Ioanes 5:38 - Laulau na Vinalu mine Salemo

³⁸ Ma inadene ei tamai ma muina oto na lilone amutou, vuna maido amutou ma silimuli ete a bibi e Tamana i peltase ei usinani iedo.

Ioanes 5:38 ပူးပေါင်းရင်းမြစ်များ

Ioanes 1:11

Ei asu usinani na vuna aubu minei oto, moni sou a abuna minei sou ma guale ete ei.

Ioanes 15:7

Mane amutou muina lilo ne eau, ma inadegu ei muina lilo ne amutou, io ne amutou tagu a sei golu, me ei ni bilii e amutou tomane amutou tagu i.

Ioanes 8:37

Eau muada, amutou a abuna mine Abraham. Moni a inadegu ei ma ino oto lilo mine amutou. Maidolo me amutou kale namutou valiputemate eau.

Kolosi 3:16

Namutou toe a inade mine Krais ni vonu lilo ne amutou. Amutou tastasa ne amutou matetengi e sou a kristen sea, me mu biliilii a damutatalana kuba ma muadana usino ne sou, ne sou goli a inigogona doana moni. Namutou toledadangi e Salemo na lilone amutou, ne amutou ale ane Salemo a inalanala mina Laulau na Inala, me sou a inala mina kinaka, ma inala a Maolona Nunu ei mapale na lilone amutou.

1 Ioanes 2:14

Amutou selebanini, eau niage a inade li usino ne amutou, vuna amutou muadasi e Tamane eitou. Amutou tamatamana, eau niage a inade li usino ne amutou, vuna amutou muadasi a bibi ie ei eili lisa otosi mei mapigogoi seidei. Amutou vanunua alalaba, eau niage a inade li usino ne amutou, vuna amutou isa a sagagalina, ma inade mine Salemo ei vonu sele ne amutou, me amutou vululusi e Satan.