1 CORINTIOS 11:5 - New Testament in Mixe Tlahuitoltepec

⁵ Pønɨ kaꞌats ja tøꞌøxyøjk ñagyujuuxyɨ ku ja Dios tꞌajotꞌa̱jtpɨ tyøkɨ, uk kuts ja Dios yjaꞌ tjanɨga̱jpxɨ, kyamøjpɨktakpyts ɨdøꞌøn ja ñɨya̱a̱ꞌy jaꞌ, nayɨdeꞌenxɨ ja tpa̱tnɨ kidi ja jeexyɨp tø ñagyukaaꞌptuꞌudyɨ.

1 CORINTIOS 11:5 ပူးပေါင်းရင်းမြစ်များ

LUCAS 2:36

Jamts wyɨnaty tuꞌuk Dios kyugajpxymɨ, Ana ja tøꞌøxyøjk xyøøw, ja Fanuel ñøøx, ja Aser ja yꞌa̱a̱dsɨdɨp kyugojɨdɨp. Møja̱a̱ꞌtyɨgøynɨts ɨdøꞌøn jaꞌ. Tyimyꞌuna̱ꞌjkyɨ ja yꞌamajtskɨyɨɨꞌñ jøts ja jaꞌayɨ wɨxujk jumøjtyɨ tmøøtsɨna̱a̱y ja ñɨya̱a̱ꞌy.

HECHOS 2:17

Ku wyɨnaty ja na̱xwiiꞌñɨt tyɨga̱tswa̱nɨ, wɨnets øts jaꞌabɨ xøøw møkꞌampy ja na̱xwiiꞌñɨt ja̱a̱ꞌy nduktatøkɨt ja nꞌEspíritu Santo ømya̱ga̱jpɨ; nyikugajpxyꞌa̱tp øts ja mutskuna̱ꞌjktøjktɨ, jøts ndukwɨnguma̱ꞌa̱p øts ja wa̱jtyøjktɨ kiixyɨꞌɨdɨ sa̱ wyɨnaty yja̱twa̱ꞌa̱ñ ya̱ na̱xwiiñ, jøts nayɨ xwɨnguma̱ꞌa̱dɨp øts ja møja̱a̱ꞌdyøjktɨ.

HECHOS 21:9

Ja Felipe jam ja wyɨnaty ja nɨmakta̱xk ja ñøøx pøn kaꞌanɨm yꞌamatskɨdɨ, jaꞌats tka̱jpxna̱xtɨp ja Dios yꞌøgyajpxy pøn ti jaty ja ttuka̱jpxna̱xwa̱jnɨyɨdɨp.

1 CORINTIOS 11:4

Pønɨ kaꞌ ja ya̱a̱ꞌdyøjk ñagyujujptuꞌudyɨ ku Dios tꞌajotꞌaty uk kuts ja Dios yjaꞌ tjanɨga̱jpxɨ, kyamøjpɨktakpy ɨdøꞌøn ja Cristo jaꞌ pøn nɨguba̱jkꞌa̱jtɨyɨp.

1 CORINTIOS 11:6

Pønɨ kaꞌap ja tøꞌøxyøjk ñagyujuuxyɨ, wants neꞌegɨ tnagyukaꞌaptutkixyɨ. Pønɨ tyatsøꞌødyumpts jadeꞌen ja kyuba̱jk keepy, wants neꞌegɨ tpɨkta̱ꞌa̱ky ja kyujuux.

1 CORINTIOS 14:34

Kaꞌap ɨdøꞌøn ja tøꞌøxyøjk xyika̱jpxtɨt ku mnamyukɨdɨt, pø kaꞌaxɨ jadeꞌen kyutukyɨ. Mbaduꞌundɨp ɨdøꞌøn ja kuwa̱nɨ sa̱ ja Dios kyutujk wya̱ꞌa̱ñ.