2 CORINTIOS 5:16 - New Testament in Mixe Tlahuitoltepec

¹⁶ Paty øøts jadeꞌen ngaꞌukꞌabaxnɨ pønɨ sa̱ nɨduꞌuk nɨduꞌuk ja chɨna̱a̱ꞌyɨn tyiknaxy; Cristo pa̱a̱t øøts yꞌijty nꞌabexy midi øø ngaꞌøyja̱ꞌwɨp ja yjaꞌ, ɨxya̱m kaꞌap øøts jaꞌabɨ wɨnma̱a̱ꞌñ nꞌukyiktunɨ.

2 CORINTIOS 5:16 ပူးပေါင်းရင်းမြစ်များ

MATEO 10:37

’Pøn tyeety tya̱a̱k jawaanɨ tyikmøjtøjkɨp sa̱m ø kaꞌap xmøjpɨkta̱ꞌa̱gyɨn, kaꞌap øts ja mɨba̱a̱t njaꞌaty; jøts nayɨdeꞌen pøn yꞌuꞌnk yꞌuna̱ꞌjk jawaanɨ tyikmøjtøjkɨp jøts nɨgɨdi kaꞌap øts, nayɨdeꞌen øts ja kaꞌap mɨba̱a̱t njaꞌbiky;

JUAN 15:14

Meets ɨdøꞌøn nmɨguꞌukꞌajtpy pønɨ mdundɨp jadeꞌen sa̱ ɨxa nꞌanaꞌamdɨ.

JUAN 2:4

Jøts ja nwɨndsønꞌa̱jtɨm Jesús yꞌadsøøy: ―¿Ti øtsɨmts ta̱a̱k yø xpa̱tp? ¿Tiku øts yø xukmadøy? Pø kaꞌanɨmxɨ øts njaꞌ xpa̱a̱ty midi ø nduꞌump.

JUAN 6:63

Ja anmɨja̱ꞌwɨn jaꞌ ɨdøꞌøn jujkyꞌa̱jtp; ¿ti yø neꞌkx?, kaꞌap yø ti wya̱ꞌa̱ñ. Jøts ti jaty ø tø ngajpxy, yøꞌ ɨdøꞌøn ja Dios tyɨyꞌa̱jtɨnꞌajtpy, jøts yøꞌ ɨdøꞌøn yikjujkyꞌa̱jtp xemɨkøjxp.

JUAN 8:15

Jadeꞌen meets øy ti xpayøꞌøy sa̱m ja na̱xwiiñꞌa̱jtɨn ja kyutujkɨn. Kaꞌap øts øy pøn ti ndabayøꞌøy;

2 CORINTIOS 11:18

Jaaxɨ ja̱a̱ꞌy pøn nadyamɨkajxɨdɨp ja ña̱xwiiꞌñɨt tsɨna̱a̱ꞌyɨn, wants ø nayɨdeꞌen nduknamyɨkajxmɨyɨ.

GÁLATAS 5:6

Kuts ja nwɨndsønꞌa̱jtɨm tuꞌugyɨ nmøøtꞌejtɨndɨt, wan ja ejxpajt tyikmøøtꞌaty tkayikmøøtꞌaty neꞌkxkøjxp, nɨti ja kyaꞌukwa̱nɨt. Kuxɨ ja Cristo njanchja̱ꞌwant jaꞌaxɨ tump, jøts jaꞌagøjxpxɨ adøm nmɨguꞌuk tum ja øybɨ ndamɨdsøjkyɨm.

FILIPENSES 3:4

Wa̱ꞌa̱mbɨmts øts ɨnet jøts ku ja nayɨdeꞌen yꞌøyɨ ku jadeꞌen ja nachukɨ ñaxy kostumbrɨ køjxp. Jawaanɨ kaꞌpxy øts ja neꞌegɨ ndyimñɨja̱wɨ jaꞌabɨ tsɨna̱a̱ꞌyɨn;

COLOSENSES 3:11

Jøts kaꞌ chøkyɨ wan pøn tgriegɨtja̱a̱ꞌyɨ uk tꞌisraelɨtja̱a̱ꞌyɨ, wan ja tꞌejxa̱ꞌa̱nɨnmøødɨdɨ uk tkaꞌejxa̱ꞌa̱nmøødɨdɨ, wan ja abiky ma̱ ttsoondɨ uk wan ja tjaꞌajɨdɨ pøn ja Dios tkanɨja̱ꞌwɨdɨpnɨm. Yjajaꞌajɨdɨ jaꞌ pøn tmɨdundɨp ja wɨndsøn, uk pøn najtspøkɨ ejttɨp, tum ja nwɨndsønꞌa̱jtɨm Jesucristo jaꞌ yjaꞌ, jøts myøøtꞌijtpy ja øy pøn.

SANTIAGO 3:17

Pøn ja ja̱ꞌgyukɨn ja Dios møøjyɨp, jaꞌats øyja̱a̱ꞌyꞌa̱jttɨp, wa̱ꞌa̱ts chɨna̱a̱ꞌyɨn ja tyikna̱xtɨ; kaꞌap cheptundɨ chepka̱jpxtɨ, myøøtꞌa̱jttɨp ja tuda̱ꞌa̱kyꞌa̱jtɨn jøts ja ja̱ꞌgyukɨn. Tsaachꞌejxtɨp jøts ja øyꞌa̱jtɨn ttundɨ; ja myøkwɨnma̱a̱ꞌñ pyadundɨp, kaꞌ twɨnda̱a̱yꞌa̱ttɨ ja wyɨnma̱a̱ꞌñ.