Matiu 24:29 - Laulau na Vinalu mine Salemo

²⁹ “Ilala mina mavaana buo sou ieli i pulu, ‘io saga i a oaso ni palea tunuui, ma game ni ma silida oto lou, ma mataidoido ne sou ilisitase a langi me sou pu utano, ma golugolu sou sagali ino na langi ne sou palili.’

Matiu 24:29 ပူးပေါင်းရင်းမြစ်များ

Matiu 24:21

Vuna na ilala do a mavaana ni buo sele. Soke na ilala magamaga i palea i asu mapigogoi seidei, matana mavaana maido ei ma palea oto lisa. Me mulimuli tamai a matana mavaana maido ei ni ma sibitala lou oto.

Matiu 24:8

Golugolu vuso ieli ei tomane a davutina ei palea pala na tavine ei ni vasusuale a bibaini.

2 Pita 3:10

Moni a malada mine Bibi Taula ni palea tomane moni a bibi na paaalina ei asuasu maino. Na malada do langi ni tupaulu buo mei ni buale vuso. Me sou a golu banini vuso Salemo i mapale na magamaga, oavi ni tununi e sou me ne sou pulu. Maido ma magamaga pilu a golugolu vuso sou ino ne ei, ne sou buale vuso.

Inade i Ovu 8:12

Io a maivana bineanea ei pusi a tuai minei, me sou toegegeli a maduna oaso tasa mina maduna tolu ma maduna game tasa mina maduna tolu ma maduna tasa mina maduna tolu mine sou vuso a mataidoido. Ma avena tasa mina avena tolu mine sou ei palea tunuui, maido ma maduna tasa mina maduna tolu mina oaso me mina lodo ei ma isa oto a muada.