Malongolongona Kubaana mine Iesu Mak ei niage 5:34 - Laulau na Vinalu mine Salemo

³⁴ Me Iesu ei vei lei maido, “Natugu tavine, oo silimuli e eau, maido me oo palea kuba lou. Oo asu, ma lilomu ni mea. Sinobe minio ni buale.”

Malongolongona Kubaana mine Iesu Mak ei niage 5:34 ပူးပေါင်းရင်းမြစ်များ

Matiu 9:2

Me sanii sou tabulebule a bibi tasa i sobe usinani minei, tuatuane ei mamate sele, maido ei mavuta moni na poso. Me Iesu ei ite maido sou silimuli sele, me ei vei ana a bibi sobe do maido, “Natugu, lilomu ni tabuli mea. Eau taulelesi a sinusu vuso minio.”

Matiu 9:22

Moni e Iesu ei sauvule mei ite a tavine do, mei vei, “Natugu, lilomu ni tabuli mea. Oo silimuli eau, maido me oo palea kuba lou.” Na ilala moni iodo tavine do ei palea kuba lou.

Malongolongona Kubaana mine Iesu Mak ei niage 10:52

Me Iesu ei vei lei, “Oo asu. A silimulina minio ei toekube oo mo kuba.” Ma tabaa oto a matane ei kuba mei gemu. Mei ogomuli e Iesu na vea.

Malongolongona Kubaana mine Iesu Mak ei niage 3:10

Lisa Iesu ei toekube a vanunua ma tavivine papaina, maidolo ma vanunua ma tavivine sou sobe sou kale ne sou tuli e ei, me sou maibobomuli a asualene ei.

Malongolongona Kubaana mine Iesu Mak ei niage 5:29

Tavine do ei pige a aisuna kinainai mine Iesu, ma tabaa oto a dala i pulu minei, me a vovona ei somiale a sinobe do ei bualesi.

Malongolongona Kubaana mine Iesu Mak ei niage 5:33

Ma tavine do ei muada a golu ei palea minei, me ei lae ma vovona ei palili. Mei asu maino, ei totopatulu agavuale Iesu, mei veimuade a golugolu vuso.

Malongolongona Kubaana mine Iesu Luk ei niage 17:19

Me ei vei ana bibi iodo maido, “Oo ilisi mo asu. Silimulina minio i toekube oo.”

Malongolongona Kubaana mine Iesu Luk ei niage 18:42

Me Iesu ei vei lei, “Matamu ei ni kuba. Silimulina minio ei toekube oo.”

Malongolongona Kubaana mine Iesu Luk ei niage 7:50

Me Iesu vei ana tavine do maido, “Silimulina minio ei gualeliu e oo. Oo asu me a lilomu ni mea.”

Malongolongona Kubaana mine Iesu Luk ei niage 8:48

Me Iesu ei vei ane ei maido, “Natugu, silimulina minio ei gualeliuosi oo. Oo asu ma lilomu ni mea moni.”

Aposel 14:9

Bibi iedo ei longe Pol i malongo a inade. Me Pol gemualepute ei, me ei ite maido a bibi iedo ei silimuli me ei mapigogoi ni palea kubaana lou.

Aposel 15:33

Sulu malu tabaa sapa ne Antiok, me mulimuli sou a kristen sou ade munonge ane sulu, me sou peltase liu e sulu usino na vanunua sou peltase sulu usinani iodo.

Aposel 16:36

Me a bibi na ulagena ei asu vei le Pol maido, “Sou a vanua na vivilealena sou sosove a inade na lubetasene amulu ne mu asu. Maido me ne amulu ilisitase a luma na tunuui me ne mu asu, ma lilone amulu ni mea.”

Iemus 2:16

me tasa mine amutou ei vei lei maido, “Lilomu ni mea moni, me oo asu o kai a kinainai ni toetivule a vovomu, mo asu guale a gona inani mo mavoni a tiamu,” io inade li ni buloi e ei matina? Amutou oto, mu bilii e ei a kinainai ma gona inani ni buloi a vovona.