1 JUAN 2:12 - New Testament in Mixe Tlahuitoltepec

¹² Meets uꞌnktɨ meets una̱ꞌjktɨ, ɨxya̱m mee nnɨjayɨ jøts ndukmadowdɨ jaꞌagøjxp ku ja Dios Teety tø mbojkpɨmeeꞌkxyɨdɨ Jesucristo køjxp.

1 JUAN 2:12 ပူးပေါင်းရင်းမြစ်များ

LUCAS 24:47

jøts ja yiknɨga̱jpxwa̱ꞌkxt o ma̱na̱a̱jx o ma̱ga̱jp, ku ja ya̱ Jerusalén choꞌonda̱ꞌa̱kt jawyeen, jøts ku jaꞌagøjxp yiknøjmɨdɨt o pøn, wan ja chɨna̱a̱ꞌyɨn tyiktɨga̱tstɨ jøts yikpojkpɨmaaꞌkxtɨt.

LUCAS 5:20

Kuts ja Jesús ja ojts jadeꞌen tꞌixy kudam ja amumduꞌuk ja yjanchja̱ꞌwɨn tjagyaptɨ, jøts ja pama̱a̱ꞌy ja tnɨma̱a̱y: ―Uꞌnk, nbøkmyeeꞌkxpy mets.

HECHOS 10:43

Nayɨdeꞌen ɨdøꞌøn wyɨnaty jekyɨp ja Dios Teety kyugajpxy tø tka̱jpxtɨ tø tmadya̱ꞌa̱ktɨ ja Jesús, jøts pønɨ pøn tjanchja̱ꞌwɨp ja Jesús, wɨnets yikmaaꞌkxuktɨt ja pyøky. Jadeꞌen ja Pedro ja tnɨma̱a̱y ja ja̱a̱ꞌy.

HECHOS 13:38

Meets mɨguꞌuktøjktɨ, kuwa̱nɨ xnɨja̱wɨdɨt ku ja Jesús jaꞌ tuꞌugyɨ xpojkpɨmaaꞌkxɨndɨp pøn meets ɨxya̱m myiktukmadoop.

HECHOS 4:12

Nɨpøn jaduꞌuk xkayiknɨtsoꞌokꞌa̱jtɨnt sa̱ adøm Jesús xyiknɨtsoꞌokꞌa̱jtyɨndɨ, pøn ja Dios tuꞌugyɨ tø ttanɨbɨkta̱a̱gɨ ya̱ na̱xwiiñ.

1 CORINTIOS 6:11

Jam mee muuma̱ pøn jadeꞌen yꞌijty tsɨnaadyɨp; kaꞌats ja ɨxya̱m jadeꞌen yꞌuktsɨnaañɨdɨ pø tøxɨ ja nwɨndsønꞌa̱jtɨm Jesucristo køjxp pyøkwya̱tsnɨdɨ, jøts ja Dios Teety tø yiktagɨdøkɨdɨ, jøts yꞌEspíritu Santo køjxp ja tø xkupɨjkyɨndɨ.

EFESIOS 1:7

Ku xtsojkna̱jxyɨm adøm ja Dios, paty adøm tø xyiknɨtsøøjkyɨm ku ja yꞌUꞌnk Jesús wyɨdsuuñ wyɨda̱jxy, jøts yꞌoꞌjkɨngøjxp xpojkpɨmeeꞌkxyɨm.

EFESIOS 4:32

Yikxon meets ɨdøꞌøn neꞌegɨ mꞌøyꞌa̱tt, mnabyaꞌayowɨdɨp meets, jøts nayɨdeꞌen mnamyaaꞌkxukɨyɨdɨt jadeꞌen sa̱m meets ja Dios Teety tø mmeeꞌkxyɨyɨdɨ Cristo køjxp.

COLOSENSES 1:14

pøn ojts tyaky ja nɨtsoꞌokꞌa̱jtɨn jadeꞌenꞌampy ku tø xkuꞌoꞌjkandɨ jøts adøm ja xpojkpɨmeeꞌkxyɨndɨ.

1 JUAN 1:4

Yøꞌøbɨ ayuujk yøꞌøbɨ wɨnma̱a̱ꞌyɨn meets ɨxya̱m ndanɨja̱ꞌa̱yɨp jøts yikxon ejtnɨ xonɨ mwɨnma̱a̱ꞌñ yꞌettɨt.

1 JUAN 1:7

Kuts ndsɨna̱a̱ꞌyɨndɨt øy wa̱ꞌa̱ts ejxɨm ja Dios Teety chøønɨ, wɨnets nɨxem nɨya̱m tuꞌugyɨ ja wɨnma̱a̱ꞌñ nmøøtꞌa̱jtɨndɨt, jadeꞌen ɨdøꞌøn ja yꞌUꞌnk Jesús xyikpøkwya̱a̱jchɨndɨ midi jaty nduꞌuñɨndɨp ku ja wyɨdsuuñ wyɨda̱jxy.

1 JUAN 1:9

Kuts ndamɨmadya̱køxɨndɨt ja Dios Teety nbøky, njøpꞌejxɨndɨp jaꞌ ku ja ttuꞌunt midi pa̱a̱tꞌa̱jtɨp, jøts nay ja xpojkpɨmaaꞌkxɨndɨp jøts nay jaꞌ jatyɨ xyikwa̱a̱jtsɨndɨp midi jaty adøm ndundɨgøøꞌyɨnꞌa̱jtyɨndɨp.

1 JUAN 2:1

Meets uꞌnktɨ una̱ꞌjktɨ, ya̱ꞌa̱t meets ndukmadøøpy tukɨꞌɨyɨ ku kaꞌap mbøktyuꞌundɨt, jøts pønɨ pøn wyɨnaty sa̱ tyimyja̱jtp paty xnɨja̱wɨdɨt ku jaa nmøøtꞌa̱jtyɨndɨ tuꞌuk ja nɨka̱jpxutpɨ jam Dios Teety wyɨngujkp, ja Jesucristo døꞌøn jaꞌ pøn janch, pøn tɨy.

1 JUAN 2:21

Paty meets ɨxya̱m nnɨjayɨ ku xnɨja̱wɨdɨ midi tɨy midi janch, kaꞌap ø nwa̱ꞌa̱ñ ku kaꞌ xnɨja̱wɨdɨ; wa̱ꞌa̱ts mee xnɨja̱wɨ ku ja tyɨɨbyɨ ja yjanchpɨ kaꞌ nayɨdeꞌen sa̱ ja ta̱a̱y.

1 JUAN 2:7

Mɨguꞌuktɨ, kaꞌap meets ja jemgyutujk ɨxya̱m ndanɨjayɨ; nay jaꞌ yøꞌ midi mee tø xmadowdɨ xnɨja̱wɨdɨ ku ja mdsɨna̱a̱ꞌyɨn xyiktsoꞌonda̱ktøø jadɨgojk.