨn pøn tø tyiktsoꞌonda̱kɨjxy tukɨꞌɨyɨ tuktsa̱jpꞌagɨda̱ꞌa̱ky, jøts yɨdeꞌen wya̱ꞌa̱ñ: ―Kaꞌ yꞌukyøꞌøñɨt ja xøøw ja jumøjt;

APOCALIPSIS 11:10

Xjats ja na̱xwiiꞌñɨt ja̱a̱ꞌy jadeꞌen agujk jotkujk ñayja̱wɨyɨdɨ, janch nɨxem nɨya̱m o ti ñadyamayꞌatyɨdɨ jaꞌagøjxp ku tø yꞌooktɨ jaꞌadɨ pøn møk tø yikꞌayoꞌomba̱a̱dyɨdɨ pøn ja Dios yjaꞌ tka̱jpxwa̱ꞌkxɨdɨp.

APOCALIPSIS 11:14

Jadeꞌen ja myɨmajtskpɨ ayoꞌon ña̱jxy; tsojkts myeꞌent ja myɨdɨgøøkpɨ.

APOCALIPSIS 12:9

Jøts ja jadeꞌen yikpawojpna̱a̱, yikaxnɨ na̱xwɨngɨjxy. Yøꞌ døꞌøn ja møj mɨkuꞌ wɨndsøn midi yiktejp Satanás midi twɨnꞌøøꞌn ja na̱xwiiꞌñɨt ja̱a̱ꞌy.

APOCALIPSIS 13:6

Jadeꞌen ɨdøꞌøn ja ttuuñ; tukɨꞌɨyɨ tmɨga̱jpxɨgøøy midi ja Dios yjaꞌajtpy jøts ja xyøøw jøts ja chɨnaadya̱a̱jk, jøts midi ejtp tsa̱jpjøtpy, tukɨꞌɨyɨ ja yikmɨga̱jpxɨgøøgyɨjxy.

APOCALIPSIS 18:20

Taxonda̱ꞌa̱ktɨ meets pøn jap tsa̱jpjøtpy, meets kugajpxtyøjk, meets janchja̱ꞌwɨbɨtøjk, pø tøxɨ ja wyɨndɨgøy ja kaꞌøgya̱jp jøts jadeꞌen ja Dios tø tpayøꞌøy ku tø myikaꞌødyundɨ.

APOCALIPSIS 8:13

Wɨnets nꞌejxpa̱a̱ty tuꞌuk ja a̱nkɨlɨs ñaxy tsa̱jp kujkꞌa̱m, jøts ja møk wya̱ꞌa̱ñ: ―¡Meets na̱xwiiꞌñɨt ja̱a̱ꞌy, mjanchꞌayoꞌodɨp meets ku xmadoꞌodɨt ja puxujx ku ttaxuꞌuxtɨt ja nɨdɨgøøkpɨ a̱nkɨlɨs!

APOCALIPSIS 9:12

Jadeꞌen ɨdøꞌøn ja myɨduꞌukpɨ ayoꞌon ña̱jxy; na̱xkɨda̱ꞌa̱kpts ja mɨmajtskpɨ ayoꞌon.