Matiu 26:29 - Laulau na Vinalu mine Salemo

²⁹ Eau vei le amutou, eau na ma ini ete a vain soke seidei asu pea na malada eau na ini a vain alaba pilu e amutou lilo na aubu na munonge mine Euma.”

Matiu 26:29 ပူးပေါင်းရင်းမြစ်များ

Matiu 13:43

Na ilala iedo sou a bilesina vanunua ma tavivine ne sou silida tomane a oaso lilo na niitealalena mine Tamane sou. Bibi ei isa a tagilana ei ni longe a inade ie.

Matiu 16:28

“Eau vei ivu sele le amutou, vanunua sanii sou magili ie ne sou ma mate oolo oto. Me ne sou ite e Natuna Bibi ni asu usinani tomane a mapana.”

Matiu 18:20

Mane a bibi lua ue tolu sou viepilu na aisagu, eau oto eau ino balivua ne sou.”

Matiu 25:34

“Io mapana ei ni vei le sou a vanunua ma tavivine ino na limane ei e gata maido, ‘Amutou isa a maibalavana mine Euma. Amutou asu usinani mu guale a maulina doana Euma ei masusulu mei vilealesi mine amutou soke na ilala magamaga i palea.

Matiu 26:28

Ielili ei a dalagu mina magilipiluna. Eau singi mina taulelena sinusu mina vanunua ma tavivine makuba.

Matiu 26:30

Io sou ale a inala tasa, me sou asu usino na loena e Oliv.

Matiu 28:20

Me mu matetengi e sou a ogomulina inade vuso eau bilii e amutou. Eau vei ivu sele, eau na pilu e amutou na maladalada vuso i asu mapigogoi na punuluna malada.”

Malongolongona Kubaana mine Iesu Mak ei niage 14:25

Eau vei patotona le amutou, eau na ma ini ete a vain lou mapigogoi a malada eau na ini a vain alaba lilo na niitealalena mine Salemo.”

Malongolongona Kubaana mine Iesu Luk ei niage 12:32

“Amutou a abuna sipsip bainini, moni amutou ma laelae lou. Tamane amutou ei mongemonge ni bilii a niitealalena minei usino ne amutou.

Malongolongona Kubaana mine Iesu Luk ei niage 15:32

Moni eitou neitou maimonge, ma lilone eitou ni kubaana, vuna maido tasimu ie ei matesi, moni ei mauli lou. Ei bualesi, moni eitou poge lei e ei.’”

Ioanes 15:11

Eau veiosi ane amutou maido, munongena minau ni muina ne amutou, me na munongena ieli ei ni vonu sele na lilone amutou.

Ioanes 16:22

Tomane moni, seidei amutou lilobuu. Moni eau na ite lei e amutou, ma lilone amutou ni mongemonge. Ma bibi tasa i ma mapigogoi ete ni taulele a munonge mine amutou odo.

Ioanes 17:13

Seidei eau asu usino minio. Me eau vei a inade vuso li na malada eau saboa ino na magamaga ie, mina munonge minau ni vonu sele na lilone sou.

Aposel 10:41

Moni ei ma palea oto ne Iuda vuso. Boa. Ei palea ne amiteu a vanunua lisa Salemo vileale mina veipalena inade minei. Ma ilala ei ilisiliuosi na muina minate, amiteu aani me amiteu inu pilu e ei.

Hibru 12:2

Neitou gemuale e Iesu, ei a vuna silimulina mine eitou, mulimuli ei ni toesesele ivu a silimulina mine eitou. Ei muada kuba sele maido, mane ei ogomuli a inade mine Salemo, mulimuli a munongena ni palea le ei. Maido me Iesu ei tabule a tauvaleuti me ei guale a maelana buo. Moni e Iesu ei ma lilobuu oto a maelana ei ni guale, me ei magili sagali a minate. Maido me seidei ei ugu na lima gata mina niugugu a mapana mine Salemo.

Inade i Ovu 14:3

Sou a vanunua ma tavivine do sou magili na laguna niugugu a mapana mine Salemo me na matana golu iva ino mauli me na matane sou a vanua buobuo, me sou ale a inala tasa alaba. Vanunua ma tavivine savuluvulu savulu sobo tasa timana savuluvulu savulu iva timana savuluvulu iva (144,000) Salemo ei oliliuale sou balivua ne sou a vanunua ma tavivine mina magamaga, sou moni mapigogoi ne sou guale a muadana mina inala do. Ma bibi tasa lou boasi ni guale a muadana ie.

Inade i Ovu 7:17

Vuna maido, Natuna Sipsip ei ino balivua sele na niugugu a mapana, ei ni muina a bibi na niitealalena mine sou. Ei ni maasi e sou usino na aopu na nanu, ede a nanu mina biliina maulina.’ Me ‘Salemo ei ni saveitagase a matananu ne sou vuso, me ne sou ma tangi lou oto.’”