Malongolongona Kubaana mine Iesu Luk ei niage 22:56 - Laulau na Vinalu mine Salemo

⁵⁶ A tavine na pipigona tasa ei ite ei ugu agavuale a oavi, me ei gegemuale ei me ei vei, “Bibi tamai ieli ei muina pilu e Iesu.”

Malongolongona Kubaana mine Iesu Luk ei niage 22:56 ပူးပေါင်းရင်းမြစ်များ

Matiu 26:69

Pita ei ugu masala na muina na vavasana do. Ma tavine na pipigona tasa ei asu agavuale ei mei vei, “Oo tamai oo ino pilu e Iesu mine Galili.”

Malongolongona Kubaana mine Iesu Mak ei niage 14:17

Matavilioliona Iesu ei sibitala pilu a disaipel savulu tasa timana lua.

Malongolongona Kubaana mine Iesu Mak ei niage 14:6

Moni e Iesu ei vei, “Amutou litase a tavine de. Posa matina amutou bilii e ei a mavaana? Ei goli a inigogona kubaana sele usinani minau.

Malongolongona Kubaana mine Iesu Mak ei niage 8:25

Me Iesu ei tau lei a limana na matane ei. Ma bibi iedo ei gegemu sagali, ma matane ei i palea kubaana, mei ite a golugolu vuso i palea muada.

Malongolongona Kubaana mine Iesu Luk ei niage 22:55

Vanunua sou tomi a oavi lilo na bigomu na luma do, me sou ugu pilu. Me Pita ei ugu balivua ne sou.

Malongolongona Kubaana mine Iesu Luk ei niage 22:57

Moni e Pita ei vei maido, “Boa. Tavine, eau ma muada oto e ei.”

Ioanes 18:17

Tavine ei iteale a tema do ei tagi e Pita maido, “Oo tamai o a disaipel tasa mina bibi ie?” Me Pita vei, “Boa. Eau ma disaipel minei oto.”