Malongolongona Kubaana mine Iesu Luk ei niage 1:79 - Laulau na Vinalu mine Salemo

⁷⁹ mina silidaveina vanunua sou malu na tunuui me na nilaena minate. Me ei ni iteale kube a ubune eitou, me neitou asu na vea mina lilomeana.”

Malongolongona Kubaana mine Iesu Luk ei niage 1:79 ပူးပေါင်းရင်းမြစ်များ

Matiu 4:16

Sou a vanunua ma tavivine do sou ugu na tunuui buo, sou itesi a muada taula. Sou a vanunua ma tavivine sou ugu na magamaga tunuui na minate do, a muada ei sibitalasi ne sou.”

Malongolongona Kubaana mine Iesu Luk ei niage 2:32

Ei a muada tasa, me ei ni bilii a muada usino na vanunua mine sou a abuna sea, me ei ni bilii a aisa buo usino ne sou e Israel, iede sou a abuna vanunua ma tavivine minio.”

Ioanes 1:9

A muada ieli ei a muada ivu mei asu usinani na magamaga mei silidavei a vanunua ma tavivine vuso.

Ioanes 12:46

Eau asu usinani na magamaga ieli tomane a muada, mina vanunua vuso sou silimuli e eau ne sou ma ugu oto na tunuui.

Ioanes 8:12

Iesu ei vei ane sou a vanunua ma tavivine lou maido, “Eau oto eau a muada na vanunua ma tavivine na magamaga vuso. Bibi ei ogomuli e eau, ei ma mapigogoi ete ni asu na tunuui. Ei ni isa a muada mina maulina.”

Ioanes 9:5

Ilala eau saboa eili mina magamaga ie, eau oto eau a muada mina magamaga vuso ie.”

Aposel 10:36

Amutou muada a inade Salemo i bilii e amiteu a abuna mine Israel. Ei veipale a malongolongona kubaana maido, Iesu Krais ei e Bibi Taula mina vanunua vuso, me ei toe eitou neitou lilo pilu e Salemo.

Aposel 26:18

me no pee a matane sou, ne sou lametase a tunuui me ne sou sauvule a lilone sou me ne sou asu usinani mina muada. Me ne sou litase a sagalina mine Satan me ne sou asu usinani ne Salemo. Maidolo me eau na taulele a sinusu mine sou, me ne sou guale a mui pilu e sou a vanunua ma tavivine sou silimuli e eau, me ne sou muine sou lilo na abuna vanunua ma tavivine eau vilealesi e sou minau oto.’”

Laulau Pol ei niage usino ne sou e Rom 3:17

Sou ma muada oto a inigogona mina lilomeana pilu e sou a vanunua seasea.”

Epesus 5:8

Lisa amutou ino na tunuui, moni seidei Bibi Taula ei maasi e amutou usino na muada. Maido me namutou malu tomane sou a vanunua ma tavivine mina muada.