Malongolongona Kubaana mine Iesu Luk ei niage 9:23 - Laulau na Vinalu mine Salemo

²³ Me ei ade ane sou maido, “Mane a bibi tasa ei kale ni ogomuli e eau, de ei ni taupui a masagana minei oto, me ei ni tabule a tauvaleuti minei na malada vuso, me ei ni ogomuli e eau.

Malongolongona Kubaana mine Iesu Luk ei niage 9:23 ပူးပေါင်းရင်းမြစ်များ

Laulau Pol ei niage usino ne sou e Rom 8:13

Mane amutou ogomuli a inigogona mina lilomumuguna lisa, ne amutou mate. Moni mane na sagalina mina Maolona Nunu amutou valiputemate sou a inigogona mamau mina vovo, de ne amutou mauli.

Kolosi 3:5

Maido me namutou valiputemate a inigogona vuso mina magamaga, ei ino na lilone amutou. Eau ade e sou a matana inigogona maido, sualolona, ma inigogona mumugu, ma liloilisina gunolina inigogona i pagu, ma masagana mina lilomumuguna, ma niisualena. Inigogona mina isualena do, ei a kinakana ane salemo auala.

2 Timoti 3:12

Patotona sele, sou a vanua sou kale ne sou malu pilu e Krais Iesu, ne sou tabule a davutina papaina.

Taitus 2:12

Dinodo mine Salemo ieli ei toe eitou a veletasena inigogona mina lametasene Salemo ma litasena masagana mamau vuso mina magamaga ieli, me ei matetengi eitou a damutatalana kuba ma inasu bilesi. Patotona, eitou eili balivua ne sou a vanunua ma tavivine mina magamaga ie, moni a dinodo mine Salemo ei toe eitou neitou ogomuli a inigogona mine Salemo.

Hibru 13:13

Maidolo me eitou tamai neitou asuale ei usala, me neitou tabule a maelana tomane moni ei tabule.