Iudas 1:21 - Laulau na Vinalu mine Salemo

²¹ Namutou malu lilona kinale mine Salemo. Me taliuliu namutou magitali a dinodo mine Bibi Taula mine eitou Iesu Krais, ei ni bilii e amutou a maulina ivu i muina taliuliu taliuliu.

Iudas 1:21 ပူးပေါင်းရင်းမြစ်များ

Ioanes 1:17

Salemo ei bilii e eitou a binea minei na limane Moses. Moni ne Iesu Krais eitou guale a dinodo pilu a inigogona patotona.

Ioanes 14:21

Sei bibi ei guale a binea minau mei ogomuli iiti ei kale sele eau. Ma sei bibi ei kale eau, Euma tamai ni kale ei. Me eau tamai ea na kale ei, me eau na maite e ei e eau oto.”

Aposel 11:23

Ei asu sibitala me ei ite maido Salemo ei buloi e sou me ei toekube sele sou, me ei mongemonge. Ei mailisi a damutatalana mina vanunua ma tavivine ne sou ogomuli e Bibi Taula taliuliu.

Laulau Pol ei niage usino ne sou e Rom 5:21

Inigogona mina sinusu ei mapale a minate, me na inigogona ieli sinusu ei palea tomane a mapana. Moni seidei dinodo mine Salemo i eili tomane a mapana. Na pipigona mine Bibi Taula mine eitou, Iesu Krais, Salemo i dode eitou me ei vate e eitou a bilesina vanunua ma tavivine me eitou guale a maulina i muina taliuliu taliuliu.

Laulau Pol ei niage usino ne sou e Rom 5:5

Mane eitou magitali e Salemo ni buloi e eitou, de eitou ma magitali sabubi ete. Boa. Salemo ei biliiosi e eitou a Maolona Nunu, mina Maolona Nunu ieli ei kale mamai sele eitou.

Laulau Pol ei niage usino ne sou e Rom 6:23

Mapana sinusu ei a minate moni, moni a niabi mine Salemo ei a maulina taliuliu taliuliu maino ne Iesu Krais, Bibi Taula mine eitou.

Laulau Pol ei niage usino ne sou e Rom 8:39

ue a golu muata ue a golu matano, ue a golugolu sea nana maisaba, sou vuso do sou ma mapigogoi ete ne sou magilisobe a masagana mine Salemo usinani ne eitou, a masagana edo ei bilii e eitou maino ne Krais Iesu, Bibi Taula mine eitou.

2 Korin 13:14

Eau kaka maido, Bibi Taula Iesu Krais ei ni dode amutou, me Salemo ni bilii a lilone ei usino ne amutou, ma Maolona Nunu ni toe amutou vuso ne amutou lilo tasa ivu.

2 Tesalonaika 3:5

Amiteu kake Bibi Taula ni muge a damutatalana mine amutou, me ne amutou muada ivu a kinalena mine Salemo ma magili sagalina mine Krais.

1 Timoti 1:2

Timoti, oo natugu ivu lilo na silimulina mine Krais, eau niage a laulau ieli usino minio. Salemo Tamane eitou pilu e Krais Iesu Bibi Taula mine eitou, ne sulu dode me lilomuli e oo, me ne sulu bilii e oo a lilomeana.

2 Timoti 1:16

Eau kake e Bibi Taula ni lilomuli e Onesiporus pilu e sou minei. Mapapaina, Onesiporus ei toekube a lilogu. Me ei ma maela oto e eau na ilala eau ugu na luma na tunuui.

2 Timoti 1:18

Eau kake Bibi Taula ni lilomuli ei na malada na vavasana buo mine Salemo. Me oo muada kuba i maido, Onesiporus ei buloi e eau mapapaina ne Epesus tamai.

2 Timoti 1:2

Timoti, oo natugu ivu, eau niage a laulau ieli usino ne oo. Salemo Tamane eitou pilu e Krais Iesu Bibi Taula mine eitou, ne sulu dode oo me ne sulu lilomuli e oo me ne sulu bilii e oo a lilomeana.

2 Timoti 4:8

Seidei a kele mina bilesina ane a bibi ei vululusi a vinele ei masusuluosi mei magitali a muina. Bibi Taula ei ogomuli moni a inigogona bilesi, me ei vivileale a inigogona mine sou a vanunua ma tavivine, me na Malada buo minei mina vavasana, ei ni bilii a kele iedo usinani minau. Ei ni ma bilii ete eau vululu moni. Boa. Ei ni bilii e sou a vanua sou kale mamai sele ne sou ite ei, me sou magitali e ei ni sibitala.

Hibru 9:28

Eitou muada maido, Krais tamai ei bilii e ei oto usino ne Salemo matasa moni tomane a niabi mina tabulena mavaana mina sinusunusu mina vanunua ma tavivine makuba. Me mulimuli ei ni palea maluanai, moni na ilala do ei ni ma asu oto mina tabulena sinusu. Boa. Ei ni asu usinani mina gualeliune sou a vanunua sou magitalitali e ei.

2 Pita 3:12

Na inigogona ieli namutou magitali a malada mine Salemo ni palea, me namutou pipigo sagali a malada do ni palea asi. Na malada moni iedo langi ni lulu mei ni pulu, ma tivulana oavi buo ni aani a golu banini vuso Salemo ei mapale na magamaga ma langi, me ne sou palea nanu sabubu.

1 Ioanes 4:16

Maido me eitou muada me silimuli sagali maido, Salemo ei kale sele eitou. Salemo oto ei a vuna inigogona kinale sele. Ma bibi ei kalekale sele sou sanii sea, ei valitole e Salemo, me Salemo ei valitole e ei.

1 Ioanes 5:18

Eitou muada, vanunua vuso sou natatune Salemo, sou ma ogomulimuli ete a inigogona sinusu. Boa. Salemo ei iteale kube a bibi ei e natuna, me Satan ei ma mapigogoi ete ni lapitole ei.

1 Ioanes 5:21

Amutou natatugu, amutou namutou bulagetase sou a salemo auala.

Iudas 1:1

Eau e Iudas, eau a bibi na pipigona mine Iesu Krais, me eau e tasine Iemus. Eau niage a laulau li usino ne amutou a vanunua ma tavivine Salemo i toleale. Salemo Tamane eitou ei kale sele amutou, me Iesu Krais oto ei itealale amutou.

Iudas 1:22

Namutou dode a vanunua sou damutala papaipai.

Iudas 1:24

Salemo ei mapigogoi ni iteale kube amutou ne amutou ma bosa oto. Ei mapigogoi ni guale amutou usino ne amutou ugu masae na malasana minei, ne amutou ma isa oto a mavaana, ne amutou isa a munonge buo sele moni.

Inade i Ovu 12:11

Tamtamaine eitou sou guale a sagagalina maino na dalane Natuna Sipsip ma inade mine sou so veipale i. Me Satan ei kale ni valiputemate sou, moni sou ma mailengi ete a maulina mine sou. Na inigogona do sou vululusi a maubina me sou taupui e Satan.