Inade i Ovu 13:6 - Laulau na Vinalu mine Salemo

⁶ Ei pee a asena me ei adepintola ane Salemo. Ei adegegeli a aisane Salemo ma avena mine Salemo me sou a abuna mine Salemo ino na langi.

Inade i Ovu 13:6 ပူးပေါင်းရင်းမြစ်များ

Inade i Ovu 12:12

Maido me oo a langi me amutou vuso ino na langi, namutou mongemonge. Moni oo a magamaga me oo a dasi, amulu tilale. A mavaana buo ni palea le amulu, Vuna, Satan ei sivosi utano ne amutou, me ei sinoa mamau sele, vuna ei muada ilala minei boto moni.”

Hibru 9:24

Krais ei ma gali oto ulilo na luma maolo a vanunua sou tige a limane sou, ei a nunu moni mina luma maolo ivu mine Salemo. Ei gali ulilo na langi bilesi. Me seidei ei ino agavuale sele Salemo, me ei pipigo a buloine eitou.

Matiu 15:19

A matamatana golugolu ei palea na damutatalana bibi sou maido, damutatalana pagu, ma inigogona valiputena bibi ma sualolona, ma inigogona toegegelina taulaina, ma inigogona paaalina, ma inigogona adeaualana mina vavasana, ma inigogona mailobena.

Matiu 12:34

Amutou a vanunua mamau, amutou tomane a aliusu pagu. Amutou mapigogoi mu goli a inade doana matina? Bibi ei ademuadada a matana damutatalana ei vonu mina lilone ei.

Inade i Ovu 21:3

Me na niugugu a mapana eau longe a baligolu tasa ei tola sagali maido, “Longe. Seidei a luma mine Salemo ei muina pilu a vanunua ma tavivine. Salemo ei ino balivua ne sou, me ne sou muina a vanunua ma tavivine mine Salemo. E, Salemo oto ei ni pilu e sou, me ei ni muina e Salemo mine sou.

Inade i Ovu 18:20

Oo a langi pilu a vanunua ma tavivine mine Salemo, me amutou a aposel me amutou a profet, amutou vuso namutou mongemonge a golu seidei ei palea na aubu buobuo do. Salemo ei maliuosi a inigogona pagu vuso a aubu buobuo do ei goli le amutou.’”

Inade i Ovu 11:12

Sulu longe a baligoluna bibi tasa ei tola sagali na langi me ei vei le sulu maido, “Amulu asu uata nani na.” Io sou a butu sou ite sulu asuasu ulilo na ausa me su asu uata na langi.

Inade i Ovu 7:9

Tauluna golu ieli, eau ite a vanunua ma tavivine makuba sele sou viepilu i ma mapigogoi ete a bibi ni gi a savulu ne sou. Vanunua ma tavivine do sou mina abuna vanua vuso me mina avena buobuo vuso, me mina matamatana vovo vuso, me mina matamatana inade vuso, sou magili na laguna niugugu a mapana me na matane Natuna Sipsip. Sou kai a kinainai lagolago keakea, me na limane sou, sou lapitole a laulau na obu a lou.

Inade i Ovu 5:13

Me eau longe a inadenade mina golugolu vuso Salemo ei mapale, iede a golugolu ei ino na langi me na magamaga, me matano na magamaga me na dasi. E, a golugolu vuso ino mina aveavena vuso, eau longe sou vei maido, “Bibi iede ei ugugu na niugugu a mapana minei, me Natuna Sipsip tamai, sulu olu ne su guale a maibalavana vuso ma aisa buo ma masalalaina ma sagagalina buo i mapigogoi taliuliu taliuliu.”

Inade i Ovu 4:4

Ma niugugu savulu lua timana iva sou magili saiili a niugugu a mapana do, ma vanua buobuo savulu lua timana iva sou ugu na niugugu sou odo. Vanua buobuo do sou kai a kinainai lagolago keakea me sou kai a kele a gol na letene sou.

Inade i Ovu 4:1

Tauluna golu ieli eau gemu lou mea ite a tema tasa i peosi na langi. Eau longe a baligoluna bibi iedo, lisa ei tola sagali ane eau tomane a tinangi na tuai, ei vei maido, “Oo asu uata na, mea na maite oo a sei golu ni palea mulimuli.”

Hibru 9:2

Sou mamagili a luma bale maolo. Lilona munugana vilo a muina lada ma poso pilu a ulalu maolo ino. A vilo do sou vate, “A vilo maolo.”

Laulau Pol ei niage usino ne sou e Rom 3:13

“Tokaune sou i tomane a muina minate i peo moni. Sou goligoli a adeaualana papaina.” “Ma asene sou ei vonu a inade mina toegegelina vanunua tomane a paselena aliusu mamau.”

Kolosi 2:9

Amutou muada, Krais ei palea a bibi tomane eitou, ma maulina vuso mine Salemo, ei vonu sele ne ei.

Kolosi 1:19

Salemo ei kale a maulina vuso ma inigogona minei oto ni muina ne Natuna do.

Ioanes 1:14

Inade ei palea a bibi, me ei asu usinani me ei eili balivua ne amiteu. Amiteu itesi a malasana buo minei, ei a malasana mine Natuna tasa moni, ei asu maino ne Tamana. Dinodo ma inigogona patotona ei vonu lilo ne ei.

Inade i Ovu 7:15

Maido me, “Sou magiligili na laguna niugugu a mapana mine Salemo. Me na oaso me na lodo sou ino na luma mine Salemo me sou pipigopigo ane ei. Me Salemo ei ugugu na niugugu na mapana, ei oto ei ni muina pilu e sou mei iteale sou.

Inade i Ovu 15:5

Tauluna golu ieli eau gemu lou mea ite a luma mine Salemo na langi i peo. Luma mine Salemo iedo ei a luma bale, me a inade ivu mine Salemo ino lilo na luma bale do.