Malongolongona Kubaana mine Iesu Mak ei niage 14:14 - Laulau na Vinalu mine Salemo

¹⁴ Mane amulu ite ei gali ulilo na luma tasa, amulu vei ana tamana luma maido, ‘Bibi na matetengina ei tagu, “Vilo minau ino iva ne eau pilu e sou a disaipel minau namiteu aani a inani mina Malada na Asuleletasena?”’

Malongolongona Kubaana mine Iesu Mak ei niage 14:14 ပူးပေါင်းရင်းမြစ်များ

Malongolongona Kubaana mine Iesu Mak ei niage 10:17

Na ilala Iesu ei asuasu, a bibi tasa i vele maino mei totopatulu ane ei mei tagi e ei maido, “Magiligilina kubaana, eau na goli a sava me na guale a maulina i kubaana taliuliu taliuliu?”

Malongolongona Kubaana mine Iesu Mak ei niage 11:3

Mane a bibi tasa ei tagi e amulu, ‘Posa matina amulu guale a donki usino?’ Ne amulu adeliu a inade maido, ‘Bibi Taula, ei isa a pipigona a donki ie, maido me ei ni iabi liu usinani.’”

Malongolongona Kubaana mine Iesu Mak ei niage 14:13

De Iesu ei peltase a disaipel lua usino mei vei le sulu maido, “Amulu asu ulilo na aubu buobuo. Me a bibi tasa ei tabulebule a taogo na nanu taula, amulu ni poge ei na vea. Amulu ogomuli e ei.

Malongolongona Kubaana mine Iesu Mak ei niage 14:15

Me ei ni maite e amulu a vilo tasa buo ino muata, a poso ma niugugu ma golugolu ino masusuluosi. Amulu masusulu a inani mine eitou na vilo iedo.”

Malongolongona Kubaana mine Iesu Luk ei niage 22:11

Me ne amulu vei le tamana luma do maido, ‘Bibi na matetengina ei tagi e oo, “Vilo ive ne eau pilu a disaipel minau namiteu ani a gona inani mina Malada na Asuleletasena?”’

Ioanes 11:28

Marta i vei maido, me ei veteliu me ei tole tasina e Maria. Me ei ade pakisikisi na tagilane Maria maido, “Bibi na matetengina ei divi me ei eili, me ei kale ni ite oo.”

Ioanes 13:13

Amutou tole eau a bibi na matetengina ma Bibi Taula. Ei patotona simaido. Eau oto a bibi na matetengina me eau Bibi Taula mine amutou.

Inade i Ovu 3:20

Longe, eau magili na tema mea lalaba. Mane a bibi tasa ei longe eau mei pee a tema, io eau na gali ulilo mea na aani pilu e ei, me ei ni aani pilu e eau.