Kolosi 4:11 - Laulau na Vinalu mine Salemo

¹¹ Me Iesu, sou tole e Iastus, ei tamai ei vei oaso kubaana usino ne amutou. Na abuna mine sou e Iuda, a vanua moni iodo sou pipigo pilu eau mina mailisina niitealalena mine Salemo, me sou buloi kube sele eau me eau mongemonge.

Kolosi 4:11 ပူးပေါင်းရင်းမြစ်များ

Aposel 10:45

Maido me sou a disaipel mina abuna ne Iuda sou asu usinani pilu e Pita, sou saga mamau me sou vei maido, “Oite. Salemo ei bilii a Maolona Nunu tomane a niabi usino na vanunua ma tavivine mina abuna sea tamai.” Me Pita ei vei maido,

Aposel 11:2

Na ilala Pita i asu usino ne Ierusalem, a abuna disaipel sou sagali a ogomulina inigogona munogena, sou sinoa ane ei.

Laulau Pol ei niage usino ne sou e Rom 16:3

Namutou vate oaso minau usino ne Prisila me Akila, sulu pipigo pilu e eau a pipigona mine Krais Iesu.

Laulau Pol ei niage usino ne sou e Rom 4:12

Me ei e tubuna tamai mina vanua sou moge, iede a vanua sou ma moge sabubi ete. Boa. Sou moge, me sou ogomuli tamai a inigogona mine tubune eitou Abraham me sou silimuli e Salemo, tomane Abraham ei goli na ilala ei saboa moge.

2 Korin 6:1

Amiteu pipigopigo pilu e Salemo me amiteu ade sagali ane amutou maido, “Amutou gualesi a dinodo mine Salemo, dae ne amutou litase sabubi a dinodo minei.”

Epesus 2:11

De ne amutou damutale kube, lisa amutou a vanunua mina abuna sea. Sou a abuna mine Iuda, sou tole sou oto a vanunua na munoge, sou vate e amutou maido, “Vanunua sou ma mogemoge ete.” Moni ieli sou moge moni a vovone sou, a lilone sou boa.

Pilipai 4:3

Me oo, o tamaigu sele, eitau a pipigona tasa moni, eau tagi e oo, o no buloi a tavine lua ie. Sulu maitamaina pilu e eau, mina pipigona mina veimuadena malongolongona kubaana. Sulu pipigo pilu e Klemen ma vanua sanii, sou tamai so pipigo pilu e amiteu. Aisane sou vuso do, ei ino na laulau na maulina.

Kolosi 4:7

Tikikus ei ni mapamuli ane amutou e eau. Tikikus ei pipigo pilu e eau me ei e tamaine eitou ivu, me ei a bibi na pipigona doana sele mine Bibi Taula.

1 Tesalonaika 3:2

me amilu peltase Timoti ni asuale amutou. Timoti ei e tamaine eitou me ei a bibi na pipigona mine Salemo mina malongona a malongolongona kubaana mine Krais. Amilu peltase ei usino ni masagali e amutou me ni buloi e amutou na silimulina mine amutou,

1 Tesalonaika 3:7

Tamtamaigu, amiteu longe maido amutou silimuli sagali sele, me iede ei toesagali a lilone amiteu na mavaana ma davutina vuso amiteu tabulebule.

Taitus 1:10

Vanunua makuba mina viepiluna kinaka mine Krit sou saukikiki a inade ivu. Sou veivei a inade sabubu makuba, me sou auala ana damutatalana mine sou a vanunua. Abuna buo mina vanunua ieli, ede sou a vanua mina abuna e Iuda, abuna sou odo sou sagali a munogena.

Pilemon 1:1

Eau e Pol, eau eili na luma na tunuui ane Krais Iesu. Eau pilu e tamaine eitou e Timoti, amilu niage a laulau ieli usino ne oo e Pilemon, oo tamaine amiteu sele ma pipigona minio tasa moni pilu e amiteu.

Pilemon 1:24

Tamtamaigu mina pipigona minau, e Mak, Aristakus, Demas me Luk, sou tamai sou sove a oaso doana usino ne oo.