Ioanes 21:15 - Laulau na Vinalu mine Salemo

¹⁵ Iesu pilu e sou a disaipel so aani pulosi, de Iesu ei tagi e Saimon Pita maido, “Saimon, natune Ioanes, o kale mamai sele eau ane sou ie, io?” Me Pita i vei, “E, Bibi Taula, oo muada, eau kale o.” Seido Iesu ei vei le ei, “Oo iteale a natatuna sipsip minau a gona inani.”

Ioanes 21:15 ပူးပေါင်းရင်းမြစ်များ

Matiu 10:37

“Bibi ei kale mamai sele tamana ue tinana ane eau, ei ma mapigogoi ete ni muina e tamaigu. Ma bibi ei kale mamai sele natuna bibi ue natuna tavine ane eau, ei tamai ma mapigogoi ete ni muina e tamaigu.

Matiu 16:17

Iesu ei maliu a inadene ei maido, “Saimon, natune Ioanes, oo no mongemonge. Bibi tasa na magamaga i ma vei ete lio a inade ie. Euma ei tubu na langi ei moni ei maite e oo a golu ie.

Matiu 18:10

“Amutou tilale kube. Dae ne amutou damu e tasa balivua ne sou a vanunua sabubu, ei tomane a golu sabubu. Eau vei le amutou, na niitealalena mina langi sou a bineanea mine sou, taliuliu sou ite a lagune Euma ei tubu na langi.

Matiu 26:33

Pita ei maliu a inadena maido, “Muina, mane sou sanii sou ite a golu i palea le oo me a silimulina mine sou vuso i bosa me sou asutase oo, moni eau na ma asutase ete oo.”

Matiu 26:35

Me Pita ei vei le ei, “Muina, mane eau na mate pilu e oo, eau na ma ade oto ve eau ma muada oto e oo.” Ma disaipel vuso sou goli a inade tasa moni.

Malongolongona Kubaana mine Iesu Mak ei niage 14:29

Pita vei le ei, “Muina, mane a silimulina mine sou pilu e sou a vanunua sanii i bosa me sou veletase oo, moni eau na ma asutase ete oo.”

Malongolongona Kubaana mine Iesu Luk ei niage 12:32

“Amutou a abuna sipsip bainini, moni amutou ma laelae lou. Tamane amutou ei mongemonge ni bilii a niitealalena minei usino ne amutou.

Malongolongona Kubaana mine Iesu Luk ei niage 22:32

Moni eau kakasi mina buloine oo, a silimulina minio ni ma bosa oto. Me na ilala oo sauvule mo veteliu, oo no masagali e tamtamaimu.”

Ioanes 1:42

Me Andru i maasi e Saimon usino ne Iesu. Me Iesu ei ite ei me ei vei maido, “Oo e Saimon, natune Ioanes. Mulimuli ne sou vate a aisamu e Kepas.” Aisa e Kepas ie, ei tomane moni e Pita, a vatu.

Ioanes 13:37

Me Pita ei tagi e ei, “Bibi Taula, vuna matina eau na ma mapigogoi ete na ogomuli e oo seidei? Eau na mapigogoi na litase a maulina minau mina buloine oo.”

Ioanes 16:27

Euma ei oto ei kale amutou, vuna amutou kale eau, me amutou silimuliosi e eau eau asu usinani maino ne Salemo.

Ioanes 21:12

De Iesu ei vei le sou maido, “Mu vele mu vilitola.” Me tasa mine sou ma tagi ete ei, “Oo e sei?” Vuna sou muadasi i, ei e Bibi Taula moni.

Ioanes 21:7

Io a disaipel Iesu ei kale mamaimai sele do ei vei ane Pita maido, “Ei e Bibi Taula!” Ma ilala ei longe a inade do, “Ei e Bibi Taula,” ei papale a kinainai minei, vuna ei ma kakai oto. Mei seu utano mina dasi.

Ioanes 8:42

Me Iesu ei vei le sou maido, “Mane ei moliana Salemo ei e Tamane amutou, io ne amutou kale eau, vuna eau asu maino ne Salemo. Eau ma asu oto usinani na damutatalana minau oto. Boa. Salemo ei peltase eau usinani.

Aposel 20:28

Namutou ulage kube amutou oto me sou a sipsip, iedolo a vanunua ma tavivine vuso mina viepiluna kinaka mine Salemo ei oli a dalane Natune ei oto, ma Maolona Nunu ei vileale amutou ne mu itealale sou a sipsip iedo.

Aposel 20:29

Eau muada, ilala eau ilisitase amutou me eau asuosi, sou a busebuse aou ne sou vele usinani balivua ne amutou, me ne sou toegegeli e sou a sipsip.

Laulau Pol ei niage usino ne sou e Rom 14:1

Bibi ei silimuli, moni a silimulina minei i ma sagali oto, bibi ieli ne amutou guale ei usinani. Moni namutou ma maububi lou a inade pilu e ei a matamatana golugolu eitou ma muada kuba oto i.

Laulau Pol ei niage usino ne sou e Rom 15:1

Eitou a vanunua eitou isa a silimulina sagali, neitou buloi a vanunua sou ma isa oto a silimulina buo me neitou tabule a mavaana mine sou. Neitou ma damutaletale lei a buloine eitou oto moni.

1 Korin 8:11

Me na inigogona iedo, muadana minio i toegegeli a bibi iedo a silimulina minei i saboa sagali, ei e tamaine eitou Krais ei mate mina gualeliune ei.

Galesia 5:6

Mane a bibi ei eili ne Krais Iesu, de a inigogona munoge ei a golu sabubu, ma inigogona bibi ei ma moge ete ei, ede tamai ei a golu sabubu. Moni a golu tasa buo ei a pipigona silimulina ei mapale a kinalena.

Epesus 4:14

Io, eitou ma mapigogoi ete neitou ino lou tomane selebanini, me a inade mina vanunua na toegolalina ma inigogona vuso mina aualana me a iototona sou ma mapigogoi ete ne sou saukiki maisabe eitou, tomane a avivili ma dasi i lange laulau maisabe a bot.

Epesus 6:24

Salemo ei ni dode a vanunua vuso sou kale sele Bibi Taula mine eitou Iesu Krais taliuliu taliuliu.

Hibru 13:20

Eau kaka maido, Bibi Taula mine eitou Iesu, ei a munugana bibi na ulagena sipsip, ei bilii a dalane ei oto mina toesagalina magilipiluna ieli ni muina taliuliu. Salemo ei mailisiliu e ei na minate. Salemo ei a vuna mina lilomeana,

Hibru 4:13

A golu tasa boa Salemo ei mapale, ei mapigogoi ni ovu na lagune Salemo. Boa vuso sele. Golugolu vuso ei peo vuso me ei muina na avena muada sele na matane Salemo. Me Salemo oto ei ni vilemuliale a inigogona vuso eitou goli.

1 Pita 1:8

Amutou saboa mu ite Iesu, moni amutou kale mamai sele ei. Seidei amutou ma ite ete ei, moni amutou silimuli e ei me amutou mongemonge sele. A munonge do ei seleuli a munonge vuso mina magamaga ie, me eitou ma mapigogoi ete neitou ade i na asene eitou.

1 Pita 2:2

Eitou muada, a mongomongo alaba ei kale mamai sele a susu. Tomane moni namutou kale mamai a kumialena susu maino ne Salemo, susu odo ei maolo me ei a inade mine Salemo. A susu odo i buloi a nunune amutou ni uusi buo me ei sagali na maulina alaba Salemo ei bilii e amutou.

1 Pita 2:25

Amutou vuso tomane a sipsip sou asu maisabasaba. Moni seidei amutou veteliuosi usino na Bibi na itealalena sipsip odo, ei itealale kube a nunune amutou.

1 Ioanes 4:19

Salemo ei kale pale eitou, maido me eitou kalekale sou sanii sea tamai.

1 Ioanes 5:1

Vanunua sou silimuli e Iesu ei e Krais sou e natatune Salemo. Me a vanunua sou kalekale tamana sou kale tamai e natuna.

Inade i Ovu 2:23

Sou e natatuna tamai, eau na valiputemate sou. Maido ma viepiluna kinaka vuso ne sou muada maido, eau gegemumuliale iiti a lilone sou ma damutatalana mina vanunua vuso. Eau na maliu a mapa usino ne amutou tastasa mapigogoi a inigogona amutou goli.