Malongolongona Kubaana mine Iesu Luk ei niage 1:53 - Laulau na Vinalu mine Salemo

⁵³ Ei bilii a golu doana papaina usino na vanunua sou vitolo ne sou masu sele. Moni a vanunua sou isa a golu papaina, ei taulele me sou asu sabubu.

Malongolongona Kubaana mine Iesu Luk ei niage 1:53 ပူးပေါင်းရင်းမြစ်များ

Matiu 5:6

Sou a vanunua ma tavivine sou vitolo sele a ogomulina inigogona bilesi, ne sou mongemonge, vuna Salemo ni maaani e sou me sou masu sele.

Malongolongona Kubaana mine Iesu Luk ei niage 1:54

Ei lilomuli a bibi na pipigona minei, e Israel, mei buloi e ei mei damutaletale a adegatunana ei goli le sou e eisusune eitou, mei ni dode taliuliu e Abraham ma abuabuna mine ei.”

Malongolongona Kubaana mine Iesu Luk ei niage 6:21

Amutou a abuna eili mu vitolo seidei, namutou mongemonge, vuna mulimuli namutou masu. Amutou a abuna seidei amutou tangitangi, namutou mongemonge, vuna mulimuli namutou polipoli.

Malongolongona Kubaana mine Iesu Luk ei niage 6:24

“Moni e amutou a vanunua na vuvutina, mavaana buo ei ni palea le amutou. Amutou gualesi a golu mina toekubena lilone amutou.

Ioanes 6:35

Me Iesu ei vei le sou maido, “Eau oto eau a ulalu mina maulina. Bibi ei asuale eau ei ni ma vitolo oto. Ma bibi ei silimuli e eau ei ni ma malou oto.

1 Korin 1:26

Tamtamaigu, namutou damutale a ilala Salemo ei toleale amutou. Papaina mine amutou sou ma tomane ete a vanua na muadana na matane sou a vanua mina magamaga ie. Me papaina mine amutou sou ma isa oto a sagalina. Me papaina mine amutou sou ma asu oto maino ne tamenatatuna sou isa a aisa buo.

1 Korin 4:8

E, amutou vonuosi a golugolu doana amutou kale me amutou isa a golugolu vuso na vuvutina me amutou vululusiosi e amiteu me amutou palea tomane sou a mapana. Eau kale mamai sele namutou palea a mapana ivu, ne amiteu tamai namiteu palea a mapana pilu e amutou.