Ioanes 15:15 - Laulau na Vinalu mine Salemo

¹⁵ Eau na ma tole ete amutou a bibi na pipigona lou. Vuna bibi na pipigona ei ma muada oto a golugolu bibi buo minei i goli. Moni eau tole amutou e tamtamaigu. Vuna inadenade vuso eau longe maino ne Euma eau veiosi ane amutou.

Ioanes 15:15 ပူးပေါင်းရင်းမြစ်များ

Matiu 13:11

Me Iesu ei maliu a inade maido, “Salemo ei mamuadesi e amutou a vuna inade ovu mina niitealalena mina langi, moni ei ma maite ete sou a vanunua ma tavivine ie.

Malongolongona Kubaana mine Iesu Luk ei niage 10:23

Me ei sauvule usino ne sou a disaipel minei me ei vei maido, “Vanunua sou ite a golugolu amutou iteite, ne sou guale a maibalavana.

Ioanes 12:26

Mane a bibi tasa ei goli a pipigona minau, ei ni ogomuli e eau. Me na aubu eau ugu i, bibi na pipigona minau tamai ei ni ugu pilu e eau. Mane a bibi ei goli a pipigona minau, Euma ni bilii e ei a aisa buo.”

Ioanes 13:16

Ivu sele eau vei le amutou, bibi na pipigona ei ma vululusi ete a bibi buo minei. Ma bibi ei asu usino na pipigona tasa, ei ino ma muata oto ana bibi ei peltase ei usino.

Ioanes 15:20

Namutou damutaleliu kube a inade eau vei ane amutou. Bibi na pipigona ei ma vululusi ete a bibi buo minei. Mane sou toegegeli eau, ne sou toegegeli amutou tamai. Mane sou ogomuli a inadegu, ne sou ogomuli tamai a inadene amutou.

Ioanes 16:12

“Eau isa a inade makuba lou eau kale na vei ane amutou, moni amutou ma mapigogoi ete ne amutou guale seidei.

Ioanes 17:26

Eau mapale a aisamu usino ne sou, me eau na mapalesui lei, ne sou goli a inigogona kinale usino ne sou a vanunua, tomane oo kalekale eau me eau tamai ea na muigu pilu e sou.”

Ioanes 20:17

Me Iesu ei vei lei maido, “Oo ma lapitoletole lei eau, vuna maido eau saboa asu uata ne Euma. Moni o no asu usino ne sou e tamtamaigu me no vei ane sou maido, eau na asu uata ne Euma, Tamane amutou. Me eau na veteliu usino ne Salemo minau me Salemo mine amutou.”

Ioanes 4:19

Ma tavine ei vei lei, “Bibi buo, seidei eau muada i, oo a profet tasa.

Ioanes 8:26

Eau isa a inade makuba eau na goli mina vilemumuliale na inigogona vuso mine amutou. Moni a Bibi ei peltase eau, inigogona minei i patotona vuso. Ma inade vuso eau longe maino minei, ede eau veimuadade usino ne sou a vanunua ma tavivine mina magamaga.”

Aposel 20:27

vuna maido eau ma lae oto a veipalena damutatalana vuso mine Salemo usino ne amutou.

Laulau Pol ei niage usino ne sou e Rom 7:15

Eau ma muada oto a vuna ivu mina inigogona eau goligoli. Sou a inigogona eau kale mamai na goli, ede eau ma goli ete. Moni sou a inigogona eau ma kale sape ete, ede taliuliu eau goligoli.

1 Korin 2:16

Laulau mine Salemo ei isa a inade maido, “Sei muada a damutatalana mine Bibi Taula, sei mapigogoi ni matetengi e Bibi Taula?” Moni damutatalana mine Krais eili ne eitou.

Galesia 4:6

Seidei amutou natatune Salemo. Maido me Salemo ei peltasesi a Nunu ne Natuna usinani na lilone eitou ma Nunu ei toe eitou tola ane Salemo maido, “Aba, Euma!”

Epesus 1:9

Me seidei Salemo ei maitesi eitou a damutatalana ovu minei na masagana doana minei oto, iede lisa ei damutalesi lilo ne Krais.

Epesus 3:5

Na malada taliuliu lisa, Salemo ei ma ademuada oto a inade ovu ie. Moni seidei na Maolona Nunu, Salemo ei ademuada ane amiteu a maolona aposel minei, me sou a profet minei.

Kolosi 1:26

Na malada vuso lisa, inade li ino ovu me vanunua ma tavivine vuso lisa sou ma muada oto i. Moni seidei ei palea muada selesi na matana vanunua ma tavivine mine Salemo.

Pilemon 1:16

Seidei o no ma damu oto i ei a bibi na pipigona sabubu moni. Boa. Patotona, lisa ei a bibi na pipigona sabubu minio, moni seidei ei palea tamaimu sele. Me eau oto eau ite ei tomane tamaigu sele. Eau muada i, o no kale mamai sele ei me o no kale a pipigona tamai ei goli. Me lilo ne Krais o no ite ei tomane ei tamaimu sele.

Iemus 1:1

Eau e Iemus, eau a bibi na pipigona mine Salemo me Bibi Taula Iesu Krais. Eau niage a laulau li usino ne amutou a abuna savulu tasa timana lua mine Israel, amutou malu maisaba. Oaso kubaana usino ne amutou.

Iemus 2:23

Maidolo me Laulau mine Salemo ei isa a inade maido “Abraham ei silimuli e Salemo, me Salemo i vate e ei a bilesina bibi,” ei palea muadasi. Me Salemo ei vate e Abraham “Tamaigu.”

1 Pita 1:11

A Nunu mine Krais ei ino lilo na lilone sou a profet, na asene sou Nunu mine Krais ei adepalea a matamatana davutina Krais ei ni tabule me mulimuli ei ni guale a aisa buo. Me sou a profet sou tagutagu, “Sei malada a bibi na gualeliune eitou odo ei ni asu usinani?” Me “Sei golu ni palea na malada do?”

2 Pita 1:1

Eau e Saimon Pita, eau a bibi na pipigona ma aposel mine Iesu Krais, ei e Salemo mine eitou, me ei e Bibi na gualeliune eitou. Eau niage a inade ieli usino ne amutou a vanunua ma tavivine amutou guale a silimulina ei kubaana sele. Na inigogona bilesi mine Iesu Krais, silimulina mine amutou i palea tasa moni tomane a silimulina mine amiteu.

Iudas 1:1

Eau e Iudas, eau a bibi na pipigona mine Iesu Krais, me eau e tasine Iemus. Eau niage a laulau li usino ne amutou a vanunua ma tavivine Salemo i toleale. Salemo Tamane eitou ei kale sele amutou, me Iesu Krais oto ei itealale amutou.

Inade i Ovu 1:1

Iesu Krais ei veimuade a inade i ovu. Salemo ei maite a inade li usino ne Iesu ni maite e sou a vanua na pipigona minei a golugolu ei ni palea asi. Iesu peltase a bineanea minei ni bilii a inade li usino ne Ioanes a bibi na pipigona minei.