Iemus 5:3 - Laulau na Vinalu mine Salemo

³ Vatu malasolosolo mine amutou, gol pilu a silva, sou mamauosi, ma mamauna do ni toe a sinusu mine amutou ni palea muada sele, me ei ni aani a vovone amutou tomane a oavi. Punuluna malada ei agaviosi ni palea, moni amutou taupili sabubi a golugolu papai ma vatu.

Iemus 5:3 ပူးပေါင်းရင်းမြစ်များ

Aposel 2:17

‘Salemo ei vei, “Agavuale a punuluna malada, eau na singi a Nunu minau ne sou a vanunua ma tavivine vuso. Me selebanini mine amutou ne sou malongo a inade minau tomane sou a profet. Me sou a vanunua alalaba mine amutou ne sou ite a golugolu tomane a tinada, me a vanunua buobuo ne sou tada.

Laulau Pol ei niage usino ne sou e Rom 2:5

Oo tabesobe sele a lilomu me oo ma sauvulevule ete a lilomu. Me na inigogona iede ei tomane o taupili a mapa pagu i buo minio oto. Me na malada Salemo ei goli a bilesina vavasana minei, lilotivulana minei ni palea muada sele me oo no guale a mapa pagu odo.

2 Timoti 2:17

Matana matetengina maido, ei tomane a tuutuu pagu mina toegegelina bibi, me ei ni palea buo sele. Tau lua ne sou sulu goligoli a matana inade simaido, ede Himeneus pilu e Piletus.

2 Pita 3:3

Moni a golu buo ne amutou muada i ei maido. Na ilala mina punuluna malada sou a vanua mina adepintolana ne sou palea, me ne sou ogomuli a masagana pagu na lilone sou.

Inade i Ovu 17:16

Ma siili savulu tasa ma viuviu oo ite do, ne sou butuale a sualolona tavine. Ne sou toegegeli sele ei me sou kaitase a kinainai vuso minei. Me ne sou ani a mainina vovone ei, me sou tuni vuse ei na oavi.

Inade i Ovu 20:15

Me sei ei aisana boa lilona laulau mina maulina, ne sou lange tamai e ei utano na aova taula a oavi ino i.

Inade i Ovu 21:8

“Moni a vanunua sou lae me sou suduliliu, ma vanunua sou ma silimuli ete, ma vanunua sou goli a matamatana inigogona pagu sele, ma vanunua mina valiputene sou a vanunua sea, ma vanunua sou goli a inigogona sualolona, ma vanunua sou goli a milolo, ma vanunua sou totopatuliale sou a salemo auala, ma vanua vuso sou goli a aualana inade, ne sou asu usino na aubu mine sou, iede a aova taula ei isa a tuntununa loiloi pilu a oavi. Ielili a maluana minate.”