Ioanes 5:18 - Laulau na Vinalu mine Salemo

¹⁸ Sou e Iuda so longe a inade do me sou kale sele ne sou valiputemate e Iesu, vuna ei ma seuti ete a binea mina Maolona Malada moni, boa. Ei vei tamai maido Salemo ei e Tamane ei bilesi. Na inade ieli ei toe ei oto tomane e Salemo.

Ioanes 5:18 ပူးပေါင်းရင်းမြစ်များ

Matiu 12:5

Nane amutou ma gi tamai ete a inade ei ino na laulau mina binea? Ei ade e sou prist sou pope a binea mina Maolona Malada na luma mine Salemo, moni sou ma isa oto a sinusu.

Ioanes 1:19

Ne Ierusalem sou e Iuda sou peltase sou a prist me sou e Livai usino ne Ioanes, me sou asu sou tagi e Ioanes maido, “Oo sei?”

Ioanes 10:30

Me eau pilu e Euma amilu tasa moni.”

Ioanes 10:33

Sou e Iuda sou adeliu usino ne ei maido, “Amiteu ma ubi ete oo a vatu a vuna ieli. O puisobe a muine Salemo, na vuna moni ieli amiteu kale namiteu ubi e oo. Oo a bibi sabubu, moni o vei maido oo oto oo e Salemo.”

Ioanes 14:23

Me Iesu ei adeliu ane ei maido, “Mane a bibi tasa ei kale sele eau, ei ni ogomuli iiti a inade minau. Me Euma ei ni kale a bibi iedo. Me ne amilu asu usino ne ei me nami ugu pilu e ei taliuliu taliuliu.

Ioanes 14:9

Me Iesu ei vei le ei, “Pilip, tabaa selesi eau ugu pilu e amutou, me oo saboa muada e eau? Bibi ei ite eau, ei ite Euma. Posa matina o vei, ‘Maite amiteu e Tamane amiteu?’

Ioanes 19:7

Moni sou e Iuda sou adeliu ane ei maido, “Amiteu isa a binea tasa, ma binea do ei vei maido, bibi ieli ei ni mate. Vuna ei vei ve, ‘Eau e Natune Salemo.’”

Ioanes 5:15

Io a bibi iedo ei asu mei vei le sou e Iuda maido, “Bibi ei toekube eau odo, ei e Iesu moni.”

Ioanes 5:16

Io sou e Iuda so soke a toegegeline Iesu, vuna ei goligoli a matana golu maido mina Maolona Malada.

Ioanes 5:17

Moni e Iesu i adeliu ane sou maido, “Euma ei pipigo taliuliu pea seidei, me eau tamai ea pipigo.”

Ioanes 5:23

mina vanunua vuso sou mapigogoi ne sou beilange a aisane Natuna tomane moni sou beilange a aisane Tamana. Bibi ei ma beilangelange ete a aisane Natuna ei ma beilange ete a aisane Tamana ei peltase ei usinani.

Ioanes 7:1

Na malada sanii mulimuli, Iesu ei gaga lilo na avena ne Galili. Ei ma kale ete ni asu ni gaga lou lilo na avena ne Iudia, vuna sou e Iuda so kale ne sou valipute ei.

Ioanes 7:19

Moses i bilii a binea usino ne amutou. Moni a bibi tasa boa balivua ne amutou ei ogomuli a binea do. Posa matina amutou kale namutou valipute eau?”

Ioanes 8:54

Iesu ei adeliu maido, “Mane eau beilange a aisane eau oto, io aisagu ei a golu sabubu. Moni e Euma, ei beilange a aisagu. Me amutou vei ve ei e Salemo mine amutou.

Ioanes 8:58

Me Iesu ei vei le sou, “Patotona sele eau vei ane amutou, ilala Abraham ei saboa alaposa, eau oto eau eiliosi.”

Pilipai 2:6

Ei e Salemo ivu, moni ei ma damutale ete ei ni muina tasa moni tomane Salemo. Boa.

Inade i Ovu 22:1

Io a bineanea li ei maite eau a nanu tasa buo, iede a nanu mina biliina maulina, ei muada mamau tomane a kristal. Nanu odo ei sali maino na niugugu a mapana mine Salemo pilu e Natuna Sipsip, me ei sali usino

Inade i Ovu 22:3

A inade na toegegelina ei ni ma muina otosi. Niugugu a mapana mine Salemo me Natuna Sipsip ei ni muina na aubu buobuo do. Ma vanunua na pipigona mine Salemo ne sou totopatuliale ei,