1 JUAN 2:20 - New Testament in Mixe Tlahuitoltepec

²⁰ Adømts ja Cristo tø xuktatøjkaꞌandɨ ja Espíritu Santo, jaꞌagøjxp ɨxya̱m nnɨja̱ꞌwaꞌandɨ ja tyɨɨbyɨ ja yjanchpɨ.

1 JUAN 2:20 ပူးပေါင်းရင်းမြစ်များ

MATEO 13:11

Jøts ja tꞌadsøøy: ―Meets Dios jaꞌayɨ mduknɨja̱ꞌwɨyɨp ja kyutujk jap tsa̱jpjøtpy midi pøn tkanɨja̱ꞌwɨpnɨm; jøts kaꞌ yø mɨba̱a̱t tnɨja̱wɨdɨt.

MARCOS 1:24

―¿Mets Jesús, Nazaretɨt ja̱a̱ꞌy, tiku øø tø xnɨmiñ, sa̱ øø xunwa̱ꞌa̱ñ? ¿Jaꞌ mets tø xnɨmiñ jøts øø xyikudɨgøøgyøxt? Wa̱ꞌa̱ts me nꞌejxkapy pønɨ pøn mets. Kaꞌaxɨ me mbøkmyøødɨ, Dios ja̱a̱ꞌyxɨ mets.

LUCAS 4:18

Dios Teety øts ja yꞌEspíritu Santo xpudøjkɨp, jaꞌ ø xmøøpy, jaꞌ ø xpɨkta̱kp jøts øts ja ayoobɨ ja̱a̱ꞌy ndukmadoꞌodɨt ja øgyajpxy ja øyꞌayuujk; jaꞌ ø tø xkexy jøts øts ja nga̱jpxjotꞌamøkɨdɨt pøn a̱mjotmayꞌooꞌktɨp tsaachjotmayꞌooꞌktɨp, jøts øts ja nyikꞌawa̱ꞌa̱tspɨdsøꞌømdɨt pøn jadeꞌen ejtnɨdɨp sa̱m tsumy ja̱a̱ꞌyɨndɨ, jøts øts ja nyikwɨnꞌejxwa̱ꞌkxtɨt pøn wɨmbeets kugoots ejttɨp; jøts øts ja nyikꞌawa̱ꞌa̱tspɨdsøꞌømdɨt pøn øy sa̱gasa̱ yiktundɨp;

LUCAS 4:34

―Majtstutk øøts; ¿ti øø xanɨbøjkɨp, mets Jesús Nazaretɨt ja̱a̱ꞌy? ¿Jaꞌ me tø xnɨmenɨ jøts øø xyikudɨgøꞌøty? Wa̱ꞌa̱ts me nꞌejxkapy mbøn mets, pø Diosxɨ me mꞌuꞌnkꞌa̱jtɨp.

JUAN 14:26

ja Espíritu Santots midi ja Dios Teety mdanɨgaxɨyɨdɨp jøts øts ja xkudanɨt, jaꞌ ɨdøꞌøn mbudøkɨyɨdɨp, jaꞌ ɨdøꞌøn mga̱jpxjotꞌamøjkɨyɨdɨp jøts ja mdukja̱jtkøxɨdɨt tukɨꞌɨyɨ, jøts nay jaꞌ mdukja̱ꞌmyajtskøxɨyɨdɨp tukɨꞌɨyɨ sa̱ jaty mee tø nnøjmɨ.

JUAN 16:13

Kunɨm myeꞌent ja Espíritu Santo, jaꞌats ja tukɨꞌɨyɨ mdukꞌɨxpøjkøxɨdɨp sudso tyɨyɨ yjanchɨ; kaꞌaxɨ kyøꞌøm jaꞌ ja tyiktuꞌunt pønɨ sa̱ jaty ja wya̱ꞌa̱ñ, jaꞌ ja kya̱jpxp pønɨ sa̱ jaty pønɨ ti jaty ja myadøøpy, jøts ja mdukmadowɨdɨt ti jaty tunwa̱jnɨpnɨm.

HECHOS 10:38

Ja pø mnɨja̱ꞌwɨpxɨ meets nayɨdeꞌen ku ja Dios Teety ja Jesús ttuktatøjkøø ja Espíritu Santo møøt ja myøkꞌa̱jtɨn, jøts nayɨdeꞌen sa̱ jaty ja wyɨdity ku ja tꞌødyuñ ja ja̱a̱ꞌy, jøts ku ja tyiktsøꞌøky pønɨ pøn ja mɨkuꞌ møøt yꞌitynɨm. Jaꞌagøjxp ja jadeꞌen ttuuñ ku ja Dios Teety ja ejtp tmøøtꞌity.

HECHOS 3:14

Jaꞌ mee neꞌegɨ myikꞌawa̱ꞌa̱tspɨdsøøm pøn wyɨnaty tø tyundɨgøy, jøts meets ja kaꞌap xna̱nkmyajtstuujttøø pøn wa̱ꞌa̱ts, pøn katundɨgøøpy nɨwɨneꞌenɨn.

1 CORINTIOS 2:15

Pønts ja Dios Espíritu Santo myøøtꞌajtpy øy ja tigati tja̱ꞌgyukɨt jøts nɨpøn ja sa̱ kyanøꞌømxɨt.

HEBREOS 1:9

Mdsøkyꞌajtpy mets ja tyɨɨbyɨ jøts kaꞌ xꞌejxwa̱ꞌa̱ñ ja kaꞌøybɨ; paty ja mDios Teety jawaanɨ øy ja jotkujkꞌa̱jtɨn tø mmøꞌøyɨ, jøts nɨ kaꞌap jadeꞌen o pøn tø yiktuñ.

HEBREOS 8:11

Kaꞌ døꞌøn pøn wyɨnaty ja myɨguꞌuk nɨti tkadukyikyujtɨ pønɨ ti døꞌøn ja tyuꞌump; jaꞌagøjxp ku øts ja wyɨnaty ja møj ja mutsk tø nduknɨja̱wɨdɨ jøts øts ja nɨdukɨꞌɨyɨ xꞌejxka̱ptɨt.

1 JUAN 2:27

Pø tøxɨ ja Jesucristo mmøꞌøyɨndɨ ja Espíritu Santo, paty kaꞌ pya̱a̱tꞌatyɨ jøts pøn jaduꞌuk mga̱jpxwejɨyɨdɨt, pø ja Espíritu Santoxɨ mee køꞌøm myikwejɨyɨp myikajɨyɨp midi tɨy midi janch jøts kaꞌ tya̱a̱yɨ. Meets mɨguꞌuktøjktɨ, jadeꞌen ɨdøꞌøn yꞌejxɨ tyɨyɨ jøts yikxon mdsøønɨdɨt mdanɨdɨt amukɨ møøt ja Cristo, jadeꞌen sa̱ køꞌøm mdukjatyɨdɨ ja Espíritu Santo.

1 JUAN 4:13

Nnɨja̱ꞌwɨndɨp ku ja Dios møøt nꞌijtyɨndɨ jøts xnamyøøtꞌejtɨndɨp ja nayɨdeꞌen, jaꞌagøjxp ku ja tø xuktatøjkaꞌandɨ ja yꞌEspíritu Santo.

JUDAS 1:5

O meets ja xjanɨja̱wɨ, nduknɨja̱wɨwyampy meets ja jadɨgojk jøts ku ja Dios Teety ojts tyikꞌawa̱ꞌa̱tspɨdsimy ja Israelɨt ja̱a̱ꞌy jam Egipto, xjats tyikwɨndɨgøy jaꞌ pøn ja kamɨbøjkɨyɨ kabaduujnɨyɨ.

APOCALIPSIS 3:7

’Nɨjayɨ nayɨdeꞌen øts ngugajpxy pøn ejtp jam ma̱ øts njanchja̱ꞌwɨbɨtøjk jam Filadelfia ka̱jpjotp: “Yɨdeꞌen ja wya̱ꞌa̱ñ jaꞌ pøn øyꞌa̱jtp wa̱ꞌa̱tsꞌa̱jtp, ja janchpɨ ja tɨɨbyɨ, nayɨdeꞌen ja møkꞌa̱jtɨn tjagyepy jadeꞌen ejxɨm ja rey David yꞌijty yikutuky: Ku ja tuuꞌ nyikꞌawa̱ꞌa̱ch kaꞌ pøn mɨba̱a̱t tyikꞌawa̱ꞌa̱tst.

APOCALIPSIS 4:8

Tuꞌuk jaty ja jɨyujk tudujk ja kya̱nk tmøøtꞌaty, may ja wyeen nayɨdeꞌen kyaxɨꞌɨky yjøxkiꞌpy jøts wyɨndujy; xɨnaxy tsunaxy ja Dios tja̱ꞌmyatstɨ jøts ñømꞌettɨ: Janch øy janch wa̱ꞌa̱ts me Dios Teety, Mets tuꞌugyɨ ja møkꞌa̱jtɨn mjagyejpy, jøts xemɨkøjxp mjujkyꞌaty.