Malongolongona Kubaana mine Iesu Mak ei niage 3:17 - Laulau na Vinalu mine Salemo

¹⁷ Me ei vileale tamai e Iemus, natune Sebedi, pilu e tasina e Ioanes. Ei tole e sulu a aisa Boaneges. Malibuuna inade do i maido, “Sou a vanua sou tomane a natuna sima ei tupaulu.”

Malongolongona Kubaana mine Iesu Mak ei niage 3:17 ပူးပေါင်းရင်းမြစ်များ

Matiu 4:21

Iesu ei asu sapa lou, mei ite tametasi lua lou, e Iemus, natune Sebedi pilu e tasina e Ioanes. Su ino na bot pilu e tamane sulu, e Sebedi me sou toekubekube a vuo mine sou i maututu. De Iesu ei toleale sulu.

Malongolongona Kubaana mine Iesu Mak ei niage 10:35

De Iemus me Ioanes, sulu e natatune Sebedi, su asuale Iesu me sulu vei lei maido, “Magiligilina, amilu kale nami tagi e oo a golu tasa, amilu kale no goli a golu iede usinani ne amilu.”

Malongolongona Kubaana mine Iesu Mak ei niage 14:33

Me ei guale e Pita me Iemus me Ioanes, me sou ogomuli e ei. A lilona i mavaa, mei somiale gegeli sele.

Malongolongona Kubaana mine Iesu Mak ei niage 3:16

Me ei vileale savulu tasa timana lua. Tasa e Saimon, me Iesu i maaise e ei a aisana tasa lou Pita.

Malongolongona Kubaana mine Iesu Mak ei niage 3:18

Me ei vileale tamai e Andru, Pilip, Batolomeus, Matiu, Tomas, Iemus, ei e natune Alpius, me Tadius, Saimon, ei a bibi mine sou e Selot,

Malongolongona Kubaana mine Iesu Mak ei niage 5:37

Me ei magilisobe sou a vanunua ma tavivine ne sou ogomulimuli ei. Pita me Iemus me tasine Iemus, Ioanes, sou tao tolu moni sou ogomuli e ei.

Malongolongona Kubaana mine Iesu Mak ei niage 9:2

Malada pantasa i pulosi, Iesu ei guale e Pita me Iemus me Ioanes, mei maasi e sou usino na loena tasa oata oto sele, me sou moni ino. Na ilala sou saboa ino sou gemugemu, vovone Iesu ei sauvule mei palea sea.

Malongolongona Kubaana mine Iesu Luk ei niage 9:54

Disaipel lua, Iemus me Ioanes, su ite a inigogona mine sou, me sulu vei, “Bibi Taula, o kale ne amiteu toleale a oavi muata na langi ni tununi a vanunua vuso ie?”

Ioanes 21:2

Saimon Pita me Tomas, aisana tasa e Didimus, me Nataniel mina aubu buobuo e Kana ne Galili, me natune Sebedi lua, ma disaipel lua mine Iesu, sou ino pilu.

Aposel 12:1

Na ilala do Mapana Herot ei toegegeli a vanunua sanii mina viepiluna kinaka.

Hibru 4:12

Inade mine Salemo ei isa a maulina, me ei pipigo sagali. Ei binaso mamau lou ana viso ei isa a binasona lua. Inade ieli ei iububi a bibi me ei gali ulilo oto sele. Ei asu palea bilesi na buune eitou ma nunune eitou, me na avena masoosoona dolo ma augu mavona ma tuatua sou maidama pilu. Maido me ei muada kuba iiti a damutatalana vuso ma masagana mina lilone eitou.

Inade i Ovu 10:11

Me ei vei le eau maido, “Oo no veipale lei a inade na malongolongona usino na abuna vanunua ma tavivine vuso, ma aveavena vuso, me sou a matamatana inadenade vuso, me sou a mapamapana tamai.”