Pilemon 1:20 - Laulau na Vinalu mine Salemo

²⁰ Tamaigu, longe. Na aisane Bibi Taula eau kale o no goli a golu kubaana ieli ane eau. Eitau eili a bibi mine Krais, maidolo na inigogona li o no toe iiti a lilogu.

Pilemon 1:20 ပူးပေါင်းရင်းမြစ်များ

1 Korin 16:18

me sou toe a lilogu i mea, ma lilone amutou tamai. Namutou mongemonge e sou a matana vanua do.

2 Korin 2:2

Mane eau toe mavae a lilone amutou, io sei eili ni mamongemonge e eau? Amutou eau bilii a mavaana do, amutou moni.

2 Korin 7:13

Me seidei inigogona mine amutou odo ei toe a lilone amiteu i tabuli kuba sele. Moni amiteu mongemonge mamau sele lou, vuna amutou vuso amutou mapuli a lilobuuna mine Taitus, me amutou toe a lilona i kubaana.

Pilipai 1:8

Salemo ei muada i maido, eau kale mamai sele amutou vuso a kinale mine Krais Iesu.

Pilipai 4:1

Maido me, amutou tamtamaigu, eau biliilii a lilogu usino ne amutou, me eau kale sele na ite amutou. Eau mongemonge sele e amutou me amutou tomane a mapa doana eau pipigo sagali a gualena. Namutou magili sagali lilo ne Bibi Taula tomane eau vei.

Pilemon 1:12

Seidei eau peltase ei ni veteliu usino minio, ma lilogu i asu pilu e ei.

Pilemon 1:7

Io, tamaigu sele, oo kale sele a vanunua ma tavivine mine Salemo, me na inigogona ieli oo toemea a lilone sou, me ielili toe mongemonge sele eau me toemea a lilogu tamai.

Hibru 13:17

Namutou ogomuli a inade mine sou a munuganuga mine amutou me mu muine amutou matano ne sou. Sou kale ne sou buloi e amutou me sou ulage ane amutou taliuliu. Me mulimuli ne sou vei le Salemo a pipigona vuso sou goli. Mane amutou goli maido, io a pipigona mine sou ei ni doana moni, me ne sou ma lilomavaa oto. Mane sou lilomavaa a niitealene amutou, iedele ei ni ma buloi ete amutou tamai.

1 Ioanes 3:17

Moni mane sei bibi ei isa a golugolu mina magamaga ieli, me ei ite tamaina tasa ei boto a golugolu sou odo, moni mane ei ma lilomuli ete ei me ei ma buloi ete ei, io eitou muada, kinale mine Salemo ei ma ino oto na bibi iedo.

3 Ioanes 1:4

Ilala eau longe a inade mine natatugu sou ogomuli a inade i patotona, io eau mongemonge sele, ma munonge iedo ei vululusi sele a munonge minau sanii.