Ioanes 14:28 - Laulau na Vinalu mine Salemo

²⁸ “Amutou longesi a inade eau bilii e amutou maido, ‘Eau na ilisitase amutou me asu. Me eau na veteliu usinani ne amutou.’ Mane amutou kale sele eau, io amutou ni mongemonge a inade maido eau na asu usino ne Euma, vuna Euma ei buo lou ane eau.

Ioanes 14:28 ပူးပေါင်းရင်းမြစ်များ

Matiu 12:18

“Ieli ei a bibi na pipigona minau. Eau oto eau vileale ei. Eau kale mamai e ei, ma lilogu ei mongemonge mamau sele e ei. Eau na tau a Nunugu ne ei, me ei ni veipale a inade mina bilesina inigogona na abuna vanunua ma tavivine vuso na magamaga.

Ioanes 10:38

Moni eau goli a pipigona minei. Me mane amutou ma kale ete namutou silimuli a inadegu, io ne amutou silimuli a pipigona eau goli. Maido me namutou iteilale me namutou muada i maido, Euma eili minau, me eau ino ne Euma.”

Ioanes 13:16

Ivu sele eau vei le amutou, bibi na pipigona ei ma vululusi ete a bibi buo minei. Ma bibi ei asu usino na pipigona tasa, ei ino ma muata oto ana bibi ei peltase ei usino.

Ioanes 14:12

Patotona sele eau vei ane amutou, sei bibi ei silimuli e eau, ei tamai ni goli a matamatana pipigona eau goli. Me ei ni goli a pipigona buo vuso i seleuli a pipigona eau goli, vuna maido eau na asu usino ne Euma.

Ioanes 14:18

Eau na ma asutase ete amutou, tomane a niutu. Eau na asu usinani mine amutou.

Ioanes 16:7

Moni eau vei ivu ane amutou ieli mina buloine amutou, eau na ilisitase amutou me eau na asu. Mane eau ma asutase ete e amutou, Nununa Buloina ei ni ma mapigogoi ete ni sibitala le amutou. Moni mane eau asu, de eau na peltase ei usinani ne amutou.

Ioanes 20:17

Me Iesu ei vei lei maido, “Oo ma lapitoletole lei eau, vuna maido eau saboa asu uata ne Euma. Moni o no asu usino ne sou e tamtamaigu me no vei ane sou maido, eau na asu uata ne Euma, Tamane amutou. Me eau na veteliu usino ne Salemo minau me Salemo mine amutou.”

Ioanes 20:21

Me Iesu ei vei lou ane sou, “Lilone amutou ni mea moni. Euma ei peltase eau usinani, tomane moni eau peltase amutou usino.”

Ioanes 5:18

Sou e Iuda so longe a inade do me sou kale sele ne sou valiputemate e Iesu, vuna ei ma seuti ete a binea mina Maolona Malada moni, boa. Ei vei tamai maido Salemo ei e Tamane ei bilesi. Na inade ieli ei toe ei oto tomane e Salemo.

Ioanes 7:33

Me Iesu ei vei, “Eau na pilu e amutou bisii moni, me eau na veteliu usino ne Euma, ei peltase eau usinani.

1 Korin 11:3

Moni eau kale ne amutou muada tamai maido, letena vanua vuso ei e Krais, ma bibi ei a letena tavine, ma letene Krais e Salemo.

1 Pita 1:8

Amutou saboa mu ite Iesu, moni amutou kale mamai sele ei. Seidei amutou ma ite ete ei, moni amutou silimuli e ei me amutou mongemonge sele. A munonge do ei seleuli a munonge vuso mina magamaga ie, me eitou ma mapigogoi ete neitou ade i na asene eitou.

Inade i Ovu 1:11

A bibi iedo ei vei maido, “Golugolu vuso oo ite, iede oo no niage mo masosove usino na viepiluna kinaka padilua, ne Epesus, Smena, Pegamum, Taiataira, Sadis, Piladelpia me Laodisia.”