Ioanes 2:21 - Laulau na Vinalu mine Salemo

²¹ Moni a luma mine Salemo Iesu i adeade ie, ede a vovone ei oto.

Ioanes 2:21 ပူးပေါင်းရင်းမြစ်များ

Ioanes 1:14

Inade ei palea a bibi, me ei asu usinani me ei eili balivua ne amiteu. Amiteu itesi a malasana buo minei, ei a malasana mine Natuna tasa moni, ei asu maino ne Tamana. Dinodo ma inigogona patotona ei vonu lilo ne ei.

Ioanes 2:22

Maido me tauluna Salemo i mailisi e ei na minate, sou a disaipel minei sou damutale lei a inade iedo ei goli lisa. Me sou silimuli a inade i lilo na Laulau na vinalu mine Salemo pilu a inade Iesu ei vei.

1 Korin 3:16

Amutou oto amutou a luma mine Salemo, ma Nunu mine Salemo ino lilo ne amutou. Nane amutou ma muada oto a golu ie?

1 Korin 6:19

Nane amutou ma muada oto i maido, vovone amutou ei a luma mina Maolona Nunu. Salemo ei biliiosi e amutou a Nunu, me ei ino lilo ne amutou. Amutou mine amutou oto boa.

2 Korin 6:16

Luma mine Salemo pilu a luma na kinaka mine sou a salemo auala, ne sulu magili pilu matina? Amutou muada, eitou oto eitou a luma mine Salemo ei muina taliuliu, tomane lisa Salemo i vei, “Eau na muigu pilu e sou me eau asu balivua ne sou. Me eau na muigu Salemo mine sou me ne sou muina a abuna vanunua ma tavivine minau.”

Kolosi 1:19

Salemo ei kale a maulina vuso ma inigogona minei oto ni muina ne Natuna do.

Kolosi 2:9

Amutou muada, Krais ei palea a bibi tomane eitou, ma maulina vuso mine Salemo, ei vonu sele ne ei.

Hibru 8:2

Ei goligoli a pipigona mina prist na luma bale maolo mine Salemo. A luma bale do a vanunua sou ma mamagili ete, Bibi Taula oto ei mamagili.