1 JUAN 1:10 - New Testament in Mixe Tlahuitoltepec

¹⁰ Kuts nugo nwa̱a̱ꞌnɨnt ku kaꞌap nbøky nmøøtꞌa̱jtyɨndɨ, jadeꞌen ɨdøꞌøn ja nbɨkta̱a̱jkyɨndɨ jøts ku ja tya̱a̱yɨ ja Dios Teety, nɨwɨneꞌenɨnts jadeꞌen ngamɨmadooꞌjaꞌant ja kyajpxy ja yꞌayuujk.

1 JUAN 1:10 ပူးပေါင်းရင်းမြစ်များ

JUAN 3:33

Kuts øy pøn tjanchja̱wɨ, jaꞌats wa̱ꞌa̱ts tyiknɨgaꞌaxp jøts ku Dios tkajpxy ja tyɨɨbyɨ yjanchpɨ;

COLOSENSES 3:16

Jøts ja̱ꞌgyukɨyɨdɨ yikxon ja nwɨndsønꞌa̱jtɨm Jesucristo kyajpxy ja yꞌayuujk jøts ja xwɨnma̱a̱ꞌñꞌa̱ttɨt. Nadyukꞌɨxpøkɨdɨ jøts nagya̱jpxjotꞌamøjkɨyɨdɨ nɨxem nɨya̱m, ja wejɨn ja kajɨn myiktuꞌundɨp. Øøjɨdɨ ja Salmos, jøts øøjɨdɨ ja kunuuꞌkxkyajpxy jøts jadeꞌen xukmøja̱wɨdɨt xukunuuꞌkxyja̱wɨdɨt ja Dios.

1 JUAN 1:8

Xjats ku nugo nɨchøky nwa̱a̱ꞌñɨndɨ jøts ku kaꞌ ndundɨgøøꞌyɨndɨ, nugo køꞌøm nnawyɨnda̱a̱yꞌa̱jtyaꞌandɨ jøts tɨy ngakajpxyɨndɨ.

1 JUAN 2:14

Meets teetyɨ ta̱a̱ktɨ, jadeꞌen meets ɨxya̱m ndanɨjayɨ ya̱ꞌa̱t ayuujk kumɨ tø xjanchjpabøjktɨ ja Jesús yjaꞌ midi jaayɨm wyɨnaty ku choꞌonda̱kijxy tuktsa̱jpꞌagɨda̱ꞌa̱ky. Nayɨdeꞌen meets wa̱jtyøjktɨ kiixyeꞌedɨ ɨxya̱m ndanɨjayɨ ya̱ꞌa̱t ayuujk ku ejtp mjanchmøkwɨnmaydɨ jøts ku ja Dios Teety kyajpxy yꞌayuujk tø xpabøjkɨdɨ amumjoojt, jøts nayɨdeꞌen ku tø xmɨmajada̱ꞌa̱ktɨ ja mɨkuꞌ yjaꞌ.

1 JUAN 2:4

Jøts pønɨ pøn wa̱mp ku ja yꞌuꞌnkꞌatyɨyɨ ja Dios jøts nɨkaꞌap ja tpaduujnɨyɨ ja kyutujk, jaꞌ nugo ka̱jpxɨgøøpy, nugo ja tya̱a̱yɨ.

1 JUAN 4:4

Uꞌnktɨ una̱ꞌjktɨ, Dios mee mjaꞌa̱jttɨp, tøxɨ xmɨmajada̱ꞌa̱ktɨ pøn mwɨnda̱a̱yꞌa̱twa̱jnɨdɨp; pø tyimyøkxɨ jaꞌ pøn mee mmøøtꞌejtyɨyɨp jøts nɨkaꞌap ja jadeꞌen myøkɨ ja kaꞌødyumbɨ yjaꞌ.

1 JUAN 5:10

Pøn tjanchja̱ꞌwɨp ja Dios Uꞌnk, køꞌømts ja tja̱ꞌgyukɨ ja tɨyꞌa̱jtɨn; jøts pøn tkajanchja̱ꞌwɨp ja Dios ku ja tnɨgajpxy sa̱ yꞌUꞌnk yja̱jty kyubejty, jaꞌats ta̱a̱dyejp ja Dios.

2 JUAN 1:2

Jaꞌ øts jadeꞌen xyikꞌadøtsp ja ku nmøøtꞌa̱jtyɨndɨ ja yꞌøybɨ tyɨɨbyɨ jøts nɨjuunɨ adøm ja xkamajtstuujtyɨndɨ.