Ioanes 11:47 - Laulau na Vinalu mine Salemo

⁴⁷ Maido me sou a munugana prist pilu e sou e Parisi sou toleale sou a vanua na toebilelesina inade ne sou viepili, me sou vei le sou maido, “Neitou goli a sava? Bibi ieli ei goli a gona sinaga papainasi.

Ioanes 11:47 ပူးပေါင်းရင်းမြစ်များ

Matiu 26:3

Na ilala do sou a munugana prist me sou a vanua buobuo mine Israel sou viepilu na luma mina mapana prist, aisana e Kaiapas.

Matiu 5:22

Moni eau vei le amutou maido, sei bibi ei sinoa ane tamaina, ei ni magili na vavasana. Ma bibi ei lobe gegeli e tamaina, ei ni magili na vanua na avelulusena inade. Me sei bibi ei vei ana bibi tasa maido, ‘Oo vauta,’ ei ni asu usino na oavi mina aubu na davutina.

Malongolongona Kubaana mine Iesu Mak ei niage 14:1

Tauluna malada lua, Malada na Asuleletasena me a Malada Buo mina ulalu a is boa ni palea. Me sou a munuganuga mina prist me sou a vanua na muadana binea sou vei maido, “Neitou auala ane Iesu me neitou lapitole ei me neitou valipute ei matina?”

Malongolongona Kubaana mine Iesu Luk ei niage 22:2

Ma munugana prist ma vanua na muadana binea, sou tilotilo a vea tasa ne sou valipute Iesu, vuna maido sou lae a vanunua ma tavivine.

Ioanes 11:57

Sou a munugana prist pilu e sou e Parisi sou veiosi ane sou a vanunua ma tavivine maido, mane sei bibi ei muada e Iesu ei ino iva, ei ni veimuada ane sou ne sou papale ei.

Ioanes 12:19

Sou e Parisi sou ite me sou maiademuli i balivua mine sou oto maido, “Oite. A golu eitou kale neitou goli iedo, ei ma mapigogoi ete ni palea. Sou a vanunua ma tavivine vuso so ogomuli e ei.”

Ioanes 2:11

Ielili a munugana gona sinaga Iesu ei goli ne Kana na avena e Galili. Ei maite e sou a sagagalina buo minei na gona sinaga ieli, me sou a disaipel minei sou silimuli e ei.

Ioanes 6:2

Ma abuna vanunua ma tavivine taula sou ogomuli e ei, vuna sou ite a gona sinaganaga ei goli mina toekubena vanua na sinobe.

Ioanes 7:32

Sou e Parisi so longe a vanunua so goli a matamatana inade na golugolu e Iesu ei goli. Maido me sou a munugana prist me sou e Parisi sou peltase sou a papai usino ne sou lapitole ei.

Ioanes 7:45

Seidolo sou a papai so veteliu lou usino ne sou buobuo mina prist me sou e Parisi. Me sou tagi e sou a papai maido, “Posa matina amutou ma maasi ete ei usinani?”

Aposel 5:21

Sou a aposel sou longe a inade do, me sou asu usino na luma mine Salemo na autupola siisii sele, me sou malongo a inade usino ne sou a vanunua ma tavivine. Me a mapana prist pilu e sou tamtamaina sou toleale a vanua na avelulusena inade me sou buobuo mine Israel, me sou asu usinani me sou viepilu. Me sou masosove a inade usino na luma na tunuui, ne sou maasi e sou a aposel usinani.

Aposel 5:24

Munuganuga mina vanua sou ulagelage a luma mine Salemo pilu e sou a prist sou longe a inade do, me sou damutala papai, me sou vei, “Mulimuli a golu ieli ni palea i matina?”