Malongolongona Kubaana mine Iesu Mak ei niage 16:14 - Laulau na Vinalu mine Salemo

¹⁴ Mulimuli sou a disaipel savulu tasa timana tasa sou ugu me sou aani, me Iesu ei palea le sou. Me ei adevili ane sou, vuna sou ma silimuli ete ma lilone sou i sobo me sou ma silimuli ete a inade mina vanunua ma tavivine sou ite ei ilisiliuosi.

Malongolongona Kubaana mine Iesu Mak ei niage 16:14 ပူးပေါင်းရင်းမြစ်များ

Matiu 11:20

Na aubu buobuo sanii Iesu ei pipigo a gona sinaga makuba, moni sou ma sauvule ete a lilone sou. Maido ma ilala dolo Iesu ei sinoa ane sou a vanunua ma tavivine mina aubu buobuo do.

Matiu 17:20

Me ei vei le sou maido, “Silimulina mine amutou ei alabaini sele, maido me amutou ma mapigogoi ete. Eau ade ivu ane amutou, mane amutou isa a silimulina mapigogoi tomane a vuana mastet, namutou vei ana loena ie, ‘Oo ilisi mo asu usino nado,’ me ei ni asu. Golu tasa ni ma sana oto le amutou.”

Matiu 28:17

Me sou ite Iesu me sou kaka ane ei. Moni sanii ne sou so isa a damutatalana lua.

Malongolongona Kubaana mine Iesu Mak ei niage 7:18

Me ei vei le sou maido, “Amutou tamai a damutatalana ane amutou boa, io? Nane amutou ma muada oto, a golugolu vuso ei ino sala na bibi mei gali ulilo minei, ei ni ma mapigogoi ete ni toe a bibi ni mumugu, io?

Malongolongona Kubaana mine Iesu Luk ei niage 24:11

Moni e sou damu i a tavivine sou goli a inade sabubu moni. Me sou ma silimuli ete a inade mine sou.

Malongolongona Kubaana mine Iesu Luk ei niage 24:25

Me Iesu ei vei le sulu maido, “Amulu, vauta! Lilone amulu i ma ilisi asi oto a silimulina inade vuso sou a profet sou vei.

Ioanes 20:25

De sou a disaipel sanii sou vei lei maido, “Amiteu itesi e Bibi Taula.” Moni e Tomas ei vei le sou maido, “Mane eau ma ite ete a poposina lumusu sou gati na limane ei me ma tau ete a uugu ulilo mina limana me ma tau ete a limagu ulilo mina alisune ei, eau na ma silimuli ete.”

Ioanes 20:26

Na malada pantolu mulimuli, sou a disaipel mine Iesu sou ugu lou lilo na vilo, me Tomas ei ino pilu e sou. Sou kapisobe a tematema vuso, moni e Iesu ei asu me ei magili balivua ne sou. Me ei vei le sou, “Lilone amutou ni mea.”

Ioanes 20:27

Io ei vei le Tomas maido, “O vele tau a uumu nani na, mo ite a limagu. Me o tau a limamu ulilo bilesi mina alisugu. Umana a damutatala papaina. Oo no silimuli moni.”

Ioanes 21:1

Mulimuli Iesu ei palea lou ne sou a disaipel agavuale a pou na nanu e Galili, aisana pou na nanu tasa lou e Taiberias. Ei palea le sou maido,

Ioanes 21:14

Ielili ei matolunai Iesu ei palea le sou a disaipel, na tauluna ei ilisiliu na minate.

Aposel 1:3

Palapala ei tabule a davutina mei mate, me mulimuli ei ilisiliu mina minate mei palea le sou a aposel. Ei goli a golu papaina ve ne sou muada sele ei ino mauli. Mapigogoi a malada savulu iva sou ite ei, me ei vei le sou a niitealalena mine Salemo.

1 Korin 15:5

Me mulimuli ei palea le Pita, me mulimuli lou ei palea le sou a aposel savulu tasa timana lua.

Inade i Ovu 3:19

A vanua sanii eau kale, io eau ade papai ane sou mea toebilelesi a inigogona mine sou. Maido me oo no sagali a toebilelesina inigogomu, me oo no sauvule a lilomu.