Ioanes 3:29 - Laulau na Vinalu mine Salemo

²⁹ Na malada tasa a bibi tasa ei tavui a tavine, de a tavine do ei minei. Me tamaina bibi iodo ei magiligili mei beli a tagilana, ei mongemonge sele na ilala ei longe a baligoluna mina bibi ei taulai iodo. Tomane moni seidei a munonge i vonu na lilone eau.

Ioanes 3:29 ပူးပေါင်းရင်းမြစ်များ

Matiu 22:2

“Niitealalena mina langi ei tomane a mapana tasa ei masusulu a inani buo mina taulaina ane natuna bibi minei.

Matiu 25:1

“Niitealalena mina langi ei tomane a tavivine alalaba savulu tasa sou guale a lam mine sou, me sou asu ne sou pauti a bibi taulai alaba.

Matiu 9:15

Me Iesu ei vei le sou maido, “Mane na ilala bibi tasa ei taulai mei muina pilu e sou minei, ne sou vavae e sou? Boa. Moni mulimuli, na ilala sou guale a bibi na taulaina iedo usinosi, ne sou vavae sou a gona inani.

Malongolongona Kubaana mine Iesu Luk ei niage 15:6

Ma ilala ei veteliu usinani na luma, ei ni toleale tamtamaina me sou so malu agavuale ei, mei ni vei ane sou maido, ‘Amutou mongemonge pilu e eau! Eau pogesi a sipsip minau tasa i buale do!’

Ioanes 15:11

Eau veiosi ane amutou maido, munongena minau ni muina ne amutou, me na munongena ieli ei ni vonu sele na lilone amutou.

Ioanes 16:24

Lisa amutou ma tagu oto a golu tasa na aisagu. Ne amutou tagu, me namutou guale, ma munonge ni vonu sele na lilone amutou.

Ioanes 17:13

Seidei eau asu usino minio. Me eau vei a inade vuso li na malada eau saboa ino na magamaga ie, mina munonge minau ni vonu sele na lilone sou.

Ioanes 3:30

Aisana ni palea buo, ma aisagu ni matano moni.

2 Korin 11:2

Salemo ei isa a masagana sagali sele na vanunua ma tavivine ne sou malu matano ne ei tasa moni, me na inigogona tasa moni eau tamai ea isa a masagana sagali ne amutou ogomuli ivu e Salemo. Eau oto eau matoale amutou ne amutou palea a abuna mine Krais, me eau kale na bilii e amutou usino ne Krais tomane eau langetase a tavine alaba ei maolo usino na bibi ei kale ni tavui e ei.

Pilipai 2:2

Mane maido, de namutou toe a munonge minau ni vonu sele. Amutou vuso namutou lapitole a damutatalana tasa moni, me mu ogomuli a inigogona tasa mina kinale sele ne sou sanii, me a lilone amutou ni tasa moni sele.

1 Ioanes 1:4

Amiteu niage a inade li, ve a munonge mine eitou ni vonu sele.

2 Ioanes 1:12

Ei mapigogoi eau na niage a inade papai lou usino ne amutou, moni eau ma kale ete na niage a inade na laulau tasa. Eau kale na asu usino me na ite amutou, me neitou maiade pilu, me neitou mongemonge sele.

Inade i Ovu 21:9

Io a bineanea tasa ei asuale eau. Ei tasa mine sou a bineanea padilua sou lapitole a taogo padilua sou isa a golu pagu padilua mina mapulina lilotivulana mine Salemo. Ma bineanea ei vei le eau maido, “Oo vele. Eau na maite oo e susune Natuna Sipsip, ei kale ni tavui ei.”