Matiu 27:12 - Laulau na Vinalu mine Salemo

¹² Me sou a munugana prist pilu e sou a vanua buobuo sou ubi a inade papaina usino ne Iesu. Moni ei ma maliu ete a inade tasa.

Matiu 27:12 ပူးပေါင်းရင်းမြစ်များ

Matiu 26:63

Moni e Iesu ei ma goli ete a inade tasa. Ma mapana prist ei vei lei, “Eau tagi e oo na aisane Salemo ei isa a maulina, oo no ade ivu seidei. Oo e Krais, Natune Salemo, ue boa?”

Matiu 27:13

Maido me Pailat ei tagi e ei lou maido, “Nane oo ma longe ete a inade vuso sou ubi e oo?”

Matiu 27:14

Me Iesu ei ma maliu ete a inade tasa usino ne Pailat. Maido me Pailat ei damutatala papai.

Malongolongona Kubaana mine Iesu Luk ei niage 23:9

Maido me Herot ei tagi e Iesu a inade makuba. Moni Iesu ei ma maliu ete a inade tasa usino ne ei.

Aposel 8:32

A maduna laulau ei gigi iedo, ei isa a inade maido, “Ei asebuu moni tomane a sipsip sou guale usino ne sou valipute, me tomane a natatuna sipsip sou kale ne sou oove a aivune sou.

1 Pita 2:23

Sou adegegeli e ei, moni ei ma maliu ete a inade pagu usino ne sou. Ei tabule a davutina, moni ei ma goli ete a inade mina toegegeline sou. Boa. Ei tau e ei oto na limane Salemo i vilemuliale bilesi a golugolu vuso.