Ioanes 21:22 - Laulau na Vinalu mine Salemo

²² Me Iesu ei adeliu a inade maido, “Mane eau kale ei ni muina mapigogoi na malada eau na veteliu, iede matina ane oo? Oo ogomuli e eau moni.”

Ioanes 21:22 ပူးပေါင်းရင်းမြစ်များ

Matiu 16:24

Me Iesu ei vei le sou a disaipel minei maido, “Mane a bibi tasa ei kale ni ogomuli e eau, io ei ni taupui a masagana minei oto, me ei ni tabule a tauvaleuti minei mei ogomuli e eau.

Matiu 24:27

Amutou muada, ilala sima ei silida, ladana do i palealea na avena mina oaso i tala i mei asu usino na avena oaso ei solo i. Tomane moni Natuna Bibi ei ni goli simaido na ilala ei palea, ma vanunua ma tavivine vuso ne sou ite.

Matiu 24:3

Iesu ei ugu na loena e Oliv, me sou a disaipel moni sou asuale ei me sou tagi e ei maido, “Oo vei le amiteu, sei ilala a golugolu sou odo ni palea? Sei matailala ni palea pala na ilala o no veteliu ma magamaga ieli ni pulu?”

Matiu 24:44

Maidolo me amutou tamai ne mu masusulu. Natuna Bibi ei ni asu usinani na ilala tasa amutou ma damu oto i ei ni sibitala.

Matiu 25:31

“Ilala e Natuna Bibi ei veteliu tomane a mapana pilu a bineanea vuso, ei ni ugu na malasana niugugu a mapana minei.

Matiu 8:22

Moni Iesu ei vei lei, “Muina. Sou a vanua sou matesi, ne sou peilai e sou a abuna mine sou oto, moni oo ogomuli e eau.”

Malongolongona Kubaana mine Iesu Mak ei niage 9:1

Me Iesu ei vei le sou maido, “Eau vei patotona ane amutou, vanunua sanii sou eili saboa so mate, ne sou ite a niitealalena mine Salemo ni palea pilu a sagagalina taula minei.”

Ioanes 21:19

Iesu ei goli a inade do ni matailale a inigogona Pita ni mate, me ieli ni bilii e Salemo a aisa buo. Me mulimuli ei vei le Pita maido, “O ogomuli e eau.”

Ioanes 21:21

Pita ei ite ei me ei tagi e Iesu maido, “Bibi Taula, a bibi ielili ei ni matina?”

1 Korin 11:26

Inade mine Iesu ieli ei maite i maido, taliuliu amutou ani a ulalu ieli me mu inu a taogo ieli, amutou adepalealea a davutina ma minate mine Bibi Taula mapigogoi na ilala ei veteliu.

1 Korin 4:5

Maidolo me namutou ma vilemulialale lei a inigogona mina vanunua sanii mapigogoi a ilala Bibi Taula ei ni veteliu. Namutou magitali e Bibi Taula ni divi. Ei ni guale a golugolu vuso i ovu na tunuui mei ni tau na muada. Me ei ni mapale muade a damutatalana mina vanunua vuso. Me na ilala do Salemo ei ni vei le eitou vuso tastasa a pipigona mine eitou ei kubaana, ue boa.

1 Tesalonaika 2:19

Ilala Bibi Taula mine eitou Iesu ei veteliu, sei golu ni toe e amiteu namiteu magili sagali me namiteu mongemonge na matane ei? Sei golu namiteu maasi ni maite maido amiteu goli kube a pipigona mine amiteu? Amutou moni.

Iemus 5:7

Maido me tamtamaigu, namutou magili sagali me mu tabule a mavaana, me mu magitali e Bibi Taula ni veteliu. Amutou muada, a bibi ei isa a mauma ei magitali a gona inani doa ni palea na mauma minei. Ei toesagaligali a lilone ei ni magitali a adavu pilu a oaso ne sulu goli a pipigona mine sulu, me mulimuli ei ni guale a gona inani.

Iemus 5:8

De amutou tamai namutou toesagali a lilone amutou me mu tabule a mavaana. Ilala mine Bibi Taula ni veteliu ei agaviosi.

Inade i Ovu 1:7

“Oite, ei ni asu maino pilu a ausa,” ma “vanunua vuso ne sou ite ei a matane sou oto. Vanua sou ubi ei a lumusu sou tamai ne sou ite ei.” Me sou a abuna vanunua ma tavivine vuso mina magamaga “ne sou damutale ei, me ne sou tangi dododo sele.” E, golu ieli ni palea sele simaido. Moliana.

Inade i Ovu 2:25

Moni a golugolu vuso amutou sautole, iede ne amutou sautole sagali pea na ilala eau asu usinani.

Inade i Ovu 22:20

Bibi ei veipale a golugolu sou odo ei vei, “Ivu sele, eau na asu asi usinani.” Ei moliana. Bibi Taula Iesu, oo vele!

Inade i Ovu 22:7

Iesu ei vei “Mu longe, eau na asu asi usinani ne amutou. Vanunua ma tavivine sou ogomuli a inade mina malongolongona vuso eili na laulau ie, ne sou mongemonge.”

Inade i Ovu 3:11

Eau na asu asi usino minio. Golu oo lapitole, iede oo no lapitole obi, dae a bibi tasa ei ni guale a kele minio.