Inade i Ovu 11:9 - Laulau na Vinalu mine Salemo

⁹ Vanunua ma tavivine mina abuna vanua vuso, me aveavena vuso buobuo, ma matamatana inadenade vuso, ma matamatana vovo vuso, ne sou ite a aitolane sulu mapigogoi a malada tolu ma maduna malada tasa. Ne sou ma longo oto a vanunua ne sou peilai a aitolane sulu.

Inade i Ovu 11:9 ပူးပေါင်းရင်းမြစ်များ

Matiu 7:2

Salemo ei vilemuliale amutou na inigogona tasa moni tomane amutou goli le sou sanii. Ma golu amutou goli le sou sanii, na golu moni iedo Salemo ei ni maliu le amutou.

Inade i Ovu 10:11

Me ei vei le eau maido, “Oo no veipale lei a inade na malongolongona usino na abuna vanunua ma tavivine vuso, ma aveavena vuso, me sou a matamatana inadenade vuso, me sou a mapamapana tamai.”

Inade i Ovu 11:11

Tauluna malada tolu ma maduna malada tasa, Salemo ei sosove a avivili mina maulina ni gali ulilo ne sulu, me sulu ilisi a ubu ne sulu me su magili. Ma vanunua sou ite sulu, sou lae mamau sele.

Inade i Ovu 13:7

Me dregon ei bilii a sagagalina lou ne ei ni maubi ana vanunua ma tavivine mine Salemo me ei toebose sou. Me ei guale a sagagalina mina niitealena vanunua ma tavivine mina abuna vanua vuso, ma matamatana vovo vuso, ma matamatana inadenade vuso, ma aveavena buobuo vuso.

Inade i Ovu 17:15

Ma bineanea ei vei lei le eau maido, “Sou a nanu buobuo oo ite a sualolona tavine ei ugu muata ne sou odo, iede sou a abuna vanunua, ma matamatana vovo, ma matamatana inade, ma aveavena buobuo vuso.

Inade i Ovu 5:8

Ei gualesi a laulau odo, ma golu iva sou mauli odo me sou a vanua buobuo savulu lua timana iva sou totopatulu agavuale Natuna Sipsip. Sou a vanua buobuo sou tastasa lapitole a galamo ma taogo a gol i vonu sele a muo a manginana doana, iede ei a kinaka vuso mina vanunua ma tavivine sou maolo.

Inade i Ovu 5:9

Me sou ale a inala alaba tasa maido, “Oo puiale sele no guale a laulau mo taulele a bulu na kandel vuso ei bulubulutole a laulau. Vuna, sou valiputemate oo, me na dalane oo oo oliliuale sou a vanunua ma tavivine mina abuna vanua vuso, me mina inadenade vuso, me mina matamatana vovo vuso, me mina avena buobuo vuso, ne sou bilii e sou oto usino ne Salemo.