2 CORINTIOS 1:4 - New Testament in Mixe Tlahuitoltepec

⁴ Jaꞌagøjxp ja Dios xka̱jpxjotꞌamøjkandɨ pønɨ sa̱ jaty nɨduꞌuk nɨduꞌuk nꞌayoꞌomba̱a̱jtyɨndɨ jøts jadeꞌen nnɨja̱ꞌwandɨt sudso døꞌøn ja nmɨguꞌuk nayɨdeꞌen nga̱jpxjotꞌamøjkɨmyandɨt sa̱m ja Dios tø xpudøjkandɨ.

2 CORINTIOS 1:4 ပူးပေါင်းရင်းမြစ်များ

JUAN 14:16

Jøts nnøjmɨp øts ja Dios Teety jøts ja mdanɨgaxɨdɨt tuꞌuk pøn mbudøkɨyɨdɨp, pøn myikjotꞌamøkpøkɨyɨdɨp, pøn ja tyɨɨbyɨ yjanchpɨ myøøtꞌajtpy. Jøts jaꞌats meets møøt mꞌett kuna̱xt. May ja̱a̱ꞌy ja kyagupøkɨt jaꞌagøjxp ku kaꞌ tꞌejxtɨ tnɨja̱wɨdɨ. Jøts meets, tø meets ja xnɨja̱wɨ, pø ɨxaxɨ ja xmøødɨdɨ, jøts jaꞌats mee møøt mꞌett.

JUAN 14:18

Kaꞌ mee nadyuꞌuk nyiktañ, nnɨwɨmbett meets jadɨgojk.

JUAN 14:26

ja Espíritu Santots midi ja Dios Teety mdanɨgaxɨyɨdɨp jøts øts ja xkudanɨt, jaꞌ ɨdøꞌøn mbudøkɨyɨdɨp, jaꞌ ɨdøꞌøn mga̱jpxjotꞌamøjkɨyɨdɨp jøts ja mdukja̱jtkøxɨdɨt tukɨꞌɨyɨ, jøts nay jaꞌ mdukja̱ꞌmyajtskøxɨyɨdɨp tukɨꞌɨyɨ sa̱ jaty mee tø nnøjmɨ.

2 CORINTIOS 7:13

Paty øøts jotkujk nnayja̱wɨyɨ. Jawaanɨ jotkujk øø nnayja̱ꞌwɨyɨ ku ja Tito ya̱ tø yja̱ꞌa̱ty jøts ku meets ja tø xpudøkɨ jøts ja jotkujk tyikna̱xt.

2 CORINTIOS 7:4

Njøpꞌijxyꞌajtpy meets jøts amuum mee ndajotkujkꞌaty. Øy øøts ɨdøꞌøn nꞌayoꞌomba̱a̱ty janch jotkujk ø nnayja̱wɨyɨ.

FILIPENSES 1:14

Jøts ku jadeꞌen tø tꞌejxtɨ tnɨja̱wɨdɨ adøm ja nmɨguꞌuk pøn ya̱ꞌa̱jttɨp jøts ku øts ya̱jp tsumy nꞌity, neꞌegɨ jɨnaxy ja tø yjotmøkta̱ꞌa̱ktɨ jøts ja jadeꞌen tka̱jpxwa̱ꞌkxɨdɨ ja Dios kyajpxy ja yꞌayuujk.

1 TESALONICENSES 4:18

Paty mjadyimñagya̱jpxjotꞌamøjkɨyɨdɨt xem ya̱m, yøꞌøbɨ kajpxy yøꞌøbɨ ayuujk myiktuꞌundɨp.

1 TESALONICENSES 5:11

Paty jotmøk mnabyɨkta̱ꞌa̱gɨdɨt jøts xem ya̱m mnabyudøkɨyɨdɨt sa̱m ɨxa mmendɨ mbattɨ.

HEBREOS 12:12

Yikmøkpøktɨ mgøꞌ mdeky pønɨ tø ja yꞌanuuꞌkxyɨnɨdɨ.