Malongolongona Kubaana mine Iesu Luk ei niage 7:33 - Laulau na Vinalu mine Salemo

³³ “Vuna Ioanes bibi na maavuvutuna ei maino, me ei ma ani ete a ulalu mei ma inini ete a vain, me amutou vei ve, ‘A nunu pagu ino ne ei.’

Malongolongona Kubaana mine Iesu Luk ei niage 7:33 ပူးပေါင်းရင်းမြစ်များ

Matiu 10:25

Moni mane a bibaini na nilongena matetengina ei palea tomane a bibi na matetengina minei, ei mapigogoi ane ei. Mane a bibi na pipigona ei palea tomane a bibi buo minei, ei tamai mapigogoi ane ei. Sou bilii a aisa e Belsebul ne tamana luma, maido me eitou muada, ne sou bilii a aisa pagu mamau sele lou ne sou a abuna minau.

Matiu 3:1

Na ilala do Ioanes, a bibi na maavuvutuna, ei sibitala. Ei ino na avena a vanua boa ne Iudia, mei malongo ane sou a vanunua ma tavivine.

Matiu 3:4

Ioanes ei kai a kinainai sou goli a aivuna kamel, mei pale a loaloa na aina. Me ei aniani a keadodoo pilu a madu na tibulu.

Malongolongona Kubaana mine Iesu Mak ei niage 1:6

Ioanes ei kai a kinainai sou goli a aivuna kamel mei pale a loaloa na aina. Gona inani minei a keadodoo pilu a madu na tibulu.

Malongolongona Kubaana mine Iesu Luk ei niage 1:15

vuna ei ni isa a aisa buo na matane Bibi Taula. Ei ni ma ini ete a vain ma nanu sagaligali. Ilala ei saboa ino na tiane tinana, a Maolona Nunu ei ni vonu sele ne ei.

Malongolongona Kubaana mine Iesu Luk ei niage 7:32

Sou tomane selebanini sou ugu na muina viepiluna me sou tola ane selebanini sanii sea maido, ‘Amiteu pusi a vivigo, moni amutou ma tilia oto. Me amiteu ala dododo, moni amutou ma tangi oto.’

Malongolongona Kubaana mine Iesu Luk ei niage 7:34

Natuna Bibi ei asu usinani, me ei aani me ei oinu, me amutou vei ve, ‘Oite, a bibi mina anipepeina sele, me a bibi mina niinuna vain mapapaina sele. Ei e tamaine sou a vanua na gualena takis me na vanua na sinusu.’

Ioanes 10:20

Papaina mina vanunua sou vei ve, “Nunu pagu ino minei, me ei vautauta. Posa matina amutou longemuli e ei?”

Ioanes 8:48

Sou e Iuda so adeliu ane Iesu maido, “Amiteu vei ve o a bibi mine Samaria me a nunu pagu tasa ino minio, ei moliana, io?”

Ioanes 8:52

Io sou e Iuda so vei le Iesu maido, “Seidei amiteu muadasi i, a nunu pagu nana na lilomu. Abraham ei matesi, me sou a profet tamai so matesi. Me oo vei, ‘Mane a bibi tasa ei ogomuli kube a inadegu, ei ni ma mapigogoi ete ni mate.’

Aposel 2:13

Moni sanii sou adepintola maido, “Sou inu a vain papaina i alaba me sou matalilili.”