1 CORINTIOS 13:10 - New Testament in Mixe Tlahuitoltepec

¹⁰ Kudɨgøꞌøpyts ya̱ꞌa̱tpɨ nɨja̱ꞌwɨn ku wyɨnaty tukɨꞌɨyɨ nꞌijxyɨm nnɨja̱ꞌwaꞌam pønɨ sa̱ døꞌøn tyɨyɨ kyaꞌpxyɨ tukɨꞌɨyɨ.

1 CORINTIOS 13:10 ပူးပေါင်းရင်းမြစ်များ

1 CORINTIOS 13:11

Kuts yꞌijty nmutskꞌaty, mutskuꞌngɨn øts yꞌijty ngajpxy nmadya̱ꞌa̱ky, mutskuꞌngɨn øts yꞌijty nwɨnmay, jøts mutskuꞌngɨn øts yꞌijty nayɨdeꞌen nja̱ꞌgyukɨ. Kuts ø nyaaꞌkna̱a̱ nꞌɨxma̱tskøjxnɨ øts ja mutskꞌa̱jtɨn.

1 CORINTIOS 13:12

Nayɨdeꞌents adøm kaꞌ kaꞌpxy ja Dios yjaꞌ nnɨja̱ꞌwaꞌam, wɨnjoꞌxɨmp adøm yja̱wɨ ku ja njaꞌejxpa̱a̱twa̱ꞌa̱ñɨm; jaanɨm ɨdøꞌøn ja wyɨnaty øy wa̱ꞌa̱ts nꞌijxyɨm. Kaꞌap øts ɨxya̱m tukɨꞌɨyɨ nnɨja̱wɨ, jaanɨm øts ja nøjkx wa̱ꞌa̱ts yikxon nnɨja̱wɨnɨm tukɨꞌɨyɨ sa̱m øts ja Dios ɨxya̱m wa̱ꞌa̱ts xꞌixy wa̱ꞌa̱ts xnɨja̱waꞌan.

1 CORINTIOS 13:9

Kaꞌap adøm tukɨꞌɨyɨ kaꞌpxy nnɨja̱ꞌwaꞌam, jøts nɨkaꞌ kaꞌpxy yiknɨgajpxy ja Dios chojkɨn ja Dios pyaꞌayoꞌowɨn midi adøm ja xjadukmadoꞌowɨmp.

FILIPENSES 3:12

Kaꞌ nwa̱ꞌa̱ñ jøts ku øts jadeꞌen tukɨꞌɨyɨ ngøjøꞌømɨtꞌa̱jtnɨ, uk kaꞌ nwa̱ꞌa̱ñ jøts ku øts tyimwya̱ꞌa̱tsnɨ tyimyꞌøynɨ; tuꞌugyɨts øts ja nbanøjkxꞌadɨꞌɨch, jøts njøpꞌijxpy øts ja nba̱a̱tt midi øts ja nwɨndsønꞌa̱jtɨm Jesucristo tø xanɨwa̱a̱dsowɨ patkɨꞌjyɨ.