Matiu 26:74 - Laulau na Vinalu mine Salemo

⁷⁴ Io seido Pita ei vei maido, “Ivu uata, eau ma muada oto a bibi ie. Mane eau auala Salemo, ei ni bilii e eau a mavaana” Ei adesi, ma tabaa oto a kuleko ei tangi.

Matiu 26:74 ပူးပေါင်းရင်းမြစ်များ

Matiu 10:28

Amutou ma laelae lou a vanua sou valipute a vovo, moni sou ma mapigogoi ete ne sou valipute a nunune amutou. Amutou namutou lae moni e Salemo. Ei moni mapigogoi ni valipute a vovo, mei toegegeli a nunu na aubu na davutina.

Matiu 26:34

Me Iesu ei vei lei maido, “Eau ade patotona le oo, seidei na lodo ieli, ilala a kuleko i saboa tangi, oo no vei matolu maido oo ma muada oto e eau.”

Matiu 26:73

Mulimuli sapa vanunua sou magili agavi, sou asu maino me sou vei le Pita maido, “Ivu sesele, oo a bibi mina abuna mine sou. Baligolumu ei mapalesi e oo.”

Matiu 26:75

Me Pita ei damutale lei a inade Iesu ei goli iedo, “Ilala a kuleko i saboa tangi, oo no vei matolu maido oo ma muada oto e eau.” Me Pita ei asu usala mei papaduale sele a tinangina.

Matiu 27:25

Me sou vuso a vanunua ma tavivine sou adeliu maido, “Sinusu odo ei ni muina ne amiteu me ne sou e natatune amiteu!”

Malongolongona Kubaana mine Iesu Mak ei niage 14:30

Me Iesu ei vei lei maido, “Eau vei patotona lio, seidei na lodo ieli, a kuleko ei saboa tangi malua, oo no vei matolu maido oo ma muada oto e eau.”

Malongolongona Kubaana mine Iesu Mak ei niage 14:68

Moni e Pita ei vei maido, “Boa. Eau ma muada oto a inade oo goli iede.” Me ei gali usala agavuale a tema na luma. Ma kuleko tasa i tangi.

Malongolongona Kubaana mine Iesu Luk ei niage 22:60

Moni e Pita ei vei, “Bibi, eau ma muada oto a inade oo vei.” Ei saboa ino adeade, saga i a kuleko i tangi.

Ioanes 18:27

Me Pita ei ade lou, “Boa.” Me na matailala bilesi iodo, a kuleko i tangi.

Laulau Pol ei niage usino ne sou e Rom 9:3

Eau kale mamai sele Salemo ni gualeliu e sou tamtamaigu, sou a abune tubutubune Iekop. Maido mane Krais mapigogoi ni ogomuli a masagana minau, eau na kaka me na tagi e ei ni taulele eau maino na abuna minei, ne tamtamaigu ne sou puisobe a muigu me ne sou guale a maulina.

1 Korin 16:22

Mane a bibi tasa ei ma kale ete ni bilii a lilone ei usino ne Bibi Taula, io ei ni mamau. Asu usinani, oo Bibi Taula!

Inade i Ovu 3:19

A vanua sanii eau kale, io eau ade papai ane sou mea toebilelesi a inigogona mine sou. Maido me oo no sagali a toebilelesina inigogomu, me oo no sauvule a lilomu.