Malongolongona Kubaana mine Iesu Mak ei niage 14:6 - Laulau na Vinalu mine Salemo

⁶ Moni e Iesu ei vei, “Amutou litase a tavine de. Posa matina amutou bilii e ei a mavaana? Ei goli a inigogona kubaana sele usinani minau.

Malongolongona Kubaana mine Iesu Mak ei niage 14:6 ပူးပေါင်းရင်းမြစ်များ

Matiu 26:10

Iesu ei muada a inade mine sou, mei vei le sou maido, “Posa matina amutou bilii a mavaana usino na tavine ie? Ei goligoli a inigogona doana sele usinani minau.

Malongolongona Kubaana mine Iesu Mak ei niage 14:5

Mane eitou masosove ieli, eitou mapigogoi neitou guale a vatu denarii savulu sobo tolu ma gegena me neitou bilii e sou a kapelabe.” Me sou sinoa ane tavine do.

Malongolongona Kubaana mine Iesu Mak ei niage 14:7

Taliuliu sou a kapelabena vanunua ne sou muina pilu e amutou. Sei malada amutou isa a masagana buloine sou, de ne amutou buloi e sou. Moni eau na ma malu pilu oto e amutou taliuliu.

Aposel 9:36

Ne Iopa a tavine disaipel tasa ino, aisana e Tabita. Na inade Grik sou vate e Dokas. Taliuliu ei goli a inigogona kubaana, me ei buloiloi a vanunua ma tavivine sou boto a golugolu.

2 Korin 10:18

Eitou muada, bibi ei masalai ei me ei beilange a aisane ei oto, bibi iedo ei ma isa oto a aisa na matane Salemo. Boa. Mane Bibi Taula ei beilange a aisana bibi tasa, bibi moni iodo ei isa a aisa ivu.

2 Korin 9:8

Me Salemo ei mapigogoi ni bilii a golu doana vuso usino ne amutou, me taliuliu ne amutou isa a golugolu makuba sele, maido amutou mapigogoi namutou goli a golugolu vuso i doana.

Epesus 2:10

Eitou a malasana vanunua Salemo i mapale. Lilo ne Krais Iesu, Salemo ei mapale eitou a vanunua ma tavivine i alaba, neitou goli a pipigona kubaana, lisa e Salemo ei masusuliosi ane eitou.

Kolosi 1:10

Maido me amutou mapigogoi namutou malu na maulina mine Bibi Taula e Iesu, me ne amutou toe mongemonge e Salemo na inigogona vuso, me ne amutou goli a matana pipigona kubaana makuba, me ne amutou muada e Salemo, ma muadana iedo ni palea buo lou taliuliu.

2 Tesalonaika 2:17

Me amiteu kake sulu ne sulu masagali a lilone amutou, me ne sulu buloi e amutou mu ogomuli iiti a inigogona vuso ma gunolina inade i doana.

1 Timoti 5:10

mei isa a aisa maido, ei a tavine na gunolina matamatana pipigona i doana tomane itealena kube e natatune ei, ma biliina gona inani ma golu sanii usino na mosimosi, me loloina ubune sou a kristen, ma buloine sou a vanunua ma tavivine sou isa a mavaana, ma gunolina matamatana pipigona sanii i doana. O no niage moni a aisana matana buasasu simaido.

1 Timoti 6:18

Ne sou goli a inigogona papaina i doana mina buloine sou a vanunua ma tavivine sanii. Taliuliu ne sou bilii a golugolu papaina usino ne sou a kapelabe me ne sou goli a inigogona patotona mina toekubene sou sanii.

2 Timoti 2:21

Maido me mane a bibi tasa ei taulele a matamatana inigogona pagupagu ie me ei palea maolo na matane Salemo, io ei ni muina tomane a taogo mina pipigona doana sele. Ei ni muina a bibi ivu mine Salemo, me ei mapigogoi ni pipigo ane Bibi Taula minei. Ei ni masusulu a matamatana pipigona vuso i doana.

2 Timoti 3:17

Maido ma inade li ei toe eitou a vanunua ma tavivine mine Salemo me neitou guale iiti a inigogona vuso i doana, me ei toe eitou masusulu a pipigona vuso i doana.

Taitus 2:14

Krais ei iabitasesi a maulina minei oto mina gualeliune eitou maino na matamatana inigogona pagupagu vuso, me neitou malu maolo sele, me neitou ugu a abuna vanunua ma tavivine minei oto, me neitou pipigo sagali a inigogona doana vuso.

Taitus 2:7

Na golugolu vuso oo goligoli, oo oto no maite e sou a inigogona kubaana moni ne sou ite a inigogona minio me ne sou ogomuli. Na pipigona minio o matetengi e sou a vanunua ma tavivine, o no ma aualala lou ane sou, mo no ma adeginelenele lou ma toevautautana maisaba. Boa.

Taitus 3:14

Eitou a vanunua ma tavivine mine Salemo neitou guale a inigogona doana mina buloine sou a vanunua ma tavivine sou boto a golugolu, dae ne eitou kristen ugu sabubu me eitou ma ogomuli ete a inigogona mine Salemo.

Taitus 3:8

Inade ieli ei patotona. Maido me eau kale no veimuade sagali a inade iede usino ne sou a vanunua ma tavivine sou silimuli e Salemo ne sou pipigo sagali a inigogona doana. Matana inigogona maido ei buloiloi a vanunua ma tavivine, me ei a golu ivu.

Hibru 10:24

Eitou tastasa neitou damutale tamai a vanunua ma tavivine sanii mine Salemo, me neitou poge a vea mina mailisine sou a inigogona kinale ma inigogona doana usino ne sou sanii.

Hibru 13:21

ei ni goli a inigogona doana vuso ni palea na maulina mine amutou, i mapigogoi namutou ogomuli ivu a masagana minei. Na pipigona mine Iesu Krais, ei ni toe eitou vuso neitou guale a inigogona vuso ei oto ei kale. Me taliuliu taliuliu eitou vuso neitou bilii e Iesu a aisa buo. Moliana.

1 Pita 2:12

Amutou namutou asu bilesi balivua mine sou a vanunua sou ma muada oto e Salemo. Mane amutou goli maido, vanunua ne sou adegegeli e amutou, moni mulimuli ne sou ite a inigogona doana mine amutou, me ne sou beilange a aisane Salemo na malada ei ni asu usinani.