Matiu 27:56 - Laulau na Vinalu mine Salemo

⁵⁶ Tasa balivua ne sou e Maria mine Makdala. Me tasa e Maria, tinane Iemus me Iosep. Me tasa ei e tinane natune Sebedi lua.

Matiu 27:56 ပူးပေါင်းရင်းမြစ်များ

Matiu 13:55

Eitou muada, bibi ieli ei e natuna bibi na gagatuna tasa, me Maria ei e tinane ei. Me Iemus, Iosep, Saimon me Iudas sou e tatasine ei.

Matiu 27:61

Maria mine Makdala pilu e Maria tasa sea, sulu ugu agavuale a muina minate.

Matiu 28:1

Maolona Malada mine sou e Iuda ei pulosi, me na autupola siisii sele mina munugana malada na wik, Maria mine Makdala pilu e Maria tasa sea sulu asu usino ne su ite a muina minate.

Malongolongona Kubaana mine Iesu Mak ei niage 15:47

Maria maino Makdala pilu e Maria, tinane Ioses, sulu ite a muine Iesu sou tau i.

Malongolongona Kubaana mine Iesu Mak ei niage 16:9

Iesu ei ilisi na autupola siisii na munugana malada. Me ei palea pala ane Maria maino ne Makdala. A tavine iedo lisa Iesu ei tauleletase a nunu pagu padilua ino ne ei.

Malongolongona Kubaana mine Iesu Luk ei niage 24:10

Tavivine sou bilii a inade do usino ne sou a aposel, ede Maria mina aubu Makdala me Ioana me Maria, ei e tinane Iemus, ma tavivine sanii sou ino pilu e sou.

Malongolongona Kubaana mine Iesu Luk ei niage 8:2

Ma tavivine sanii, lisa Iesu ei taulele a nunu pagu mei toekube a sinobe mine sou sou tamai pilu e Iesu. Me Maria, sou tole ei Maria mina aubu Makdala, lisa Iesu ei taulele a nunu pagu padilua ne ei,

Ioanes 19:25

Tinane Iesu pilu e tasine ei, me Maria, ei e susune Klopas, me Maria mine Makdala, sou a tavivine do sou magili ino agavuale a tauvaleuti ne Iesu.

Ioanes 20:1

Na munugana malada na wik, Maria ne Makdala ei asu usino na muina minate mina autupola siisii sele, ei saboa tunuui sapa. Mei ite a vatu sou bulilelesi na tema na muina minate.

Ioanes 20:18

De Maria mine Makdala ei asu, me ei vei ane sou a disaipel maido, “Eau itesi e Bibi Taula.” Me ei vei ane sou a inade Iesu i vei le ei iodo.