Ioanes 10:30 - Laulau na Vinalu mine Salemo

³⁰ Me eau pilu e Euma amilu tasa moni.”

Ioanes 10:30 ပူးပေါင်းရင်းမြစ်များ

Matiu 11:27

“Euma ei tauosi a golugolu vuso na limagu. Ma bibi tasa ino boa ei muada e Natuna. Euma tasa moni ei muada i. Ma bibi tasa ino boa ei muada e Euma. Natuna pilu e sou a vanunua Natuna oto ei kale ni maite e Euma usino ne sou, sou moni sou muada e Euma.

Matiu 28:19

Maido me ne amutou asu mu toe sou a abuna vanunua ma tavivine vuso ne sou palea a disaipel minau. Me amutou maavuvuti e sou a aisane Euma me mine Natuna me mina Maolona Nunu.

Ioanes 10:29

Euma, ei bilii e eau e sou, ei buo sele ana golugolu vuso. Maido ma bibi tasa i ma mapigogoi ete ni taulele sou maino na limana.

Ioanes 10:36

Moni e eau, Euma oto ei tau e eau, me ei peltase eau usinani na magamaga. Maido na ilala eau vei, ‘Eau e Natune Salemo,’ posa matina amutou vei, ‘O kale no puisobe a muine Salemo?’

Ioanes 14:23

Me Iesu ei adeliu ane ei maido, “Mane a bibi tasa ei kale sele eau, ei ni ogomuli iiti a inade minau. Me Euma ei ni kale a bibi iedo. Me ne amilu asu usino ne ei me nami ugu pilu e ei taliuliu taliuliu.

Ioanes 14:9

Me Iesu ei vei le ei, “Pilip, tabaa selesi eau ugu pilu e amutou, me oo saboa muada e eau? Bibi ei ite eau, ei ite Euma. Posa matina o vei, ‘Maite amiteu e Tamane amiteu?’

Ioanes 16:15

Golugolu vuso mine Euma ei minau. Maido me eau vei, ei ni guale a inadegu mei ni veimuade le amutou.

Ioanes 17:10

Sou a vanunua ma tavivine minau, iodo sou minio tamai. Me sou a vanunua ma tavivine minio, iodo sou minau tamai. Sou beilange a aisagu i buo.

Ioanes 5:17

Moni e Iesu i adeliu ane sou maido, “Euma ei pipigo taliuliu pea seidei, me eau tamai ea pipigo.”

Ioanes 5:23

mina vanunua vuso sou mapigogoi ne sou beilange a aisane Natuna tomane moni sou beilange a aisane Tamana. Bibi ei ma beilangelange ete a aisane Natuna ei ma beilange ete a aisane Tamana ei peltase ei usinani.

Ioanes 8:58

Me Iesu ei vei le sou, “Patotona sele eau vei ane amutou, ilala Abraham ei saboa alaposa, eau oto eau eiliosi.”

1 Timoti 3:16

Eitou muada iiti i maido, inade ovu mina inigogona mine Salemo ei a golu tasa i buo sele. Inade li Salemo ei matetengiosi e eitou, ei maido, Ei palea a bibi ivu, me sou a vanunua ma tavivine sou ite ei. Maolona Nunu ei maite i maido, inigogona minei ei bilesi vuso, me sou a bineanea mine Salemo sou ite ei. Sou a vanunua sou asu me sou veipale a inade minei ane a abuna vanunua vuso. Vanunua ma tavivine na magamaga sou silimuli ei, Me Salemo i maasi e ei uata me ei guale a aisa buo sele.

Taitus 2:13

Maido me eitou magitalitali ivu a golu doana iedo neitou monge sele a niitena. A golu doana iedo ei e Salemo mei buo mamau sele, me Iesu Krais ei e Bibi Taula mina gualeliune eitou, ei ni palea muada sele pilu a aisa buo mine Salemo.

1 Ioanes 5:20

Eitou muada, Natune Salemo ei sibitalasi, mei bilii e eitou a damutatalana, ne eitou muada e Salemo ivu. Eitou valitole Salemo ivu pilu e Natuna Iesu Krais. Iesu Krais ei e Salemo ivu, me ei a vuna maulina kubaana taliuliu taliuliu.

1 Ioanes 5:7

Sou taotolu sou veimuade a inigogona minei,