Ioanes 16:32 - Laulau na Vinalu mine Salemo

³² Ilala ei agaviosi mei sibitalasi ne amutou vuso mu oava maisaba usino na aubu mine amutou. Me eau na muigu vululu moni. Moni eau na ma muigu vululu oto moni, vuna Euma eili pilu e eau.

Ioanes 16:32 ပူးပေါင်းရင်းမြစ်များ

Matiu 26:31

Iesu ei vei le sou a disaipel minei maido, “Amutou namutou ite a golugolu ni palea le eau na lodo ie ma silimulina mine amutou vuso ni bosa, vuna, Laulau mine Salemo ei isa a inade maido, ‘Eau na valipute a bibi na niitealalena, me sou a sipsip ne sou oava maisaba.’

Matiu 26:56

Moni a golugolu vuso li ei palea ni toesesele a inade mine sou a profet sou niage.” Me sou a disaipel sou ilisitase Iesu me sou oava.

Malongolongona Kubaana mine Iesu Mak ei niage 14:27

Iesu ei vei le sou a disaipel minei maido, “Silimulina mine amutou vuso ni bosa, vuna, a Laulau mine Salemo ei isa a inade maido, “‘Eau na valipute a bibi na itealalena, me sou a sipsip ne sou oava maisaba.’

Malongolongona Kubaana mine Iesu Mak ei niage 14:50

Me sou a disaipel sou ilisitase e Iesu me sou oava.

Ioanes 12:23

Me Iesu ei adeliu a inade usino ne sou maido, “Ilala mine Natuna Bibi ei ni guale a aisa buo, seidei ei paleasi.

Ioanes 16:2

Ne sou taulele amutou na viepiluna kinaka mine sou e Iuda. A matailala ei agaviosi ne sou valiputemate amutou me ne sou damu ve sou goli a inigogona doana usino ne Salemo.

Ioanes 16:25

“Eau veiosi le amutou a inade sou ieli a adetinovona. Mulimuli eau na ma goli ete a adetinovona lou usino ne amutou. Eau na veimuada ane amutou e Euma.

Ioanes 16:31

Iesu ei adeliu usino ne sou maido, “Seidei amutou silimuli, io?

Ioanes 19:27

Me ei vei ana a disaipel dolo maido, “Oite, tavine de ei e tinamu.” Me soke mina malada dolo, disaipel do ei guale Maria usino na luma minei, me ei iteale ei.

Ioanes 20:10

Io a disaipel lua do su veteliu usino na aubu.

Ioanes 4:21

Iesu i vei maido, “Tavine, oo no silimuli a inadegu. Ilala tasa ei ni palea me ne amutou ma kaka oto ane Euma na loena ieli, me namutou ma kaka oto ne Ierusalem tamai.

Ioanes 4:23

Moni a ilala tasa ni palea, seidei ei paleasi. Me sou a vanunua vuso sou kale a kinaka ivu, ne sou kaka ane Tamane eitou a Maolona Nunu ma inade patotona. Me Euma ei kale mamai sele sou a matana vanunua ma tavivine sou goli maido.

Ioanes 5:25

Patotona sele eau vei ane amutou, ilala ei kale ni palea, seidei ei paleasi, me sou a vanunua ma tavivine sou mamatesi ne sou longe a baligolune Natune Salemo, me sou so longe, ne sou guale a maulina.

Ioanes 5:28

“Amutou ma damutala papai lou a inadegu. Ilala ei agaviosi ni palea ma vanunua ma tavivine vuso sou ino na aova na minate ne so longe a baligolune Natuna.

Ioanes 8:16

Moni mane eau vilemumuliale a inigogona mina bibi tasa, vilemumulialena minau ei bilesi moni, vuna eau vululu moni eau ma vilemumuliale ete ei. Boa. Euma, ei peltase eau usinani, ei pipigo pilu e eau.

Ioanes 8:29

Euma, ei peltase eau usinani, ei eili pilu e eau. Me ei ma itetase ete eau na ugu vululu moni. Boa. Vuna maido taliuliu eau goli a golugolu vuso ei kale.”

Aposel 21:6

Me amiteu mailangtaso, io amiteu sae na kuta, me sou veteliu usino na luma mine sou.

Aposel 8:1

Me Sol damu i, a inigogona sou goli le Stiven iedo ei bilesi. Na malada sou valipute Stiven, sou soke a toegegelina viepiluna kinaka ne Ierusalem. Maido me sou oava na aveavena vuso mine Iudia me Samaria. Moni sou a aposel sou ugu a muine sou ne Ierusalem.