Ioanes 8:43 - Laulau na Vinalu mine Salemo

⁴³ Moni posa matina amutou ma muada kuba oto a inadegu? A vuna golu ieli ei maido, amutou ma mapigogoi ete ne amutou longemuli a inadegu.

Ioanes 8:43 ပူးပေါင်းရင်းမြစ်များ

Matiu 13:15

Lilone sou a abuna vanunua ma tavivine do ei sobosi, ma tagilane sou ei bale a nilongena inade, me sou tabesobesi a matane sou, dae a matane sou ei ni ite a golu tasa, ma tagilane sou i ni longe a inade, ma lilone sou ei ni muada a vuna inade, me ne sou sauvule a lilone sou me ne sou veteliuale eau, me eau na toe sou palea kuba lou.’

Ioanes 5:25

Patotona sele eau vei ane amutou, ilala ei kale ni palea, seidei ei paleasi, me sou a vanunua ma tavivine sou mamatesi ne sou longe a baligolune Natune Salemo, me sou so longe, ne sou guale a maulina.

Ioanes 5:43

Eau asu usinani na aisane Euma, me amutou ma guale ete eau. Moni mane a bibi tasa i asu usinani na aisane ei oto, namutou guale e ei.

Ioanes 6:60

Papaina mine Sou a disaipel sou longe a inade ne Iesu iedo, me sou ade maido, “Inade ielili ei mavaa sele. Sei mapigogoi ni longemuli?”

Ioanes 7:17

Mane a bibi tasa ei kale ni ogomuli a masagana mine Salemo, ei ni muada a inade ieli maino ne Salemo, ue ei palea moni na damutatalana minau oto.

Ioanes 8:27

Sou ma muada oto ve Iesu ei adeade ane sou e Tamana,

Ioanes 8:33

Me sou vei liu ana maido, “Amiteu a abuna mine Abraham. Na malada tasa amiteu ma vanua na pipigo sabubu otosi. Moni, posa matina o vei, ‘Namutou palea malamala?’”

Ioanes 8:39

Sou e Iuda so longe a inade ne Iesu, me sou adeliu maido, “Tubune tamane amiteu e Abraham.” Me Iesu ei vei le sou, “Mane ei moliana amutou e tubutubune natatune Abraham, io ne amutou goli a inigogona tasa moni tomane Abraham ei goli.

Aposel 7:51

Me Stiven ei vei le sou a vanunua na avelulusena inade lou maido, “Amutou a vanunua na toevautautana. Lilone amutou ma damutatalana mine amutou ei sobo tomane a vanunua mina longetasena binea. Ma tagilane amutou i sobo me amutou ma muada oto a longemulina inade mine Salemo. Taliuliu amutou saukiki a inade mina Maolona Nunu, tomane tubutubune amutou sou goli lisa.

Laulau Pol ei niage usino ne sou e Rom 3:11

Bibi tasa boa ei isa a muadana doana. Tasa eili boa ei tilotilo e Salemo.